Gẹnẹsis 32:4 - Edo Bible (E Baibol Ẹdo) Version 1996

⁴ Ọna tama iran ne iran kha vbenian: “Mẹ ne Jekọb, ne ọguọmwadia ruẹ ne ọ họn ẹmwẹ nuẹn do khama Isọ ne arowa mwẹ wẹẹ, ọghe Leban ọre I gha ye kevbe wẹẹ I ma ho ne I gha dee ọ te do sẹ ẹghẹ na.

Gẹnẹsis 32:4 ပူးပေါင်းရင်းမြစ်များ

Gẹnẹsis 23:6

“Danmwehọ ima enọwanrẹn. Ọkhaẹmwẹ nọkhua ọre u khin vbe uwe ẹbu ima. Ya re amwọn ọn ye idin ne ọ maa sẹ ne ima mwẹ. Ọkpa vbe uwe ima ne ọ gha wẹẹ rẹn i mu idin ne irẹn yanrẹn nuẹn ne u re orinmwi ruẹn yọ, ẹi rrọ.”

Gẹnẹsis 25:30

ọ keghi khama Jekọb wẹẹ, “Ohanmwẹ gbe mwẹ, fian mẹ kherhe vbe ọpẹkhẹrhẹ ne yẹn ẹn na.” (Ọnii ọ siẹe ne a na tiẹre Idọm)

Gẹnẹsis 27:29

Te iyaẹvbo nibun gha khian eguọmwadia ruẹ, ne emwa gha hie uhunmwu rre nuẹn. Te u gha khian arowa avbe etuẹn, ne uniẹn ivbi iyuẹ gha vbokho uhunmwu rre nuẹn. Ihẹn ọghe iran ni rhovbiọọ afiangbe ọghe iran ni fiangbuẹ.”

Gẹnẹsis 27:37

Aizik keghi wanniẹn wẹẹ, “I yae khian arowa a nẹ, I vbe ya etiọnrẹn hia khian eguọmwadia ẹnrẹn nẹ, I viọ avbe ọka kevbe ayọn naẹn nẹ. De emwi ne ọ ghi ye kẹe ne I gha ru nuẹn ovbi mwẹ!”

Gẹnẹsis 31:41

Erriọ ọre a wa duọ ee la ukpo ugie ne I gbe vbe obọ ruẹ. I ye ukpo iwenẹ ga ye ivbuẹ nikhuo eveva, ke ukpo ehan ye oghẹn ohuan ruẹn, levba sevba, te u ye fi igho ne a hae mẹ werriẹ igba igbe.

Gẹnẹsis 32:18

U ghi kha wẹẹ, ‘Ọghe Jekọb ne ọguọmwadia ruẹ nọ. Te ọ viọ iran gie Isọ ne arowa mwẹ zẹ vbe emwi ihaoko. Jekọb tobọ ẹre wa lele ima iyeke dee nian.’ ”

Gẹnẹsis 32:5

I mwẹ ẹmila, ekẹtẹkẹtẹ, ohuan, ẹwe, kevbe eviẹn. Te I gie uhunmwu guẹ enọwanrẹn ne I ya gualọ aro ne ọ maa vbe obọ ruẹ.”

Gẹnẹsis 33:14

Lahọ u ghi hẹko gha khian khẹ ima ne I hẹko gha leluẹ dee, I gha tua owẹ ye okhian, zẹ vbene avbe ẹmila kevbe emọ negiẹrẹ gha sẹtin, ma te do vba ruẹ vbe Sẹa.”

Gẹnẹsis 33:8

Isọ keghi nọ rẹn wẹẹ, “Otu ne I ka vbe miẹn vbe odọ, de ne eni vbe khin vbọ, vba a yae kha?” E Jekọb wanniẹn wẹẹ, “Te I wẹ ne I yae gualọ aro ne ọ maa ọ wuẹ.”

Gẹnẹsis 36:8

Ẹre Isọ ghi na ya yin ẹvbo oke ọghe Idọm.

Gẹnẹsis 36:9

Ena ọrọre ivbi uniẹn Isọ ne erha emwa Idọm.

Gẹnẹsis 4:7

Akpawẹ te u ru ẹse, te u ghẹ gha mumu ogiẹ nian. Sokpan, vbe ne u ghi na ru emwi dan nẹ nian, orukhọ ye vbe aranmwẹ ne ọ si rhuẹ khẹ ruẹ ne ọ gua a rhie vbe onurho. Ọ ho ne ọ gha kha yan ruẹn sokpan ọ kere ne obọ ruẹ ke odukhunmwu nẹẹn.”

I Ọba 20:32

Rhunmwuda ọnii, iran keghi viọ ukpọn akhiẹ rhuan, iran keghi rrilo irri ye urhu, iran keghi bu Ehab gha khian, iran tama rẹn wẹẹ, “E Benhadad ne ọguọmwadia ruẹ wẹ ne u lahọ ne u ghẹ gbe irẹn uan.” Ehab keghi wanniẹn wẹẹ, “Ọ ye rre agbọn ra? ọ ma khekherriọ, te ọ yevbe ọtẹn mwẹ ne okpia!”

Ẹksọdọs 32:22

Errọn keghi wanniẹn wẹẹ, “Ghẹ gunmwẹ gui, u rẹn vbe ne ọ rre iran na ekhọe hẹ ne iran gha ru emwi dan.

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Itan 25:15

Arhẹrhẹ, izin egbe, gha sẹtin dọ ohu I i kue ne ọ ghi wegbe sẹẹ yọ, uhin ighe te ọ vbe sẹtin fi enigie ekhọe werriẹ.

Itan 6:3

A deghẹ erriọ nọ, ovbi mwẹ, u rre ọmwa ni obọ nẹ, sokpan, ghe vbene u gha ya do ẹe fe hẹ. Zẹgiẹgiẹ bu ẹre gha khin, rinmwian ẹẹn wẹ ne ọ zẹ uẹ vbe aban.

Asan-Ibo 10:4

Adeghẹ ọmwa ne ọ khaemwisẹ yan ruẹn mu ohu ruẹ, ghẹ wa gbẹn ebe I i ghi winna mu gie ẹe. A sẹtin wa ye abakuru nọkhua bọ ọmwa adeghẹ ọ ma balegbe.

Aizaia 21:11

Ọna ọrọre uhunmwu ne a gie rre vbekpa Idọm. Ọ wẹẹ, “Abodẹ, vbe ọ ra kpee sẹ hẹ ẹdẹ ke gbe yi? Tama mwẹ, vbe ọ gha kpee sẹ hẹ ọ ke fo.”

Iyẹn ne ọ Maan Ọghe Luk 14:11

Rhunmwuda, ọmwa ne ọ tọn egbe mu, a gha mu ẹn rriotọ, ọmwa ne ovbe mu egbe ẹre rriotọ, a gha tọẹn mu.”

I Pita 3:6

Erriọ Sera gha ye, te ọ gha họn ẹmwẹ ne ọdọ ẹre, ọ re ọ na gha tie ẹre “Enaẹmwẹ.” Wanwanna nian, ivbi ẹre ne ikhuo ọre uwa khin, a deghẹ wẹ yin ẹse, ighẹ wa ma vbe mu ohan emwi rhọkpa.

Giọgis 5:4

E Nọyaẹnmwa, ẹghẹ ne u na kpao vbe oke Sẹa vbe u ke iwewe Idọm ladian, otọe rueghe, amẹ keghi rhọ ke iso rre, vbe ẹmwata, amẹ kegha kpe ke ideghedeghe kua.

I Samuẹl 26:17

E Sọl keghi mu urhu e Devid, ọ na nọ rẹn wẹẹ, “Devid wẹ ọnii khin ra ovbi mwẹ?” E Devid keghi wanniẹn wẹẹ, “Mẹ nọ Umogun.”