Gẹnẹsis 34:30 - Edo Bible (E Baibol Ẹdo) Version 1996

³⁰ E Jekọb keghi khama Simiọn vbe Livai wẹẹ, “Wa si mwẹ fi uwu ẹmwẹ nẹ, banbanna nian, emwa ẹvbo na hia, emwa Kenan, Pẹriz, iran hia khọ ẹko mwẹ. Ikpia ne I mwẹ i bun; iran gha ku obọ gbe mu igbinna gunmwẹ, ke imẹ kevbe ẹgbẹe mwẹ hia, te iran ra miẹn ima uhunmwu.”

Gẹnẹsis 34:30 ပူးပေါင်းရင်းမြစ်များ

Gẹnẹsis 12:12

Avbe emwa Igipt gha miọn, iran gha kha wẹẹ, ‘Ọvbokhan mwẹ ọre u khin rhunmwuda ọnii,’ iran ghi gbe mwẹ uan, iran ghi sẹ uwẹ rae ye agbọn.

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 12:6

Ebram kegha lele otọe nii khian rhinrin ọ te do sẹ erhan iruemwi ọghe Morẹ vbe ẹvbo nọhuanrẹn ọghe Siẹkẹm (vbe ẹghẹ ne a kha na, te ivbi e Kenan he ye rre otọe nii).

Gẹnẹsis 13:7

Rhunmwuda ọnii, okhọn kegha rre ẹkpo emwa ni gbearoghe emwirri ọghe Ebram kevbe emwa ni gbearoghe ọghe Lọt, (Ẹghẹ ne a kha na, emwa Kenan kevbe emwa Pẹriz he ye rre otọe na).

Gẹnẹsis 34:2

Ugbẹn vbe Siẹkẹm ne ovbi Hamọ ne ọmwa Hivi, ne ọre enogie otọe nii ghi bẹghe ẹre, ọ na siẹe ọ na ya ẹtin guẹ ẹe ru emwi ọdọ vbe amwẹ.

Gẹnẹsis 34:29

Iran keghi viọ ẹfe ni rrọọ hia. Iran na munọ ikhuo kevbe ibiẹka, iran na viọ emwi hia ni rre iran owa gha rrie.

Gẹnẹsis 34:31

Sokpan iran wanniẹn wẹẹ, “Ma i ra kue ne a ru ọtẹn ima emwi oya.”

Gẹnẹsis 46:26

Ivbi e Jekọb taara ni gha rrie Igipt kegha re ehan yan iyeha vbe ne a i na ka avbe amwẹ ivbiẹre yọ.

Gẹnẹsis 46:27

Emọ ikpia eva ọre a biẹlẹ ne Josẹf vbe Igipt, ọnii keghi ye ẹgbẹe Jekọb ne ọ gha rrie odọ gba vbe ekigbesiyenẹ.

II Samuẹl 10:6

Ivbi Amọn wa rẹn wẹ te iran ho e Devid ẹmwẹ, iran na ya viọ ivbiyokuo arriaisẹn ugie (20,000) vbe Siria kevbe Betrehob kevbe Zọba, arriaisẹn iweva (12,000) vbe Tob deba ọba Maaka ke ẹe kevbe ivbiyokuo arriaisẹn (1,000).

II Samuẹl 16:21

Ahitofẹl keghi wanniẹn wẹẹ, “Bu avbe egbakhian erhaa, ne ọ sẹrae ye otọ ne iran gha gbearoghe ẹguae ne u ya gu iran ru emwi ọdọ vbe amwẹ. Ivbi Izrẹl hia ghi do họn wẹ u sọtẹ erhaa nẹ, orhiọn ghi kakabọ la irogho ruẹ iwu.”

I Ọba 11:25

Rẹn keghi vbe gha re oghian Izrẹl vbe ẹghẹ ne Solomọn na gha rre agbọn.

I Ọba 18:18

Elaija wanniẹn wẹẹ, “Ẹ i re imẹ ọre ọgbẹti, wẹ nọ, wẹ kevbe erha a. Wa i họn ẹmwẹ ne Nọyaẹnmwa ta, wa keghi vbe gha gho e Bal ne ẹbọ.

I Krọnikol 16:12

Wa ne ivbi uniẹn Jekọb, ọguọmwadia Osanobua, ivbi uniẹn Izrẹl ne Nọyaẹnmwa hannọ zẹ wa ye iwinna ọyunnuan ne Osanobua winnaẹn rre kevbe ohiẹn ne ọ buru.

I Krọnikol 16:19

Ibozẹghẹ ọ re emwa e Nọyaẹnmwa gha khin orhunmwuyẹn vbe otọe Kenan.

I Krọnikol 19:6

E Hanun ne ọba kevbe emwa Amọn rẹnrẹn wẹ iran ho ẹ Devid ẹmwẹ nẹ iran keghi rhunmwuda ọnii zẹ uwan esiliva ne ọ sẹ omwa etọni iyeva ne iran hae ya mọmọ ikẹkẹ okuo kevbe emwa ni hin ẹnrẹn vbo obọ Mẹsopotamia ne ọ ke odọọ kevbe Maka kevbe Zọba ne ẹvbo ni rre otọe Siria.

I Krọnikol 2:7

Ekani ne ovbi e Kami, ne ọkpa vbe uwu ivbi uniẹn Zẹra, keghi si ọkhọ dan ye ivbi Izrẹl uhunmwu vbe ekpa ne ọ na rhie vbe emwi ne a viọ rre vbe okuo, na a wẹ ne a ya ẹe fi ohan ne Osanobua.

Psalm 105:12

Ibozẹghẹ ọre emwa Osanobua gha khin iran kegha re ọrriọvbe vbe otọe Kenan.

Ẹksọdọs 5:21

Iran keghi tama e Mosis kevbe Errọn wẹẹ, “Te Osanobua gha bẹghe emwi ne uwa ru, ne ọ rria uwa ikhi ne uwa na gie ọba kevbe emwa iwinna do gha mu ohu ima, te uwa gie iran miẹn ehe la la ima egbe na, ne iran gha gbele ima an.”

Itan 11:17

Ẹse ọ re u ru ne egbuẹ adeghẹ u mwẹ itohan, adeghẹ ekhọe azẹn ọ re ọ guẹ, egbe ruẹ ọ re u ra kuan.

Itan 11:29

Ọmwa ne ọ fi otighi fi uwu ẹgbẹe ọre, te ọ ra wa gbe ihoi fẹẹrẹ. Te avbe akpa ra gha ga avbe umẹwaẹn khian rhinrin ẹdẹ.

Itan 15:27

Hia ne u ya la odẹ ero gha khuan viọ ye ẹkpo, u gha si ẹti ye igiowa ruẹ egbe. Ghẹ miẹn ọmwa igho odieke, u gha wa tọ.

Diuteronomi 4:17

aranmwẹ ra ahianmwẹ,

Diuteronomi 4:27

E Nọyaẹnmwa gha zagha uwa a lele uwu agbọn ẹvbo ọvbehe, Ibozẹghẹ ọ ra miẹn uhunmwu vbe uwu uwa vbe odọ niii.

Diuteronomi 7:7

“Ẹ i re rhunmwuda ighẹ wa bun sẹ emwa ọvbehe hia ọ re Nọyaẹnmwa na ho ẹmwẹ uwa ọ na vbe hannọ uwa zẹ. Wa ọ re ọ gha re uhunmwu ẹvbo ne ọ ghi kanmwa sẹẹ vbe agbọn.

Jọsua 7:25

Ẹre Jọsua na kha wẹẹ, “Vbọzẹ ne u na hẹ orueghe na gie ima! E Nọyaẹnmwa gha mu orueghe yan ruẹn nian!” Emwa nii hia keghi filo okuta gbe Ekani uan, iran keghi giẹn ẹgbẹe ọre kevbe emwi hia ne ọ mwẹ, iran kevbe filo okuta gbe iran.

I Samuẹl 13:4

Ivbi Izrẹl hia keghi họn ighẹ e Sọl gbe ọkaokuo ivbi e Filistin kevbe wẹ te ivbi e Filistin ghi khọ ẹko iran. Emwa ni hia keghi wa khuẹnniẹn yọ, iran keghi bu e Sọl gha rrie Gilgal.

I Samuẹl 16:2

E Samuẹl keghi nọọn wẹẹ, “Vbe i a gha na ru emwi vberriọ hẹ? E Sọl gha họn te ọ gbe mwẹ uan!” E Nọyaẹnmwa keghi wanniẹn wẹẹ, “Mu ovbi ẹkhuia ẹmila mwẹ obọ, ne u kha wẹ te u do zọ ese ghe Nọyaẹnmwa.

I Samuẹl 27:1

E Devid keghi tama egbe ẹre wẹẹ, “E Sọl gha gbe mwẹ uan ẹdẹ ọkpa. Emwi ne ọ ke mẹ sẹ ne I gha ru ọrọre ne I lẹ fua gha rrie Filistia. Ẹghẹ nii, e Sọl ghi hẹwẹ vbe ne ọ na te gualọ mwẹ khian vbe otọe Izrẹl, ẹghẹ nii, I ghi do miẹn uhunmwu.”

I Samuẹl 27:12

Akis keghi mu ẹtin yan Devid, ọ wẹẹ, “Ivbi Izrẹl ne emwa rẹn khu iwu ẹre sẹrriọ wẹ mẹ ọ re ọ ra gha ga ẹdẹdẹmwẹdẹ.”