Gẹnẹsis 33:11 - Edo Bible (E Baibol Ẹdo) Version 1996

¹¹ Lahọ, miẹn mwẹ emwi ne i ya guẹ na, Osanobua wa tohan mwẹ, ọ na viọ emwi ne I ho hia mẹ.” E Jekọb keghi kakabọ ye arhẹrhẹ gbagbae ye ọre egbe, ọ te do rhanbọ miẹn iran.

Gẹnẹsis 33:11 ပူးပေါင်းရင်းမြစ်များ

Gẹnẹsis 30:43

Banbanna, Jekọb ke wa do khian ọmwa ne ọ fe, ọ kegha mwẹ oghẹn ohuan nibun, avbe eviẹn, ekẹtẹkẹtẹ ke ẹsin.

Gẹnẹsis 32:21

Emwi ihaoko nii keghi ke odaro ne irẹn. Ọ keghi ye gbe asọn nii vbe agọ.

Gẹnẹsis 33:10

E Jekọb keghi kha wẹẹ, “Ẹ i re erriọ, a deghẹ I miẹn aro nọmaa ọwuẹ, rhan obọ miẹn emwi ne I ya haoko guẹ. Ne I na bẹghe aro ruẹ na, ọ yevbe ne I bẹghe aro Osanobua vbe ẹghẹ na ne u na ye obọ ọse mu mwẹ.

Gẹnẹsis 33:12

Isọ keghi kha wẹẹ, “Gia mu egbe na a kpao. I gha ke odaro ne uwa.”

Gẹnẹsis 33:9

Sokpan Isọ wanniẹn wẹẹ, “Ne imẹ mwẹ sẹe mẹ ọtẹn mwẹ, viọ ọwuẹ hin rre.”

II Ọba 2:17

Sokpan, iran keghi tua unu mu ẹẹn wẹ iran gha yo rẹn te do kue yọ ne iran gha khian. Iran ekigbe siyeha nii keghi ye ikpẹdẹ eha gualọ ẹe la oke kevbe ugboghodo, sokpan iran ma miẹn ọẹn.

II Ọba 5:23

E Naaman keghi wanniẹn wẹẹ, “Lahọ viọ ikpẹ esiliva arriaisẹn ehan.” Ọ keghi wa tua unu mu ẹẹn vberriọ ọ keghi gbalọ avbe esiliva nii ye ẹkpo eva, ọ na viọ ukpọn nọ mose ughughan eva ba ẹre viọ ne eguọmwadia ẹre eva ne iran viọ khianmwu ne Gehazi.

Iyẹn ne ọ Maan Ọghe Luk 14:23

Arowa nii keghi khama ọguọmwadia nii wẹẹ, ‘Gha rrie ivbiodẹ kevbe odẹ nekhua ọghe ẹvbo na, viọ ẹvbo rre, ne owa mwẹ miẹn ehe na vuọn.

I Kọrinti 3:21

Rhunmwuda ọnii, we ne ọmwa rhọkpa ghẹ ya emwi ne emwa ne agbọn sẹtin ru rhuọ: Vbe ẹmwata, wa ọre ọ yan emwi hia.

II Kọrinti 6:10

A rhe rhia ima ẹko rua, sokpan ọyẹnmwẹ sẹ mwa vbe ẹghẹ hia, ma yevbe ivbiogue, sokpan ma ya emwa ni bun khian eni fe, ma ye vbe ekhẹn ivbabọ, sokpan ma wa mwẹ emwi hia.

Filipai 4:18

Rhunmwuda ọnii, wa ghe ebe ọ sẹ mwẹ obọ ọghe emwi hia ne uwa he hẹ gun mwẹ, ọ wa vbe sẹ kpọ kua. Emwi ne uwa viọ ne Epafroditọs viọ gu mwẹ, sẹ mwẹ obọ nẹ nian, emwi ne I ho hia gbae. Te ena ye vbe emwi izọ ese ne ọ winhin ne a ya mu ohan gie Osanobua, emwi ne ọ yẹ ọre, ne ọ gha vbe rhan obọ miẹn.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.

Jọsua 15:19

Okhuo nii wanniẹn wẹẹ, “Emwi ihaoko, vbene u ghi na rhie mwẹ ye otọ nọkae ne amẹ i ye, viọ uvun amẹ mẹ.” Ọ re Kelẹb na mu ẹzẹ ne ọ ke odukhunmwu ke ne ọ ke otọ ne ẹẹn.

Giọgis 1:15

Ọmọ okhuo nii keghi wanniẹn wẹẹ, “Ihaoko, vbene u ghi na rhie mwẹ ye ato nẹ, mu uhae amẹ eso mẹ.” Ọ re Kelẹb na mu ovbi ẹzẹ ne ọ ke otọ kevbe ne ọ ke ukhunmwu ne ẹẹn.

I Samuẹl 25:27

Lahọ adazẹ, miẹn mwẹ emwi ne I viọ guẹ na ne u viọ ne emwa ruẹn.

I Samuẹl 30:26

E Devid ghi dọlegbe sẹ Ziklag, ọ keghi viọ eso vbe emwi ne obọ ẹre vbare gie avbe esiọre, iran ne avbe ọkaolotu e Juda, ọ wẹẹ, “Wa ghe emwi ne I ya ha oko gie uwa vbe uwu avbe emwi ne ima gbe avbe eghian Nọyaẹnmwa miẹn iran re.”