Gẹnẹsis 35:18 - Edo Bible (E Baibol Ẹdo) Version 1996

¹⁸ Te ọ ghi ra kpan udu, ugbẹn vbe ọ ghi ra wa kpan udu, ọ keghi he ovbi ẹre ọmọ okpia nii Benoni sokpan erha ẹe keghi he ẹre Bẹnjamin.

Gẹnẹsis 35:18 ပူးပေါင်းရင်းမြစ်များ

Gẹnẹsis 30:1

Sokpan, e Rekiẹl, ma he biẹ ne Jekọb, ọ keghi gha gbọvo ọtiọnrẹn, ọ keghi khama e Jekọb wẹẹ, “Rhie ọmọ mẹ biẹ, deghẹ ẹ ire erriọ, I gha wu.”

Gẹnẹsis 35:17

Ugbẹn vbe obọ emwi ubiẹmwẹ ghi wa dae, okhuo ne ọ mu ẹre emwi ubiẹmwẹ keghi tama rẹn wẹẹ, “Ghẹ gie ohan muẹn, ọmọ okpia vbe nọ.”

Gẹnẹsis 35:19

Ugbẹn vbe Rekiẹl ghi wu nẹ, a keghi re ẹre ye odẹ ne a la ye Efrat (ne ọ ghi re Bẹtlẹhẹm na).

Gẹnẹsis 35:24

Ivbi e Rekiẹl kegha re Josẹf kevbe Bẹnjamin.

Gẹnẹsis 42:38

Sokpan e Jekọb wanniẹn wẹẹ, “Ovbi mwẹ i lele uwa rae, ọtiọnrẹn nokpia wu nẹ, rẹn ọkpa kẹkan ọre ọ ghi kẹe. Iran sẹtin gbe ẹe rua vbe odẹ, I khian ọmaẹn gbe nẹ ne ọ gha sẹtin ziengbe akhiẹ ne uwa gha si yọ mwẹ egbe, ọnii ọre I lele rrie.”

Gẹnẹsis 42:4

E Jekọb ma gie Bẹnjamin ne ovbiye Josẹf gha khian rhunmwuda ohan muẹn wẹ emwi gha sunu vbe egbe ẹre.

Gẹnẹsis 43:14

Osanobua Noghodua ne ọ gie okpia nii tohan uwa, ne ọ miẹn ehe na rhie ọtẹn uwa nokpia kevbe Bẹnjamin ne uwa. Zẹvbe ọghomwẹ mwẹ, a deghẹ te a ghi wẹ ne emọ gha wu mwẹ, a gie iran gha wu mwẹ.”

Gẹnẹsis 49:27

Oduma ne ọ gbe emwi ọre Bẹnjamin khin, ota vbe owiẹ ọ re ọ ya gbe emwi re.”

I Krọnikol 4:9

Okpia ọkpa kegha rrọọ ne a tie ẹre Jabẹz, rẹn ọ re ọ vbe gha re ọmwa ne a ye ọghọ na sẹ vbe ẹgbẹe nii rhunmwuda ighẹ ubiẹmwẹ ọnrẹn wa lọghọ iye ẹe, ọ re ọ na he ẹre Jabẹz.

Psalm 16:10

rhunmwuda wẹ degue mwẹ hin ẹtin uwu rre nẹ. Ọmwa ne uwẹ ho ẹmwẹ ọnrẹn nẹ, wẹ ira sẹ ọe rae ye otọe iran ni wulo nẹ.

Psalm 80:17

Rhie emwa ruẹn ne u hannọ zẹ lẹre, ne u vbe degue iran, uhunmwu ẹvbo ne uwẹ ya wegbe ẹsẹse.

Ẹksọdọs 12:7

“Iran ghi rhie vbe esagiẹn ọnrẹn ya vin urho kevbe odukhunmwu onurho owa ne a ra na rri avbe aranmwẹ nii.

Eve Orriara 2:12

Ohanmwẹ gbe iran, ovbamẹ gbe iran ehia gha tulo gbe iye iran, ehia dele vbe adesẹ ughe zẹ vbe emwa ne a kuan ẹre egbe, erriọ ehia ya wulo uwu ọyẹvbu ye avbe iye iran obọ.

Iyẹn ne ọ Maan Ọghe Luk 12:20

Sokpan Osanobua tama rẹn wẹẹ, ‘Wẹ ne akpa! Asọn na, a gha miẹn ruẹn orhiọn ruẹn. De ọmwa ne ọ ghẹ ghi yan ekhuan ne u khuan ye otọ ne egbe uẹ na.’ ”

Iyẹn ne ọ Maan Ọghe Luk 23:46

Jesu keghi ya urhu ne ọ la datu wẹẹ, “Evbavba, obọ ruẹ ọre I rhie orhiọn mwẹ yi!” Ọ ghi tae vberriọ nẹ, ọ keghi kpan udu.

Iwinna 7:59

Iran kegha filo okuta gbe Stivin vbe ne ọ ya da tie eni Nọyaẹnmwa nii, “Nọyaẹnmwa Jesu rhan obọ miẹn orhiọn mwẹ.”