Gẹnẹsis 32:24 - Edo Bible (E Baibol Ẹdo) Version 1996

²⁴ Ọ keghi kẹ irẹn ọkpa vbe odieke. Orhiọnkpa keghi do guẹe vẹn ẹdẹ te do gbe.

Gẹnẹsis 32:24 ပူးပေါင်းရင်းမြစ်များ

Gẹnẹsis 18:2

ọ ghi tọn aro mu vbe ọwarọkpa, ọ keghi ya dẹghe ikpia eha vbe iran mudia vbe evba. Ọwarọkpa nii vbe ọ ghi wa bẹghe iran, ọ keghi rhulẹ ke onurho owa ukpọn rẹn kpao ya vba iran. Ugbẹn vbe ọ ghi diguẹ mu aro rhuotọ nẹ, ọ wẹẹ,

Gẹnẹsis 30:8

E Rekiẹl ke kha wẹẹ, “I gu ọtẹn mwẹ gbinna igbinna nọ wegbe sokpan, obọ mwẹ keghi ke ukhunmwu”; ọ keghi rhunmwuda ọnii he ẹre Naftali.

Gẹnẹsis 32:23

Ọ ghi viọ iran gberra nẹ, ọ kevbe viọ emwi ne ọ mwẹ hia gberra.

Gẹnẹsis 32:25

Okpia nii ghi miẹn we obọ ẹre ra gba irẹn, ọ keghi gbe emwi ye Jekọb ugboloko ẹkun, ẹkun ẹnrẹn keghi lahin akhuẹn rre vbe ne iran na vẹn nii.

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

Gẹnẹsis 32:30

E Jekọb keghi kha wẹẹ, “I miẹn Osanobua vbe ghe aro mwẹ ghe aro ruẹ, I keghi ye rre agbọn.” Ẹre ọ na ghi gha tie eni evba nii Peniẹl.

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

Ẹksọdọs 14:27

Ẹre Mosis na niẹn obọ ẹre da okun, ẹdẹ ghi gbe, ẹzẹ keghi ro zẹ vbene ọ ka ye ẹdẹ. Ivbi Igipt ghi te ho ne iran lẹ, e Nọyaẹnmwa keghi filo iran ku uwu okun.

Ihuan Ne Ọ Sọọ Ihuan Hia 2:17

Ẹhoho owiẹ te suẹn gha hoho ne a vbe ho ebiebi bẹkun. Dọlegbe gha dee enida mwẹ zẹ vbe uzo zẹ vbe ẹrhuẹ ọwẹe vbe oke Bẹtẹ.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Daniẹl 10:8

Mẹ ọkpa ọ re ọ ghi rre evba, I na gha ghe umian ọyunnuan na. Orhiọn ma ghi gha rrọ mwẹ re, aro mwẹ keghi fiwerriẹ sẹrriọ vbe uhunmwu wẹ, ọmwa ọkpa ne ọ gha ye rẹn mwẹ ighi rrọ.

Iyẹn ne ọ Maan Ọghe Luk 13:24

“Jesu wanniẹn tama iran wẹẹ, ziga ne u la onurho ne wẹnrẹn la owa, ne I khama ruẹn wẹẹ, emwa ni bun ọre ọ gha hia ne iran la owa sokpan iran i sẹtin.

Iyẹn ne ọ Maan Ọghe Luk 22:44

Ọ keghi kakabọ na erhunmwu vbe uwu omanọ, ọfo ne ọ rre egbe ẹre keghi ye vbe esagiẹn, ọ kegha kharha ku otọ.]

Ebe ne Pọl gbẹẹn gie emwa Rom 15:30

Etẹn mwẹ, I kakabọ ye Nọyaẹnmwa Jesu Kristi, kevbe ahoẹmwọmwa ne Orhiọn rhie ne ọmwa rinmwian uwa ne uwa deba mwẹ kakabọ gha na erhunmwu ghe Osanobua mẹ.

I Kọrinti 15:47

Ekhae ne otọe ọre a ya yi Adam ne okaro, ẹrinmwi ọre Adam ne ogieva ke rre.

Ẹfisọs 6:12

Rhunmwuda ẹ i re emwa ne agbọn kẹkan ma gu vẹn, sokpan iran nọ ighẹ avbe ẹtin ni wo ni re avbe ẹrinmwi, avbe ọdakha, avbe enikhaemwisẹ, avbe eniwanrẹn asọn, ọ ghe orre ne ọ so ebiebi na.

Ẹfisọs 6:18

Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.

Kọlose 2:1

Wa gun mwẹ tama uwa, vbene I he kakabọ winna ne uwa, kevbe emwa ni rre Laodisia sẹ hẹẹ, kevbe emwa hia ni ma he rẹn mwẹ vbe aro.

Kọlose 4:12

Ẹpafras ne ọ vbe re ọkpa vbe uwu uwa, kevbe ne ọ vbe re ọguọmwadia Jesu Kristi we uwa do. Ẹghẹ hia ọre ọ wa ya kakabọ na erhunmwu ne uwa, ọ ghi gha rinmwian Osanobua ne ọ gie uwa mudia gbain, ne uwa si uwan, ne ọ la uwa ekhọe fo, vbe uwu ne a na wa ru iho ẹre.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

Jọsua 5:13

E Jọsua ghi rre ọkpẹn Jẹriko, vbe udomwurri, ọ keghi bẹghe okpia ọkpa ne ọ mu umozo mwẹ vbe ọ mudia ye odaro irẹn. E Jọsua keghi bu ẹre gha khian, ọ nọ rẹn wẹẹ, “Ọkpa vbe uwu ivbiyokuo ọghe ima ọ re uwẹ khin ra oghian?”