Gẹnẹsis 33:17 - Edo Bible (E Baibol Ẹdo) Version 1996

¹⁷ Sokpan e Jekọb kegha rrie Sukọt ehe ne ọ na ya bọlọ owa ne egbe ẹre kevbe irhu ne avbe emwirri ẹre. Ọnii ọ siẹe ne a na tie evba nii Sukọt.

Gẹnẹsis 33:17 ပူးပေါင်းရင်းမြစ်များ

Gẹnẹsis 33:16

Ẹre Isọ ghi na suẹn okhian werriegbe gha rrie Sẹa ẹdẹnẹdẹrriọ.

I Ọba 7:46

Ọba na wẹ ne a ru avbe emwi na hia vbe ẹkpotọ ne ọ rre ẹkpo Sukọt ne Zarẹtan vbe Iya e Jọdan.

Psalm 60:6

Osanobua guan ke uwu ehe ne ọ huanrẹn ọghọe rre wẹẹ, “Vbe uwu akhọnmiotọ I gha ghae Siẹkẹm I gha vbe ghae Iya e Sukọt ne iran ne emwa mwẹ.

Ẹksọdọs 12:37

Ivbi Izrẹl keghi kpao vbe Ramesis rre, iran na mu aro da Sukọt. Ikpia nii ya owẹ khian kegha re arriaisẹn uri eha (600,000), vbe ne a i na ke ikhuo kevbe ibiẹka.

Ẹksọdọs 13:20

Ivbi Izrẹl keghi kpao vbe Sukọt, iran na ya yakọ vbe Etem vbe Ọkpẹn ato.

Jọsua 13:27

Ehe ne ọ vbe rrọ vbe iya e Jọdan keghi re Betharam, Betnimra, Sukọt kevbe e Safọn, ehe ne ọ ghi ke ẹe vbe otọe arriọba Saihọn ne ọba Hesbọn. Ehe ne uwu lae keghi re Ẹzẹ Jọdan wa gha rrie odighi vbe odẹ okuọ, otọe na ke ye vbe laghe odẹ ahọ.

Giọgis 8:14

Ọ keghi mu igbama ọkpa oghunmwu vbe Sukọt, ọ na gha nọ rẹn ọta. Igbama nii keghi gbẹnnẹ eni ekhaẹmwẹ kevbe ediọn eha irrọvbiyenẹ (77) ọghe Sukọt ye otọ ne ẹẹn.

Giọgis 8:16

Ọ keghi silo igban kevbe akọsọ ke uwu ato rre, ọ na ya ẹe rri avbe ọkaolotu e Sukọt oya.

Giọgis 8:5

Ọ ghi sẹ Sukọt, rẹn keghi tama ivbi e Sukọt, wẹẹ, “Wa lahọ, wa viọ ebrẹd eso ne emwa mwẹ rhunmwuda egbe wọ iran nẹ, te I khu e Zẹba kevbe Zalmuna ne avbe ọba Midian khian.”

Giọgis 8:8

E Gidiọn keghi sikẹ odaro gha rrie Pẹnuẹl, ọ na vbe ya nọ iran nii emwi ọkpa nii, sokpan vbene emwa Sukọt tama rẹn ọ re emwa Pẹnuẹl vbe tama rẹn.