Gẹnẹsis 35:26 - Edo Bible (E Baibol Ẹdo) Version 1996

²⁶ Ivbi e Zilpa ne ọviẹn Lia: Gad kevbe Asia. Ena ọre emọ ikpia ne Jekọb biẹlẹe vbe Mẹsopotamia.

Gẹnẹsis 35:26 ပူးပေါင်းရင်းမြစ်များ

Gẹnẹsis 25:20

Ukpo iyeva ọre Aizik ye vbe ọ rhie Ribẹka ne ovbi Bẹtuẹl nokhuo, (ọmwa Aran ne ọ ke Mẹsopotamia rre,) ọtẹn Leban nokhuo.

Gẹnẹsis 28:2

Mu egbe ne u do gha rrie Mẹsopotamia, ne u gha rrie owa Bẹtuẹl ne erha iyuẹ. U ghi rhie ọkpa vbe avbe ikhuo ni rre evba rọnmwẹ, ọkpa vbe uwu avbe emọ ikhuo Leban ne ọtẹn iyuẹ.

Gẹnẹsis 29:24

E Leban keghi rhie Zilpa ne ọviẹn ọnrẹn nokhuo zẹvbe ne ọ gha guẹ dia ne Lia ne ovbi ẹre.)

Gẹnẹsis 35:18

Te ọ ghi ra kpan udu, ugbẹn vbe ọ ghi ra wa kpan udu, ọ keghi he ovbi ẹre ọmọ okpia nii Benoni sokpan erha ẹe keghi he ẹre Bẹnjamin.

Gẹnẹsis 37:2

Vbene okha ẹgbẹe Jekọb ye ọre ọna khin. E Josẹf, igbama ne ọ rre ukpo ehairrọvbugie keghi deba etiọnrẹn ivbi Bilha kevbe Zilpa ne egbakhian erha ẹe gha gbearoghe ohuan kevbe ẹwe. Ọ ghi do gha na iyẹn emwi dan ne etiọnrẹn ru ma erha ẹe.

Jọsua 13:24

E Mosis keghi vbe mu ihe eso vbe otọe nii ne avbe ẹgbẹe ni rre ẹwae e Gad ne ọ gha re ọghe iran.

Jọsua 19:24

Oghae ne ogisẹn kegha re ne a mu ne avbe ẹgbẹe ne rre ẹwae Asia.