Gẹnẹsis 32:7 - Edo Bible (E Baibol Ẹdo) Version 1996

⁷ Ohan keghi mu e Jekọb ẹsẹse, iro na han rẹn. Ọ keghi wa emwa ni guẹe, ohuan, kevbe ẹwe kevbe ekẹtẹkẹtẹ ye ihe eva.

Gẹnẹsis 32:7 ပူးပေါင်းရင်းမြစ်များ

Gẹnẹsis 32:11

Lahọ, miẹn mwẹ fan vbe obọ ẹtin Isọ ne ọtẹn mwẹ. Afianma fian mwẹ we te ọ dee ra do gun mwẹ gbinna ne ọ wa fuẹn ima-an kevbe ikhuo kevbe emọ negiẹrẹ.

Gẹnẹsis 32:3

E Jekọb keghi gie emwa ke odaro bu Isọ ne ọtiọnrẹn vbe Idọm.

Gẹnẹsis 32:8

“A deghẹ Isọ ghi rre do gu otu n okaro gbinna, ọkpa sẹtin lẹ fe.”

Gẹnẹsis 33:1

E Jekọb keghi bẹghe vbe Isọ dee kẹe kevbe arhin uri eva (400) ni lelẹe. Ọ keghi rhunmwuda ọnii gha ivbiẹre ne Lia, Rekiẹl kevbe egbakhian rẹn eva.

Gẹnẹsis 35:3

Ma ra kpao vbe emwa gha rrie Bẹtẹl, ehe ne I gha na gba aka ne Osanobua ne ọ yọmwẹ obọ vbe ẹghẹ ọlọghọmwa mwẹ, kevbe ne ọ vbe yaba mwẹ vbe eheikehe ni I he la.”

Psalm 107:6

Ẹghẹ nii, vbe uwu ọlọghọmwa iran, iran keghi da tie Nọyaẹnmwa, ọ keghi miẹn iran fan hin usẹ iran rre.

Psalm 112:5

Afiangbe ọrọre ọghe ne ọ zẹ emwi obọ vbekpa igho ne a rhie ne emwa mọmọ, ne ọ vbe ye ai ru ero do ẹki ẹre.

Psalm 142:4

I gha ghe lẹga egbe mwẹ, I ghi miẹn wẹ, ọmwa ne ọ gha yọmwẹ obọ i rrọọ, ọmwa rhọkpa i zẹ yọmwẹ re.

Psalm 31:13

I họn ewẹwẹwẹ, ne avbe eghian mwẹ ta; iran wa khuan khẹ mwẹ iran gha si uma ne iran gbe mwẹ uan.

Psalm 61:2

Vbe uwu idaehọ fo, ke a khian rrei vbe owa, ọ re I na kpe tie ruẹ na! Rhie mwẹ gha rriẹ ehe ne a lẹre yi miẹn uhunmwu,

Ẹksọdọs 14:10

Ugbẹn vbe ọba Igipt ghi khian sikẹ iran, ivbi Izrẹl keghi miẹn wẹ ivbi Igipt mu okuo bu iran dee. Ohan keghi mu iran, iran na datie Nọyaẹnmwa.

Itan 2:11

Vbene u ghe umian emwi hẹ, kevbe vbene u rẹn otọe emwi hẹ, ghi tan obọ gue ruẹ.

Aizaia 28:26

Ọ rẹn vbene ọ ya winna iwinna rẹn hẹ rhunmwuda Osanobua ọ re ọ ma ẹre re.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Matiu 8:26

Jesu tama iran wẹẹ, “Vbọzẹ ne uwa na runran vberriọ yi, wa i mwẹ iyayi.” Ọ keghi kpaegbe, ọ gu amẹ kevbe ẹhoho ni guan, ehia keghi hunwan hii i!

Iyẹn ne ọ Maan Ọghe Jọn 16:33

Emwi ne ọ ya mwẹ ta ẹmwẹ na ma uwa ọrọre wẹ ne uwa miẹn ehe na ya egbe ba mwẹ, ne ẹkun miẹn ehe na sẹ uwa otọ. Agbọn na gha rri uwa oya. Sokpan wa dọlọ aro yi I khọn agbọn muotọ nẹ.”

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

II Kọrinti 1:4

Rẹn ọre ọ ye ima obọ vbe uwu ọlọghọmwa mwa hia, ne ima sẹtin gha ye avbe emwa hia ni ghi rre uwu ọlọghọmwa ughughan hia obọ, vbe ekpa ne a na lo egbe iyobọ ni ne ima vbe miẹn vbe obọ Osanobua.

II Timoti 3:12

Emwa hia ni ho ne iran gha yin uyinmwẹ ne ọ yẹ Osanobua, vbe a ya egbe ba Kristi, a gha zẹ iran kpokpo.