Gẹnẹsis 34:20 - Edo Bible (E Baibol Ẹdo) Version 1996

²⁰ E Hamọ kevbe Siẹkẹm ne ovbi ẹre kegha rrie ehe ne a na do iko vbe ehe ne a la la ẹvbo nii iran keghi ya gu emwa ẹvbo nii ne iho iran guan wẹẹ,

Gẹnẹsis 34:20 ပူးပေါင်းရင်းမြစ်များ

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Gẹnẹsis 23:10

Efrọn tobọ ẹre wa vbe tota ba emwa Hiti vbe iko na vbe onurho ne a la la ẹvbo. Ọ ke wa wanniẹn sirra emwa hia ni rre evba wẹẹ, “Hiehiere, enọwanrẹn, danmwehọ, I gha mu otọe nii nuẹn kẹe kevbe uvun okuta ne ọ rrọọ. I gha sirra emwa mwẹ muẹn nuẹn ne u miẹn ehe na ya re amwọn ọn yọ.”

Gẹnẹsis 34:19

Ọvbokhan na ma vbe yae rhọ eghẹrẹ, ọ keghi wa gha ru vbene iran khare rhunmwuda ẹmwẹ ovbi e Jekọb nokhuo la ẹre aro. Okpia na ọre ọ vbe re ne ọ ru ọmwa kpataki sẹ vbe ẹgbẹe ọre.

Gẹnẹsis 34:21

“Emwa ni mwẹ ahoẹmwọmwa emwa na khin; gie iran gu ima yin ẹvbo na, ne iran vbe gha khian yo ehe ne ọkhọn iran; otọ na kpọlọ sẹ ne ọ gha vbe gua iran. Wa gie ima gha viọ ivbi iran nikhuo rọnmwẹ ne ima vbe gha viọ ọghe ima ne iran rọnmwẹ.

II Samuẹl 15:2

Ọ gha rhiọrre vbe owiẹ vbirrivbirri, ọ ghi ya mudia ye odẹ vbe ehe ne a la la ore ẹvbo. Ọmwaikọmwa gha dee ne ọ do gu ọba guan vbe ekpa ẹmwẹ ne ọ ho ne ọba guan yi, Absalọm ghi tie ẹre rrie egbe, ọ ghi nọ ehe ne ọ ke rre. Ọmwa nii gha kha wẹẹ, “Enọwanrẹn ẹgbẹe vbenian vbe Izrẹl ọ re I ke rre.”

Job 29:7

Ediọn ẹvbo gha ko, I na tota ba iran,

Psalm 127:5

Afiangbe nọ ne ọmwa, ne ọ mwẹ egbe ifẹnmwẹ vberriọ nibun; obọ i sẹtin ke ukhunmwu ne ẹẹn, vbe irẹn vbe eghian rẹn a viọ aro da egbe, vbe ehe ne a na bu ohiẹn.

Itan 31:23

Agbọn hia rẹn ọdọ ẹre ẹsẹse, usun emwa ni dekpe vbe ore ẹvbo nii ọre nọ.

Emọs 5:10

Wa ni khuiwu iran ni gbeta ye a i ta ẹmwata unu vbe iko, iran ghi rhie ẹmwata ne ọ rrọ ta.

Emọs 5:12

I rẹn vbene orukhọ uwa khọrhiọn sẹ hẹ, kevbe vbene a i ghẹru ne uwa ru vbe bun hẹ. Wa ọ re ọ zẹ emwa ẹmwata owẹ, wa ọ re ọ rhie igho odieke, wa i gia bu ohiẹn ẹmwata ne ivbiogue vbe iko.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Zẹkaraia 8:16

Emwi ne uwa gha ru ọre ọna khin: Wa gha ta ẹmwata ma egbe. Wa gha bu ohiẹn ẹmwata vbe iko, egbe ne ọ rhie ọfurre ye ẹvbo.

Diuteronomi 17:5

Wa ghi rhie ọmwa nii ladian hin ore agọ rre, ne uwa filo okuta gbe ẹe rua.

Ebe Rut 4:1

E Boaz kegha rrie ehe ne a na ko vbe onurho ẹvbo nii, ọ na tota. Uwu ẹghẹ nii zẹẹ, ọtẹn Ẹlimẹlẹk ne ọ sikẹ ọre sẹẹ ne Boaz gha a kha keghi wa rre, e Boaz na tama rẹn wẹẹ. “Ọse mwẹ, larre ne u do tota vbe edinran.” Rẹn keghi gele bu ẹre, ọ na ya tota.