Gẹnẹsis 32:20 - Edo Bible (E Baibol Ẹdo) Version 1996

²⁰ Wa ghi kha wẹẹ, ‘Ẹmwata nọ, e Jekọb ne ọguọmwadia ruẹ wa lele ima iyeke dee.’ ” E Jekọb keghi rorẹe wẹẹ, “I gha ya avbe emwi ihaoko ne I viọ ke odaro na fu ẹre ẹko rre. I gha ghi do vba ẹre, u gha ghe, ọ gha yabọ mwẹ.”

Gẹnẹsis 32:20 ပူးပေါင်းရင်းမြစ်များ

Gẹnẹsis 32:19

Ọ na vbe tama nogieva, nogieha kevbe iran hia ni lele nene oghẹn ohuan khian. “Enian wa gha tama Isọ vbe uwa gha miẹn ọẹn.

Gẹnẹsis 32:21

Emwi ihaoko nii keghi ke odaro ne irẹn. Ọ keghi ye gbe asọn nii vbe agọ.

Gẹnẹsis 43:11

Erha iran keghi tama iran wẹẹ, “A deghẹ a i miẹn odẹ ọvbehe la vbọ, wa viọ emwi ni maa sẹẹ ne a miẹn vbe otọ na ye ẹkpo zẹ vbe emwi ihaoko gie okpia nii. Ọmọ erhan rezin, owọn kherhe, oziza, ivin urua kevbe almọnd.

I Ọba 20:31

Emwa rẹn keghi bu ẹre gha khian, iran tama rẹn wẹẹ, “Ma họẹn wẹ emwa itohan ọ re avbe ọba Izrẹl khin. Rhie asẹ ne ima, ne ima viọ ukpọn akhiẹ rhuan, ne a vbe rilo irri ye urhu bu ọba Izrẹl gha khian, u gha ghe, ọ gha zẹ ima obọ.”

Itan 15:18

Ibalegbe ọ re ọ si imuan ẹmwẹ rre, sokpan, te izin egbe rhie ọfumwegbe rre.

Itan 16:14

Ọmwa ne ọ wan ghi gha hia ne ọ gha ya ẹko ọba rhiẹnrhiẹn, ohu gha mu ọba, ọmwa hoho sẹtin lae.

Itan 18:16

A dẹghe u ho ne u miẹn ọmwa kpataki aro, ya emwi ha oko giẹe, ẹ i ra zẹdẹ lọghuẹ hiehiere.

Itan 21:14

Deghẹ ọmwa okpa mu ohu ruẹ, u ghi la ẹkhokho ha oko gie ẹe, ọ gha fu ẹre ekhọe rre.

Itan 6:35

Ẹ i kue ne a ha irẹn osa ya khiẹ ọre, ẹ i mwẹ emwi ne a gha rhie ne ẹẹn ne a gha ya fu ẹre aro rre.

Jona 3:9

Ọ gha kẹe, Osanobua gha fi ekhọe werriẹ, ọ gha ke ẹe ohu gha fo vbe ẹko ẹre, ma i ghi ra wulo!”

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

I Samuẹl 6:5

Wa ghi mannọ amazẹ ọghe avbe uruvba kevbe ofẹn nii ya ẹvbo uwa rrie na, ne uwa vbe miẹn orukhọ uwa kue ma Osanobua Izrẹl. U ghaghe ọ ghi dobọ oya ne ọ ya rri uwa, kevbe ẹbọ uwa kevbe otọ uwa re yi.