Gẹnẹsis 33:3 - Edo Bible (E Baibol Ẹdo) Version 1996

³ E Jekọb keghi ke odaro ne iran hia, ọ na mu ẹko rhuotọ igba ihinrọn vbe ọ te do sẹ ehe ne ọtiọnrẹn ye.

Gẹnẹsis 33:3 ပူးပေါင်းရင်းမြစ်များ

Gẹnẹsis 18:2

ọ ghi tọn aro mu vbe ọwarọkpa, ọ keghi ya dẹghe ikpia eha vbe iran mudia vbe evba. Ọwarọkpa nii vbe ọ ghi wa bẹghe iran, ọ keghi rhulẹ ke onurho owa ukpọn rẹn kpao ya vba iran. Ugbẹn vbe ọ ghi diguẹ mu aro rhuotọ nẹ, ọ wẹẹ,

Gẹnẹsis 33:2

Ọ keghi viọ iran kevbe ivbi iran ke odaro, Lia kevbe ivbi ẹre keghi lele iran, Rekiẹl kevbe Josẹf keghi ke odieke.

Gẹnẹsis 42:6

Zẹvbe enọkhaemwisẹ yan Igipt, e Josẹf ghi rre, iran keghi viọ ẹko rhu otọ vbe odaro ẹre.

Gẹnẹsis 43:26

Ugbẹn vbe Josẹf ghi sẹ owa, iran keghi viọ emwi ihaoko nii bu ẹre la owa, iran keghi mu ẹko rhu otọ nẹẹn.

Gẹnẹsis 48:12

Ẹre Josẹf na tọn iran mu hin ekuawẹ e Jekọb rre, ọ na mu ẹko rhu otọ vbe odaro ẹre.

Itan 6:3

A deghẹ erriọ nọ, ovbi mwẹ, u rre ọmwa ni obọ nẹ, sokpan, ghe vbene u gha ya do ẹe fe hẹ. Zẹgiẹgiẹ bu ẹre gha khin, rinmwian ẹẹn wẹ ne ọ zẹ uẹ vbe aban.

Asan-Ibo 10:4

Adeghẹ ọmwa ne ọ khaemwisẹ yan ruẹn mu ohu ruẹ, ghẹ wa gbẹn ebe I i ghi winna mu gie ẹe. A sẹtin wa ye abakuru nọkhua bọ ọmwa adeghẹ ọ ma balegbe.

Iyẹn ne ọ Maan Ọghe Luk 14:11

Rhunmwuda, ọmwa ne ọ tọn egbe mu, a gha mu ẹn rriotọ, ọmwa ne ovbe mu egbe ẹre rriotọ, a gha tọẹn mu.”

Iyẹn ne ọ Maan Ọghe Jọn 10:15

Zẹ vbene Evbavba rẹn mwẹ, ne imẹ na vbe rẹn Evbavba, erriọ zẹẹ mẹ rẹn avbe ohuan mwẹ, iran vbe rẹn mwẹ, mẹ vbe mu egbe ne I ya wu ba ẹmwẹ iran.

Iyẹn ne ọ Maan Ọghe Jọn 10:4

Ọ gha ghi viọ iran ladian nẹ, ọ ghi ke odaro ne iran, avbe ohuan ghi lele ẹe rhunmwuda iran rẹn urhu ẹre.

I Samuẹl 2:5

Iran ne a koko ẹse la iyoha ba ẹmwẹ evbare, ohanmwẹ ma ghi gbe iran ne ohanmwẹ te gbe ọvbehe. Amwẹ ne agan biẹlẹ emọ ihinrọn, sokpan, a ma sẹ ọkpa rae ne nọ biẹlẹ enibun.