Gẹnẹsis 35:22 - Edo Bible (E Baibol Ẹdo) Version 1996

²² Ẹghẹ ne Jekọb na gha rre ẹvbo nii, e Riubẹn keghi gu e Bilha ne ọkpa vbe uwu egbakhian erhae ru emwi, e Jekọb ghi họn, ohu ke muẹn ẹsẹsẹmwẹse, emọ iweva ọre Jekọb biẹlẹe.

Gẹnẹsis 35:22 ပူးပေါင်းရင်းမြစ်များ

Gẹnẹsis 35:18

Te ọ ghi ra kpan udu, ugbẹn vbe ọ ghi ra wa kpan udu, ọ keghi he ovbi ẹre ọmọ okpia nii Benoni sokpan erha ẹe keghi he ẹre Bẹnjamin.

II Samuẹl 13:21

E Devid ne ọba ghi họn emwi ne ọ sunu, ohu keghi kakabọ mu ẹẹn.

II Samuẹl 20:3

Ẹre Devid na la ẹguae ẹre vbe Jerusalẹm, ọ keghi viọ avbe egbakhian igbe ne ọ sẹrae ne ọ gha gbe aro ghe ẹguae, ọ na viọ ye igbedia. Ọ kegha koko iran, sokpan, ọ ma gu iran ru emwi ọdọ vbe amwẹ. Ọ keghi wa mu iran ye igbedia vbe ẹdẹ agbọn iran, zẹ vbe ikhuo ni dẹgbẹ.

I Krọnikol 5:1

Ivbi uniẹn e Riubẹn ighẹ ovbi e Jekọb ne ọdiọn ọ re ena khin. (Rhunmwuda ne ọ na gu ọkpa vbe uwu avbe egbakhian erha ẹe ru emwi ọdọ vbe amwẹ, ọ keghi mu ehe ọghe emwi ni te khẹke ọmọdiọn fua, a na mu ne Josẹf.

Ẹksọdọs 2:1

Vbe uwu ẹghẹ na, okpia ọkpa vbe uniẹn Livai keghi vbe rhie okhuo ọkpa vbe uniẹn nii rọnmwẹ.

Levitikọs 18:8

Ghẹ yagha erha a vbene u gha na gu avbe amwẹ ọnrẹn nekpa ru emwi ọdọ vbe amwẹ.

Nọmbas 10:14

Ẹghẹ ne iran a rhirhi ya si okhian, iran ni rre ototọ asa ọghe oka ne Nasọn, ne ovbi Aminadab na re ọkaolotu, ọ re ọ ke odaro, otu otu ọre iran ya khian,

Iwinna 7:8

Ẹghẹ nii ọre Osanobua na rhie iruemwi arhuẹ ne Ebraham, zẹ vbe ama ọghe ile nii. Ebraham keghi rhuẹ Aizik vbe ọ rre uzọla ọkpa ne a biẹ ọe. Aizik keghi rhuẹ Jekọb, Jekọb keghi rhuẹ avbe erha mwa odede ne iweva.

I Kọrinti 5:1

I họn ẹmwẹ uyinmwẹ alama oghẹ vbe obọ uwa, egbe ne ohan i gie avbe enigẹbọ danmwẹ ghe, rhunmwuda, a tama mwẹ wẹ arhin ọkpa rhie amwẹ erha ẹe rọnmwẹ.

Diuteronomi 27:12

“Wa ghẹ ghi fian Jọdan rra nẹ, a gha fiangbe emwa nii, avbe ẹwae na ghi mudia ye Oke Gerizim: Simiọn, Livai, Juda, Isaaka, Josẹf kevbe Bẹnjamin.

Diuteronomi 27:20

“ ‘Ihẹn Osanobua rre uhunmwu ọmwa ne ọ yagha erha ẹe vbe ekpa ne ọ na gu ne ọ rhirhi gha khin vbe uwu avbe amwẹ erha ẹe ru emwi ọdọ vbe amwẹ.’ “Emwa ni hia ghi kha wẹẹ, ‘Isẹ!’

Arhie Maan 21:14

A keghi vbe gbe ẹyotọ ekẹn ẹvbo ni yan okuta iweva ne avbe gbẹnnẹ eni avbe ukọ iweva ọghe nene Oteghe Ohuan yi.

Giọgis 5:14

iran ke Ifreim gha di uwu iya. Vbe iyeke ẹwae Bẹnjamin kevbe emwa rẹn. Makẹ ọ re iran ni ghae okuo ni rrọọ kegha dee avbe olotu ke Zẹbulọn gha dee,

I Samuẹl 2:22

Elai keghi do khian ọmaẹn ẹsẹse, ọ keghi do gha họn uyinmwẹ ne ivbi ẹre yin ghe ivbi Izrẹl, kevbe wẹ iran mu avbe ikhuo ni winna vbe onurho Owa Ukpon yagha.