Gẹnẹsis 35:27 - Edo Bible (E Baibol Ẹdo) Version 1996

²⁷ E Jekọb keghi bu Aizik ne erha ẹe gha die Mamrẹ ne ọ rre ọkpẹn Hibrọn ehe ne Ebraham kevbe Aizik ka yin.

Gẹnẹsis 35:27 ပူးပေါင်းရင်းမြစ်များ

Gẹnẹsis 13:18

Rhunmwuda ọnii, Ebram na si agọ ẹre, ọ keghi ya bu ẹre ye ọkpẹn erhan iruẹmwi ọghe Mamrẹ vbe Hibrọn, ọ ke gba aka ne Nọyaẹnmwa vbe evba.

Gẹnẹsis 14:13

Sokpan okpia ọkpa ne ọ lẹ fe keghi do tama Ebram ne ovbi e Hibru, ọkpẹn erhan iruemwi ọghe Mamrẹ ne ọmwa Amọri rẹn gha ye, ọmwa Mamrẹ ne ọ re ọtẹn Ẹskọl kevbe Anẹ keghi re emwa ni ye obọ ba Ebram.

Gẹnẹsis 17:8

I gha mu otọe ne uwẹ ye na zẹ vbe orhunmwuyẹn ne uwẹ vbe uniẹn ruẹn. Otọe Kenan hia ghi gha re ọwuẹ ẹdẹdẹmwẹdẹ, mẹ ghi vbe gha re Osanobua iran.”

Gẹnẹsis 18:1

E Nọyaẹnmwa keghi rhiegbe ma Ebraham vbe ọkpẹn avbe erhan iruemwi ọghe Mamrẹ, Ebraham keghi tota ye onurho owa ukpọn rẹn vbe ogiavan ogioghogho,

Gẹnẹsis 23:19

Ẹre Ebraham na ya re amwẹ ọnrẹn ighẹ Sera ye uweu okuta na vbe otọe Kenan.

Gẹnẹsis 23:2

Ọ keghi wu vbe kirriat eba (ra Hibrọn) ne ọ rre otọ kenan. Ebraham keghi wa ẹre ye ukpo, ọ na khiẹ ọre.

Gẹnẹsis 28:5

Aizik keghi gie Jekọb gha rrie Mẹsopotamia, gha rrie ọghe Leban ne ovbi Bẹtuẹl ne ọmwa Aram. E Leban keghi re ọtẹn Ribẹka ne iye Jekọb kevbe Isọ.

Gẹnẹsis 37:14

Erha ẹe keghi tama rẹn wẹẹ, “Gha khian, ya ghe ẹre a deghẹ ọ ye avbe etuẹn kevbe avbe ohuan ẹse; u ghi dọlegbe gha de do tama mwẹ.” Ẹre erha ẹe na giẹe ke iya Hibrọn kpao. Ugbẹn vbe Josẹf ghi sẹ Siẹkẹm.

Gẹnẹsis 49:29

Ẹre Jekọb na yi iyi ne iran wẹẹ, “Te I ghi ra ya deba avbe emwa mwẹ ni wu nẹ nian, wa ghi ya re mwẹ ba avbe erha mwẹ vbe uvun okuta ne ọ rre ako oha Efrọn ne ọmwa Hiti.

II Samuẹl 2:1

Vbe iyeke ọna, e Devid keghi nọ e Nọyaẹnmwa wẹẹ, “Ne I gha khian ya mu ọkpa vbe ẹvbo ni rre Juda ne I gha khaemwisẹ yan rẹn ra?” E Nọyaẹnmwa keghi wanniẹn wẹẹ, “Gha khian.” E Devid keghi nọ wẹẹ, “De ne ọ khin vbọ yi?” E Nọyaẹnmwa tama rẹn wẹẹ, “E Hibrọn.”

II Samuẹl 2:11

Rẹn keghi vbe ya ukpo ihinrọn vbe ukhiọnmwẹ gha khaemwisẹ yan iran vbe Hibrọn.

II Samuẹl 2:3

Ọ keghi vbe viọ ikpia ni lele ẹe khian, kevbe ẹgbẹe iran, gha khian, iran keghi yin ẹvbo ni lẹga Hibrọn.

II Samuẹl 5:1

Ewae ni rre Izrẹl hia keghi bu e Devid gha die Hibrọn, iran tama rẹn wẹẹ, “Esagiẹn ọkpa ma khin.

II Samuẹl 5:3

Rhunmwuda ọnii, avbe ọkaolotu ivbi Izrẹl hia keghi hu e Devid ne ọba gha die Hibrọn. Ọ keghi ye egbe ye ulamwẹ ba iran, iran keghi ma ẹre ọba ọghe Izrẹl.

II Samuẹl 5:5

Ọ keghi ya ukpo ihinrọn vbe ukhiọnmwẹ rriọba yan Juda vbe Hibrọn, ọ keghi vbe ya ukpo eha-yan ọgban rriọba yan ivbi Izrẹl vbe Jerusalẹm.

Jọsua 15:13

E Jọsua keghi mu ihe eso vbe otọe emwa Juda ne Kelẹb ne ovbi Jefunẹ, zẹ vbene e Nọyaẹnmwa tama rẹn. Ọna kegha re Hibrọn ẹvbo Aba ne erha Anak.

Jọsua 21:11

Iran keghi mu ne iran, Aba (Aba ẹre ọ gha re erha Anak) onii ọ re Hibrọn vbe ẹvbo oke ọghe Juda ke ẹe kevbe otọ erria ni lẹga ẹre.