Gẹnẹsis 32:13 - Edo Bible (E Baibol Ẹdo) Version 1996
13-14 Ọ ghi gbe asọn nii nẹ vbe evba, ọ keghi viọ avbe emwi na gie Isọ ne ọtiọnrẹn vbe uwu emwi ne ọ mwẹ. Ẹwe amwẹ uri (200) deba ovbukhọ ugie, ohuan uri (200) deba ogho ugie.
ọ ghi tọn aro mu vbe ọwarọkpa, ọ keghi ya dẹghe ikpia eha vbe iran mudia vbe evba. Ọwarọkpa nii vbe ọ ghi wa bẹghe iran, ọ keghi rhulẹ ke onurho owa ukpọn rẹn kpao ya vba iran. Ugbẹn vbe ọ ghi diguẹ mu aro rhuotọ nẹ, ọ wẹẹ,
E Jekọb keghi kha wẹẹ, “Ẹ i re erriọ, a deghẹ I miẹn aro nọmaa ọwuẹ, rhan obọ miẹn emwi ne I ya haoko guẹ. Ne I na bẹghe aro ruẹ na, ọ yevbe ne I bẹghe aro Osanobua vbe ẹghẹ na ne u na ye obọ ọse mu mwẹ.
Isọ keghi nọ rẹn wẹẹ, “Otu ne I ka vbe miẹn vbe odọ, de ne eni vbe khin vbọ, vba a yae kha?” E Jekọb wanniẹn wẹẹ, “Te I wẹ ne I yae gualọ aro ne ọ maa ọ wuẹ.”
Erha iran keghi tama iran wẹẹ, “A deghẹ a i miẹn odẹ ọvbehe la vbọ, wa viọ emwi ni maa sẹẹ ne a miẹn vbe otọ na ye ẹkpo zẹ vbe emwi ihaoko gie okpia nii. Ọmọ erhan rezin, owọn kherhe, oziza, ivin urua kevbe almọnd.
Rhunmwuda ọnii, I keghi viọ emwi igbinna, avbe umozo, asoro kevbe uhanbọ ne emwa nii, I na ghae iran ye dọmwadẹ ẹwae lele iyeke ekẹn nii vbe ehe ne a ma hẹ na gbe ẹe fo.
Nọ iran, iran gha tama ruẹn. E Devid wẹ ne u rhan obọ itohan miẹn emwa irẹn rhunmwuda ma gha rrie edinran vbe ẹdẹ eghọ. Rhunmwuda ọnii, viọ emwi ne obọ ruẹ gbare ne ima ne eguọmwadia ruẹ; kevbe Devid ne ọ siọ ne ọ ghaan.”