Gẹnẹsis 32:22 - Edo Bible (E Baibol Ẹdo) Version 1996
22 Vbe asọn ọkpa nii, e Jekọb keghi kpaegbe, ọ viọ amwẹ ọnrẹn eveva, avbe egbakhian eva ne ọ mwẹ, kevbe ivbiẹre owọrọ, ọ keghi fian ẹzẹ Jabọk gberra vbe ehe ne a na wa ẹre.
Sokpan, ma ma sikẹ ọkpẹn ẹvbo ni rre otọ Amọri ra eghute Ẹzẹ Jabọk ra avbe ni rre uhunmwu oke ra avbe ọvbehe hia ne Nọyaẹnmwa Osanobua ima wẹ ne ima ghẹ yo.
I keghi mu ikinkin otọe ne ọ ke Giliad yasẹ Ẹzẹ Anọn ne ẹwae Riubẹn kevbe Gad. Ehe ne otọe iran sẹe vbe odẹ ekẹn keghi re adesẹneva ẹzẹ nii, ehe ne ọ la ẹe vbe odẹ okuọ kevbe gha rrie Ẹzẹ Jabọk, ihe eso vbọ kevbe gha re ehe ne otọe Amọri sẹe.
Saihọn ọba avbe ivbi Amọri ne ọ gha rre Heshọn, otọ arriọba ẹre keghi ke Aroẹ vbe ọkpẹn Iya ọghe Anọn, kevbe ke adesẹneva iya ni kpao, rhinrin ya sẹ Ẹzẹ Jabọk, ehe ne otọ Ammọn sẹe (ena kegha re vbe a wa otọe Gilian ye ihe eva).
Ọba Amọn keghi wanniẹn tama emwa ne Jẹfta gie ẹre uhunmwu wẹẹ, “Rhunmwuda, ẹghẹ ne ivbi Izrẹl na gha ke Igipt dee, iran keghi mu otọe mwẹ, kevbe Ẹzẹ Anọn ya sẹ Ẹzẹ Jabọk kevbe Ẹzẹ Jọdan, banbanna nian, wa ghi hẹko ye aro ne rọkhọ mu ẹn werriegbe mẹ.”