Gẹnẹsis 32:25 - Edo Bible (E Baibol Ẹdo) Version 1996

²⁵ Okpia nii ghi miẹn we obọ ẹre ra gba irẹn, ọ keghi gbe emwi ye Jekọb ugboloko ẹkun, ẹkun ẹnrẹn keghi lahin akhuẹn rre vbe ne iran na vẹn nii.

Gẹnẹsis 32:25 ပူးပေါင်းရင်းမြစ်များ

Gẹnẹsis 19:22

Zẹgiẹ! Rhulẹ! I i ra sẹtin ru emwi rhọkpa vbe ẹ i re te u sẹ evba nẹ.” Rhunmwuda ne Lọt na tie ẹre nekherhe, a ke gha tie ẹvbo nii Zoa.

Gẹnẹsis 32:24

Ọ keghi kẹ irẹn ọkpa vbe odieke. Orhiọnkpa keghi do guẹe vẹn ẹdẹ te do gbe.

Gẹnẹsis 32:26

Okpia nii keghi kha wẹẹ, “Sẹmwẹ rae I ghe te ẹdẹ ghi ra gbe.” Sokpan Jekọb wanniẹn wẹẹ, “I i suẹ rae vbe ẹ i re te u fiangbe mwẹ nẹ.”

Gẹnẹsis 32:32

Ọnii ọ siẹe ne a na miẹn wẹ uhin do sẹ ẹdẹnẹrẹ na, uniẹn ivbi Izrẹl i rri inian ne ọ rre ugboloko ẹkun rhunmwuda inian ni ọre a na fi e Jekọb emwi.

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Aizaia 45:11

E Nọyaẹnmwa ne Osanobua nọhuanrẹn ọghe Izrẹl ọmwa ne ọ kha vbene ẹdẹ nakhuẹ ra gha ye hẹ khare wẹẹ, “U i mwẹ asẹ ne a ya nọ mwẹ ọta vbekpa ivbi mwẹ, ra ne u gha tama mwẹ emwi ne ọ te kei ne I ru.

Matiu 26:41

Wa gha ba odẹ, wa gha na erhunmwu ne uwa ghẹ miẹn edanmwẹ, orhiọn wa ho sokpan egbe khuẹrhẹ.”

Matiu 26:44

Jesu keghi sẹ iran rae, ọ keghi ya na erhunmwu ukpogieha, vbene ọ na ye ta ẹmwẹ ọkpa nii.