Gẹnẹsis 33:5 - Edo Bible (E Baibol Ẹdo) Version 1996

⁵ Isọ ghi ghe lẹga vbe ọ ghi miẹn avbe ikhuo kevbe emọ nii, ọ keghi nọ wẹẹ, “Gha ena khin ne u hẹ khian na?” Jekọb wanniẹn wẹẹ, “Emọ ne ọ yẹ Osanobua ne ọ ya ru mwẹ ẹse nọ, enọwanrẹn.”

Gẹnẹsis 33:5 ပူးပေါင်းရင်းမြစ်များ

Gẹnẹsis 30:2

Ohu e Rekiẹl keghi mu e Jekọb, ọ na wẹẹ, “Mẹ ira sẹtin mudia ye ihe Osanobua. Rẹn ọre ọ ma guẹ biẹ.”

Gẹnẹsis 33:6

Avbe egbakhian keghi rre, ke iran kevbe ivbi iran, iran kevbe mu ẹko rhuotọ.

Gẹnẹsis 48:9

E Josẹf wanniẹn wẹẹ, “Ivbi mwẹ nikpia ne Osanobua viọ mẹ vbe Igipt mwana ọre nọ.” E Jekọb keghi kha wẹẹ, “Lahọ viọ iran gunmwẹ ne I miẹn ehe na fiangbe iran.”

I Krọnikol 28:5

Ọ vbe viọ emọ ikpia ni bun mẹ biẹlẹ, vbe uwu iran hia, ọ kevbe zẹ Solomọn ne ọ rriọba Izrẹl ne ọ re otọe arriọba e Nọyaẹnmwa.

Psalm 127:3

E Nọyaẹnmwa ọ re ọ ye emọ ru ọmwa ẹse afiangbe ne ọ sẹre ọ re iran khin.

Aizaia 8:18

Mẹ rre emwa na deba emọ ne Nọyaẹnmwa viọ mẹ. e Nọyaẹnmwa ne Oghodua, ọmwa ne ẹkete ẹre rre Oke Zaiọn gie ima nẹ, zẹ vbe ẹmwẹ unu ne ọ rre agbọn, ne a gie gie emwa Izrẹl.

Hibru 2:13

Ọ keghi vbe ta ẹe wẹ, “I gha mu ẹtin mwẹ yan Osanobua” ọ keghi ye vbe ta ẹe wẹẹ, “Ghe mwẹ ghe emọ ne Osanobua hẹ mẹ.”

Ebe Rut 4:13

Ẹre Boaz ghi na rhie Rut gha rrie owa zẹ vbe amwẹ ọnrẹn, rẹn keghi gue ẹe ru emwi ọdọ vbe amwẹ, E Nọyaẹnmwa keghi gie ẹe hanmwa, ọ na biẹ ọmọ okpia.

I Samuẹl 1:27

Ọmọ na ọ re I nọ ẹre re, ọ kevbe rhie emwi ne I nọ rẹn re mẹ.