Gẹnẹsis 35:23 - Edo Bible (E Baibol Ẹdo) Version 1996

²³ Ọghe Lia ni rrọọ kegha re Riubẹn (ne ọre ovbi Jekọb nọdiọn), Simiọn, Livai, Juda, Isaka kevbe Zẹbulọn.

Gẹnẹsis 35:23 ပူးပေါင်းရင်းမြစ်များ

Gẹnẹsis 29:16

E Leban kegha mwẹ emọ ikhuo eva; a keghi tie nọdiọn nọ rrọọ Lia, a kegha tie nekherhe Rekiẹl.

Gẹnẹsis 29:31

E Nọyaẹnmwa ghi miẹn wẹ a ma ho ẹmwẹ e Lia vba Rekiẹl, ọ keghi ruẹe ne ọ biẹlẹ, sokpan, e Rekiẹl ma biẹ.

Gẹnẹsis 33:2

Ọ keghi viọ iran kevbe ivbi iran ke odaro, Lia kevbe ivbi ẹre keghi lele iran, Rekiẹl kevbe Josẹf keghi ke odieke.

Gẹnẹsis 49:3

“E Riubẹn ovbi mwẹ nọdiọn, wẹ ọrọre ẹtin mwẹ, ke ọmọ okaro ne I biẹe zẹ vbe ẹghele, ne ọ zọmọ sẹẹ, kevbe ne ọ wegbe sẹẹ vbe uwu avbe ivbi mwẹ nikpia.

I Krọnikol 27:16

Eni emwa ni gha gbearoghe ẹwae Izrẹl ọ re ena khin: Ẹwae Ukọ Ọsuẹvbo E Riubẹn Eliezẹ ne ovbi e Zikri E Simiọn Siefatia ne ovbi e Maaka E Livai Hasiabaia ne ovbi e Kemuẹl Errọn Zadọk E Juda Elihu, ọkpa vbe etẹn Devid ne ọba Isaka Ọmri ne ovbi Maikẹl E Zebulọn Ismaia ne ovbi Obedaia E Naftali Jeremọt ne ovbi Azriẹl Ifreim Hosia ne ovbi Azazaia E Manasẹ ne owẹn ota Joẹl ne ovbi e Pedaia E Manasẹ ne owẹn owiẹ Ido ne ovbi e Zẹkaraia E Bẹnjamin Jaasiẹl ne ovbi Abna E Dan Azarẹl ne ovbi e Jeroham.

Ẹksọdọs 1:1

Eni avbe ivbi e Jekọb ni lele ẹe gha rrie Igipt ke iran kevbe ivbi iran ẹre ena khin:

Ezikiẹl 48:30

Urho iweva ọ re a la la ore Jerusalẹm. Ọkpọkpa vbe ekẹn enẹ ne a gbe lẹga ẹre nii keghi re ibata eha iyenẹ irrọ vbe urieha yan arriaisẹn eva (2,520), onurho eheha keghi vbe gha rrọ ne a he ẹre eni gie ọkpọkpa vbe avbe ẹwae nii. Avbe onurho ni rre odẹ okuọ keghi re ne a he ẹre eni gie Riubẹn, e Juda kevbe Livai, ni rre ekẹn odẹ ahọ kegha re ọghe Josẹf, e Bẹnjamin kevbe Dan. Ni rre odẹ ekẹn kegha re ọghe Simiọn, Isaka kevbe Zebulọn, ni rre odẹ orrie kegha re ọghe Gad, Asia kevbe Naftali.

Nọmbas 1:20

A keghi gbẹnnẹ eni emwa hia ni rre ikpugie kevbe ni vbe sẹ ọnii, iran ni gha sẹtin ye okuo, ye ebe zẹ vbe ẹwae kevbe ẹgbẹe edọmwadẹ ọghọe, iran keghi suẹn ọnrẹn vbe ẹwae Riubẹn ne ovbi e Jekọb ne ọdiọn. Ehia kegha re vbenian. Ẹwae Inu ne ọ khin E Riubẹn Iyisẹn irrọvbe uri eha yan arriaisẹn enẹ irrọvbe kigbe siyeha (46,500) E Simiọn Iyisẹn irrọvbe uri eva yan arriaisẹn ọkpa irrọvbiyeha: (59,300) E Gad Ekigbesiyeha yan uri eha yan arriaisẹn yan iyeva: (45,650) E Juda Uri eha yan arriaisẹn ene yan ekigbe siyenẹ: (74,600) Isaaka Uri eva yan arriaisẹn ene yan ekigbe siyeha: (54,400) E Zebulọn Uri eva yan arriaisẹn ehairrọvbiyeha: (57,400) Ifreim Iyisẹn yan uri eva yan arriaisẹn iyeva: (40,500) E Manasẹ Uri yan arriaisẹn eva yan ọgban: (32,200) E Bẹnjamin Uri eva yan arriaisẹn isẹn yan ọgban: (35,400) E Dan Iyisẹn yan uri eha yan arriaisẹn eva yan iyeha: (62,700) Asia Iyisẹn yan uri eva yan arriaisẹn ọkpa yan iyeva: (41,500) Naftali Uri eva yan arriaisẹn eha yan ekigbesiyeha: (53,400) Ehia keghi gha re ekigbesiyeha irrọvbe uri eha yan, arraisẹn eha yan uri eha: (603,550)

Nọmbas 1:5

A keghi hannọ avbe ekaẹvbo na ni vbe re olotu vbe ẹvbo iran, ne iran winna iwinna na. Ẹwae Ọka ẹvbo E Riubẹn Elizọ ne ovbi Siediọ E Simiọn E Sielumiẹl ne ovbi Zurisiadai E Juda Nasiọn ne ovbi Aminadab Isaaka Netanẹl ne ovbi Zua E Zebulọn Eliab ne ovbi Hẹlọn Ifreim Ẹlisiama ne ovbi Emihud E Manasẹ E Gamaliẹl ne ovbi Pẹdazọ E Bẹnjamin Abidan ne ovbi Gidiọn E Dan Ahieza ne ovbi Amisiadai Asia E Pagiẹl ne ovbi Okran E Gad Eliasaf ne ovbi Deuẹl E Naftali Ahira ne ovbi Enan

Nọmbas 10:14

Ẹghẹ ne iran a rhirhi ya si okhian, iran ni rre ototọ asa ọghe oka ne Nasọn, ne ovbi Aminadab na re ọkaolotu, ọ re ọ ke odaro, otu otu ọre iran ya khian,

Nọmbas 2:3

“Vbe ọlarre ovẹn vbọ, iran ni rre oka ọghe Juda vbọ ghi bu agọ vbe otu otu, vbe ototọ avbe olotu iran vbenian.” Ẹwae Olotu Inu ẹvbo ni rrọọ E Juda Nasiọn ne ovbi Aminadab Uri eha yan ovbi arriaisẹn enẹ yan ekigbesiyenẹ (74,600) Isaaka Netanẹl ne ovbi Zua Uri eva yan arriaisẹn enẹ yan ekigbe siyeha (54,400) E Zebulọn Eliab ovbi Hẹlọn ne eva yan arriaisẹn eha irrọ vbe iyeha (57,400) Ehia kegha re uri eva yan arriaisẹn iwenẹ irrọ vbe uri (186,400) Ọka ọghe Juda ọre ọ gha ke odaro.

Nọmbas 26:5

Ẹwae ọghe Riubẹn (Riubẹn ọrọre ovbi e Jekọb nọdiọn); ẹwae ọghe Hanọk keghi Palu,

Nọmbas 34:19

Vbe nia: Ẹwae Olotu E Juda E Kelẹb ne ovbi Jefunẹ E Simiọn E Sielumiẹl ne ovbi Amihub E Bẹnjamin Elidad ne ovbi Kislọn E Dan E Buki ne ovbi Jogli E Manasẹ E Hanniẹl ne ovbi Ẹfọd Ifreim E Kemuẹl ne ovbi e Siftan E Zẹbulọn Eliazafan ne ovbi Panak Isaaka E Patiẹl ne ovbi Azan Asia Ahihud ne ovbi Sielomi E Naftali E Pẹdahẹl ne ovbi Amihud

Nọmbas 7:12

Vbene iran ya gha viọ emwi ihaoko iran rre ọsegbe ọsegbe ọre ọna khin. Ikpẹdẹ Ẹwae Olotu Ne okaro E Juda E Nasiọn ne ovbi Aminadab Ne ogieva Isaaka E Netanẹl ne ovbi Zua Ne ogieha E Zẹbulọn Eliab ne ovbi Hẹlọn Ne ogienẹ E Riubẹn Elizọ ne ovbi Siediọ Ne ogisẹn E Simiọn E Sielumiẹl ne ovbi Zurisiadai Ne ogiehan E Gad Eliisaf ne ovbi Deuẹl Ne ogihinrọn Ifreim Ẹlisiama ne ovbi Amihud Ne ogierẹnrẹn E Manasẹ E Gamaliẹl ne ovbi Pẹdazọ Ne ogihinrin E Bẹnjamin Abidan ne ovbi Gidiọn Ne ogigbe E Dan Ahieza ne ovbi Amisiadai Ne ogiowọrọ Asia E Pagiẹl ne ovbi Okran Ne ogiweva E Naftali Ahira ne ovbi Enan Emwi ihaoko ne iran viọ rre kegha rre abọkpa: ọkpan esiliva ne ọ re uwan nekherhe ekigbesiyeha kevbe ọkpan ne wẹwẹrhẹ ọghe esiliva ne ọ re uwan nekherhe ọgban, zẹ vbe ọmwa ne agbọn hia ya mwa emwi; eva na, a ghi ya irhuarhua ne a ya ofigbọn oliv gbe vuọn rẹn ne a ya zọ ese ọghe ọka. Ọkpan nekherhe ọghe igoru ne ọ re uwan nekherhe enẹ, a keghi ya eturari vuọn rẹn, ovbi ekhuia ẹmila ọkpa, ogho ọkpa, kevbe ovbi ohuan ọkpa ne ọ he rre ukpo ọkpa ne a ya zọ ese na giẹn uan, ẹwe ọkpa ne a ya zọ ese orukhọ kevbe ẹkhuia ẹmila eva, ogho isẹn, ẹwe isen, ke ivbi ohuan ni he rre ukpo ọkpa isẹn ne a ya sisara.

Iwinna 7:8

Ẹghẹ nii ọre Osanobua na rhie iruemwi arhuẹ ne Ebraham, zẹ vbe ama ọghe ile nii. Ebraham keghi rhuẹ Aizik vbe ọ rre uzọla ọkpa ne a biẹ ọe. Aizik keghi rhuẹ Jekọb, Jekọb keghi rhuẹ avbe erha mwa odede ne iweva.

Diuteronomi 27:11

Ẹre Mosis na tama ivbi Izrẹl wẹẹ,

Diuteronomi 33:6

E Mosis keghi guan vbekpa ẹwae Riubẹn wẹẹ: “E Riubẹn mwẹ i ra wu gbẹro, emwa iran gha rhe re ibozẹghẹ.”

Jọsua 13:15

E Mosis keghi mu otọ eso ne ẹgbẹe avbe ẹwae Riubẹn ne ọ gha re ọghe iran.

Jọsua 15:1

Ehe ne a mu ne avbe ẹgbẹe Juda keghi re eso vbe ehe ne a ra gie na: nene otọ ke ya sẹ ehe ne Idọm lae vbe odẹ ekẹn, wa ya sẹ ato ọghe Zin vbe ehe ne ọ na dinmwi sẹẹ vbe odẹ ekẹn.

Jọsua 19:1

Otọe ne ọ re ukpogieva ne a gha re kegha re ọghe ẹgbẹe ẹwae Simiọn. Otọe ọghọe kegha rre adesẹneva otọ ne a mu ne Juda.

Jọsua 19:10

Oghae ne ogieha kegha re ne a mu ne ẹgbẹe ni rre ẹwae Zebulọn. Otọe ne ọ sẹ iran obọ keghi ya sẹ Sarid.

Jọsua 19:17

Oghae ne ogienẹ kegha re ne a ghae sẹ ẹgbẹe ni rre ẹwae Isaaka obọ.

Giọgis 5:14

iran ke Ifreim gha di uwu iya. Vbe iyeke ẹwae Bẹnjamin kevbe emwa rẹn. Makẹ ọ re iran ni ghae okuo ni rrọọ kegha dee avbe olotu ke Zẹbulọn gha dee,

Giọgis 5:15

avbe ọkaolotu Isaaka lele Dẹbora gha dee, ẹn, Isaaka rre, kevbe Barak tobọ ẹre, iran keghi lele uẹ la uwu iya. Sokpan iwanegbe la ẹwae Riubẹn, iran ma sẹtin ta ẹe ne iran gha dee,

Giọgis 5:18

Sokpan ẹwae Zẹbulọn kevbe Naftali, keghi viọ uhunmwu mwẹ atataobọ vbe odaro okuo.

Ebe Rut 4:11

Emwa ni keghi wanniẹn wẹẹ, “Ẹn, ma ọrọre osẹe.” Avbe ediọn keghi kha wẹẹ, “Te Nọyaẹnmwa gha gie okhuo nii ne ọ die owa ruẹ ẹrẹna gha yevbe Rakiẹ kevbe Lia ni biẹlẹ emọ ni bun ne Jekọb. Te u gha khian ọmwa ne ọ fee vbe ẹwae Efrata kevbe ọmwa ne ọ hin usi vbe Bẹtlẹhẹm.