Gẹnẹsis 32:29 - Edo Bible (E Baibol Ẹdo) Version 1996

²⁹ E Jekọb keghi kha wẹẹ, “Lahọ ta eni ruẹn ma mwẹ.” Sokpan rẹn wanniẹn wẹẹ, “Vbọzẹ ne u na nọ eni mwẹ?” Ẹre ọ ghi na fiangbe Jekọb.

Gẹnẹsis 32:29 ပူးပေါင်းရင်းမြစ်များ

Gẹnẹsis 17:5

A i ghi ra gha tie ruẹ Ebram ọvbehe sokpan Ebraham. Ọna ọre ọ ghi re eni ruẹn rhunmwuda, I ra ya a ru erha odede ọghe okpẹvbo nibun.

Gẹnẹsis 35:10

Osanobua tama rẹn wẹẹ, “E Jekọb ọre a te tie ruẹ, sokpan ke eban kpao, Izrẹl ọre a ghi gha tie ruẹ,” ẹre Osanobua na he ẹre Izrẹl.

Gẹnẹsis 35:9

E Jekọb ghi ke Mẹsopotamia rre, Osanobua keghi dọlegbe rhie egbe ma rẹn ọ na fiangbe ẹe.

I Ọba 18:31

Ọ keghi munọ okuta iweva, ọkpọkpa ọghe ivbi e Jekọb, ọmwa ne Nọyaẹnmwa he ẹre Izrẹl.

II Ọba 17:34

Iran kegha ye yin uyinmwẹ arre iran do sẹ ẹdẹnẹrẹ na. Iran i ga e Nọyaẹnmwa, iran i vbe ya ẹe ru emwi ighẹ uhi ne Nọyaẹnmwa rhie ne ivbi uniẹn Jekọb ne irẹn he ẹre Izrẹl.

I Krọnikol 1:34

Aizik ne ovbi Ebraham kegha mwẹ emọ ikpia eva, Isọ kevbe Jekọb.

Job 11:7

“Wẹ gha sẹtin rẹn okhiẹ kevbe ukpẹ ọre ra ighẹ ẹtin kevbe ukpọlọmwẹ Osanobua?

Itan 30:4

De ọmwa ne ọ he ruẹ irẹnmwi ẹrinmwi guẹ? De ọmwa ne ọ he gue ẹhoho ye obọ ẹre ẹdẹ? Ra ne ọ ya ukpọn gbalọ amẹ? Ra ne ọ vin uwu ye ehe ne agbọn sẹe? Gha nọ adeghẹ wẹ rẹn ọnrẹn, gha ọ re ovbi ẹre?

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Hozia 6:1

Emwa ni khare wẹẹ, “Wa gie ima werriegbe bu e Nọyaẹnmwa. Ọ ru ima emwi nẹ, sokpan ẹ i mwẹ ọ ma mu ima egbe rran, ọ kuan ima nẹ, sokpan ọ gha gbalọ ima ẹwẹn ra u ma ro vberriọ?

Nọmbas 20:14

E Mosis keghi gie emwa ke Kedẹs bu ọba Idọm. Iran keghi kha wẹẹ, “Etuẹn ighẹ ẹwae Izrẹl ọ re ọ gie uhunmwu na rre wẹẹ: We rẹn usẹ ne ima he sẹ,

Iyẹn ne ọ Maan Ọghe Luk 1:19

Odibosa nii wanniẹn tama rẹn wẹẹ, “Mẹ ọrọre Gebriẹl, odaro Osanobua ọre I mudia yi, rẹn ọre ọ gie mwẹ ne I do na iyẹn oghọghọ na ma ruẹn.

Diuteronomi 29:29

“Oro eso rrọ ne Nọyaẹnmwa ma he rhie ladian, sokpan, ọ rhie uhi ẹre ladian nẹ, te ima kevbe emọ ne ima gha biẹlẹ, gha ya ẹe gha ru emwi ẹdẹdẹmwẹdẹ.