Gẹnẹsis 35:16 - Edo Bible (E Baibol Ẹdo) Version 1996

¹⁶ E Jekọb kevbe ẹgbẹe ọre iran keghi kpao vbe Bẹtẹl rre, iran ma he sikẹ Efrat hiehiere vbe ẹghẹ sẹe ne Rekiẹl gha ya biẹ, emwi ubiẹmwẹ ọnrẹn keghi wegbe ẹsẹse.

Gẹnẹsis 35:16 ပူးပေါင်းရင်းမြစ်များ

Gẹnẹsis 3:16

Rẹn keghi vbe tama okhuo nii wẹẹ, “I gha rhie ba ọlọghọmwa ruẹn vbe u a gha hanmwa, ke obalọ ruẹ vbe ẹghẹ ubiẹmwẹ. Sevba, te u gha ye gha rhikhan lele ọdafọn, ọdafọn ọre ọ gha kha yan ruẹn.”

Gẹnẹsis 35:19

Ugbẹn vbe Rekiẹl ghi wu nẹ, a keghi re ẹre ye odẹ ne a la ye Efrat (ne ọ ghi re Bẹtlẹhẹm na).

Gẹnẹsis 48:7

Emwi ne ọ ya mwẹ ru ọna ọrọre, ẹmwẹ Rekiẹl ne iyuẹ, ẹghẹ vbe I ke Mẹsopotamia dee, ọ keghi da mwẹ ẹsẹse wẹ, rẹn keghi wu vbe otọe Kenan, vbe a ma he sẹ Efrat. I na re ẹnrẹn ye evba vbe otọe Efrat (Efrat ọrọre Bẹtlẹhẹm).”

II Ọba 5:19

Elaisia keghi kha wẹẹ, “Gha khian vbe ọfumwegbe.” Ọ re Naaman na kpao. Ọ ma he khian rrei hiehie,

I Krọnikol 2:19

Ugbẹn vbe Azuba ghi wu nẹ, e Kelẹb keghi rhie okhuo ne a tie ẹre Efrat. Irẹn keghi biẹ ọmọ okpia ọkpa ne iran he ẹre Họ.

Psalm 132:6

Ma họn ẹmwẹ Ẹkpẹti Ile vbe Bẹtlẹhẹm, ma keghi miẹn ọẹn vbe ugbo ọghe Jearim.

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Matiu 2:1

Ẹvbo Bẹtlẹhẹm ọghe Judia ọre a na biẹ Jesu vbe ẹghẹ ọba Hẹrọd. Vbe ọ ma ghi he kpẹe, avbe emwa eso ni ghe umian vbe orhọnmwẹ, keghi ke odẹ ahọ gha die Jerusalẹm.

Matiu 2:16

Ugbẹn vbe Hẹrọd ghi miẹn wẹ avbe emwa ni ke odẹ ahọ rre na rẹrẹ irẹn, okuosu keghi rriọe, ọ keghi yi iyi ọwarọkpa nii wẹ ne a gbele emọ ikpia hia ni rre ukpo eva gha di otọ vbe Bẹtlẹhẹm.

Matiu 2:18

“A họn ugomwẹ ọkpa vbe Rama, a họn ugomwẹ eve orriara, Rekiẹl viẹ avbe ivbi ẹre; ọ viẹ ẹe, ọ ma gia bọ ọ, rhunmwuda, ọ ma ghi kẹe vbọ hiehie.”

I Timoti 2:15

Sokpan, a gha miẹn okhuo fan vbe ekpa ne ọ gha na gha mwẹ emọ, a deghẹ ọ ziengbe vbe iyayi kevbe aho ẹmwẹ ọmwa, kevbe uhuanmwẹ deba a ru emwi ye oreghe.

Ebe Rut 4:11

Emwa ni keghi wanniẹn wẹẹ, “Ẹn, ma ọrọre osẹe.” Avbe ediọn keghi kha wẹẹ, “Te Nọyaẹnmwa gha gie okhuo nii ne ọ die owa ruẹ ẹrẹna gha yevbe Rakiẹ kevbe Lia ni biẹlẹ emọ ni bun ne Jekọb. Te u gha khian ọmwa ne ọ fee vbe ẹwae Efrata kevbe ọmwa ne ọ hin usi vbe Bẹtlẹhẹm.

I Samuẹl 10:2

U gha kpao vbe ehe ne I ye rre nẹ ẹrẹ, u gha khian vba ikpia eva vbe ọkpẹn idin Rekiẹl vbe Zẹleza ne ọ rre otọ Bẹnjamin. Iran gha tama ruẹn wẹ a miẹn avbe ekẹtẹkẹtẹ ne u gualọ khian nẹ, wẹ, ẹ i re igbinna avbe eni ọ re erhaa ghi ye ighẹ ẹmwẹ ruẹn ọre ọ ghi mu ro wẹẹ, ‘Vbe I a ra ru ẹmwẹ ovbi mwẹ hẹ?’

I Samuẹl 4:20

Rẹn keghi wa gha wu khian sokpan okhuo ne ọ mu ẹre emwi ubiẹmwẹ keghi tama rẹn, “Dọlọ aro yi ighẹ okpia ọre u biẹe!” Sokpan, rẹn ma ghi danmwehọ ra ne ọ rhie ewanniẹn ne ẹẹn.