E Hega keghi nọ egbe ẹre ọta wẹẹ, “Te imẹ gele bẹghe Nọyaẹnmwa I na ye gha rre agbọn ne I ya na iyẹn ra?” Ẹre ọ na ghi tie eni Nọyaẹnmwa ne ọ gu ẹe guan vbenian, “Osanobua ne ọ bẹghe.”
E Jeroboam ne ọba Izrẹl keghi gbe ekẹn ga e Siẹkẹm kevbe ẹvbo Ifreim ne uhunmwu oke, ọ na ya gbe ẹghẹ eso vbe evba. Ọ keghi vbe kpao, ọ na ya gbe ekẹn gaa e Pẹnuẹl.
Mẹ keghi kha wẹẹ, “I wiri! Ọghomwẹ fo nẹ, rhunmwuda ẹmwẹ ne ọ rhirhi ke akhuarhamwunu mwẹ ladian, orukhọ nọ, uwu ẹbu emwa ne ẹmwẹ ne iran guan hia wa vbe re orukhọ ọ re I ye. Sevba, mẹ keghi ye aro mwẹ bẹghe Ọba, e Nọyaẹnmwa ne Oghodua.”
Rhunmwuda onii ọ re I na gu ẹe guan vbe ghe aro mwẹ ghe aro uẹ, vbe ne a gbẹe ẹho, ighẹ ẹ i re itan ne a kpa, uhin ighẹ rẹn deghẹ a kpa mwẹ nẹ! Vbọzẹ ne ohan na gie uwa talọ ku e Mosis ne ọguọmwadia mwẹ?”
Ọmwa ọkpa i rrọ ne ọ he bẹghe Osanobua aro ẹdẹ, rẹn ọkpa kẹkan ne ọ re emwi ne Osanobua vbe khin, kevbe ne ọ vbe diake Evbavba, ọre ọ rhie ẹre ma emwa.
Emwi ne ima ghe ama rẹn vbirrivbirri zẹ vbe uwu ughegbe na, ẹghẹ nii, a gha bẹghe ehia vbe ghe aro mwẹ ghe aro uẹ. Emwi ne I rẹnrẹn nian, ukhiọnmwẹ nọ, ẹghẹ nii, I gha rẹn ọnrẹn fo zẹ vbe ne Osanobua rẹn mwẹ fo.
Ma hia fẹẹrẹ khekherriọ, ọre ọ rhie uyi Nọyaẹnmwa maa vbe aro ne a ma rhie emwi gue. Nene uyi ọkpa nii, ghi ke ehe ne Nọyaẹnmwa, ne ọre nene Orhiọn ye rre, do fi ima werriẹ khian vbene irẹn ye, vbe uyi ne ọ kpọlọ sẹ ọna ẹsẹse.
Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.
Ẹmwẹ uwa wa yan mwẹ unu uan! Vbe uwu ẹghẹ kherhe na, wa wa lẹ kua nẹ hin ehe ne ọmwa ne ọ ya ẹsọhẹ Kristi tie uwa, wa keghi vbe lẹ bu iyẹn ne ọ maa ọvbehe gha khian.
I keghi vbe rinmwian Osanobua ọghe Nọyaẹnmwa Jesu Kristi, Erha Nọ mwẹ uyi, ne ọ rhie nene Orhiọn ne uwa, ne ọ gha ya uwa gha wan, ọ ghi vbe rhie Osanobua ma uwa, ne uwa miẹn ehe na rẹn ọnrẹn.
Iran keghi kha wẹẹ, ‘E Nọyaẹnmwa Osanobua ima rhie ukpọlọmwẹ ọnrẹn kevbe uyi ẹre ma mwa, ẹghẹ ne ima na họn vbe ọ guan ke uwu erhẹn nii rre! Ma miẹn ọẹn ẹrẹna nian wẹ ọmwa sẹtin ye gha rre agbọn vbe Osanobua gu ẹe guan nẹ.
Sokpan banbanna nian, te a ghi do rhie ẹre ma ima, vbe uwu urremwẹ Kristi Jesu, ne Ọmiọnmwafan mwa. Rhunmwuda, Kristi khuọn ẹtin uwu ua nẹ, ọ keghi vbe la ekpa nene iyẹn ne ọ maa rhie agbọn a i wu ẹdẹ ma emwa.
Iyayi ọre Mosis ya kpao vbe Igipt rre vbene afainma ohu ọghe ọba ma na fian ẹn, ọ ma werriegbe, ọ keghi ye vbene a miẹn wẹ rẹn bẹghe Osanobua ne a i bẹghe.
E Jọsua ghi rre ọkpẹn Jẹriko, vbe udomwurri, ọ keghi bẹghe okpia ọkpa ne ọ mu umozo mwẹ vbe ọ mudia ye odaro irẹn. E Jọsua keghi bu ẹre gha khian, ọ nọ rẹn wẹẹ, “Ọkpa vbe uwu ivbiyokuo ọghe ima ọ re uwẹ khin ra oghian?”