Gẹnẹsis 33:14 - Edo Bible (E Baibol Ẹdo) Version 1996

¹⁴ Lahọ u ghi hẹko gha khian khẹ ima ne I hẹko gha leluẹ dee, I gha tua owẹ ye okhian, zẹ vbene avbe ẹmila kevbe emọ negiẹrẹ gha sẹtin, ma te do vba ruẹ vbe Sẹa.”

Gẹnẹsis 33:14 ပူးပေါင်းရင်းမြစ်များ

Gẹnẹsis 32:3

E Jekọb keghi gie emwa ke odaro bu Isọ ne ọtiọnrẹn vbe Idọm.

Gẹnẹsis 32:4

Ọna tama iran ne iran kha vbenian: “Mẹ ne Jekọb, ne ọguọmwadia ruẹ ne ọ họn ẹmwẹ nuẹn do khama Isọ ne arowa mwẹ wẹẹ, ọghe Leban ọre I gha ye kevbe wẹẹ I ma ho ne I gha dee ọ te do sẹ ẹghẹ na.

Gẹnẹsis 33:13

E Jekọb keghi wanniẹn wẹẹ, “Ẹn, u rẹnrẹn ighẹ avbe ibiẹka ma wegbe, ke avbe ohuan, ẹmila kevbe ivbi iran negiẹrẹ rre evba. A gha tua iran okhian gbe ehia gha wulo fo.

II Krọnikol 20:10

“Banbanna nian, ivbi Amọn, e Moab kevbe Idọm mu okuọ bu ima rre. Ẹghẹ ne avbe erha mwa odede na gha ke Igipt dee, u ma gie iran la avbe otọe nii, rhunmwuda ọnii, avbe erha mwa odede keghi fian odẹ la ẹe ban, iran ma fuẹn iran uan.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Ezikiẹl 25:8

E Nọyaẹnmwa ne Udazi keghi kha wẹẹ, “Rhunmwuda ne Moab na kha wẹ te Juda vbe yevbe avbe uhunmwu ẹvbo nekpa.

Iyẹn ne ọ Maan Ọghe Mak 4:33

Egbe itan vbenian, ọre Jesu ya gha kpe orhu ma emwa, ọ kegha kpae ma iran vbene iran gha sẹtin rẹn otọ ẹre.

Ebe ne Pọl gbẹẹn gie emwa Rom 15:1

Ọ kere ne ima ne iyayi ẹre wegbe gha kpa iran ni ma wegbe ihẹ. Ọ ma kei ne ima gha ru ne ọ yẹ egbe mwa.

I Kọrinti 3:2

I vbe ya ewẹn gha koko uwa rhunmwuda wa ma he sẹ ne ọ rri evbare ne ọ wo vbe egbe. Do sẹ wanwanna, wa ma he sẹ.

Diuteronomi 2:1

“Vbe okiekie ehia, ma ke ghi werriegbe gha rrie uwu ato ne ọ rre odẹ Okun Iranmwiran zẹ vbene Nọyaẹnmwa kha re, ma ke wa gbe ẹghẹ ne ọ taẹn ya gha zozo khian vbe avbe ẹvbo oke Idọm.

Giọgis 5:4

E Nọyaẹnmwa, ẹghẹ ne u na kpao vbe oke Sẹa vbe u ke iwewe Idọm ladian, otọe rueghe, amẹ keghi rhọ ke iso rre, vbe ẹmwata, amẹ kegha kpe ke ideghedeghe kua.