Gẹnẹsis 32:2 - Edo Bible (E Baibol Ẹdo) Version 1996

² Ugbẹn vbe ọ ghi bẹghe iran, ọ wẹẹ, “Agọ Osanobua ọna khin”; ọ kegha tie evba nii Mahanem.

Gẹnẹsis 32:2 ပူးပေါင်းရင်းမြစ်များ

II Samuẹl 17:24

Ẹghẹ ne Absalọm kevbe emwa rẹn ghi na fian ẹzẹ Jọdan rra, e Devid sẹ ẹvbo ne a tie ẹre Mahanem nẹ.

II Samuẹl 2:12

Abna kevbe iran ni rre asẹ vbe ototọ Isbosiẹt keghi ke Mahanem gha rrie Gibiọn.

II Samuẹl 2:8

Abna ne ovbi e Niẹ, ne ọkaokuo ne ọ gbearoghe ivbiyokuo e Sọl, lẹ lele Isbosiẹt ne ovbi e Sọl fian Jọdan rra gha rrie Mahanem.

I Ọba 2:8

“Vbe ye Simẹi rre ighẹ ovbi e Gera ne ovbi ẹvbo ne a tie ẹre Bahurim vbe Bẹnjamin. Ọ keghi ye ihẹn viẹ mwẹ agbọn ota agbọn owiẹ vbe ẹghẹ ne I na gha rrie Mahanem, sokpan, ọ ghi bu mwẹ sẹ Jọdan, I keghi yan ma rẹn wẹ I i ra gbe ẹe rua.

I Ọba 4:14

Ahinadab ne ovbi Ido: otọe ẹvbo ọghe e Mahanem

II Ọba 6:17

Ẹre irẹn na na erhunmwu wẹẹ, “E Nọyaẹnmwa, rhan ẹre aro ne ọ miẹn ehe na bẹghe!” E Nọyaẹnmwa keghi họn erhunmwu ẹnrẹn, ọguọmwadia Elaisia ghi tọn aro mu, ọ keghi miẹn wẹ avbe ẹsin kevbe ikẹkẹ okuo ọghe erhẹn ọ re ọ wa gba oke nii hia lẹga Elaisia.

I Krọnikol 12:22

Uhin ighẹ ẹdẹgbegbe ọre emwa ya gha deba ivbiyokuo e Devid, sẹrriọ wẹ vbe ọma ghi he kpẹe, ivbiyokuo ẹre keghi khian ọrhẹnrhẹn.

Psalm 103:21

Wa rho e Nọyaẹnmwa, wa ne avbe ẹtin ẹrinmwi, wa ne eguọmwadia ẹre, ni ru iho ẹre.

Psalm 148:2

Wa rho ẹre wa ne avbe odibosa, wa ne ivbiyokuo ẹrinmwi ẹnrẹn hia.

Psalm 24:10

De ọmwa ne ọ re ọba nọkhua na? E Nọyaẹnmwa ne ọ khọnmiotọ rẹn ọrọre ọba nọkhua.

Psalm 34:7

Avbe odibosa ẹre ọ re ọ gbearoghe iran ni ya ọghọ ne Nọyaẹnmwa, ọ ghi vbe miẹn iran fan vbe ẹbe.

Ihuan Ne Ọ Sọọ Ihuan Hia 6:13

Gha ku, gha ku uvbi ne Siulam gie ima ghe ruẹ vbe u kuu Vbọzẹ ne uwa na ho ne uwa ghe mwẹ vbe I kuu yi vbe ehe ne iran ni ghe ughe na tẹn ye obọ eveva?

Daniẹl 10:20

Rẹn keghi tama mwẹ wẹẹ, “U rẹn emwi ne ọ zẹe ne I na bu ruẹ gha dee ra? Te I rre do ma ruẹn emwi ne a gbẹnnẹ ye Ebe Ẹmwata. Banbanna nian, I gha werriegbe gha khian ne I ya gu odibosa ne ọ su Pẹsia gbinna. Vbe iyeke ọnii, odibosa ne ọ su e Gris gha rre. Ọmwa ọvbehe i rrọ ne ọ gha yọmwẹ obọ gberra e Maikẹl ne odibosa ne ọ su Izrẹl.

Iyẹn ne ọ Maan Ọghe Luk 2:13

Vbe udomwurri, ivbiyokuo ni bun ọghe odibosa ni rre ẹrinmwi keghi rhie egbe ma ba odibosa nii, iran kegha rho Osanobua vbe uyi wẹẹ:

Jọsua 21:38

Ne ọ sẹ iran obọ vbe ọghe ẹwae Gad kegha re Ramọt ne ọ rre Giliad deba otọe erria ne ọ rrọọ (ẹvbo ne ọmwa ne ọ gbe ọmwa ran lẹ fi) Mahanem,

Jọsua 5:14

Okpia ni keghi wanniẹn wẹẹ, “Ẹ i mwẹ ne I khin vbọ. Te ima rre emwa na zẹ vbe ọkaokuo ivbiyokuo e Nọyaẹnmwa.” E Jọsua keghi ghughẹrre ya ọghọ ne ẹẹn, ọ keghi kha wẹẹ, “Te imẹ rre emwa ne u gha gie mwẹ uhunmwu enọwanrẹn, de emwi ne u ho ne I ru?”