Gẹnẹsis 32:11 - Edo Bible (E Baibol Ẹdo) Version 1996
11 Lahọ, miẹn mwẹ fan vbe obọ ẹtin Isọ ne ọtẹn mwẹ. Afianma fian mwẹ we te ọ dee ra do gun mwẹ gbinna ne ọ wa fuẹn ima-an kevbe ikhuo kevbe emọ negiẹrẹ.
Rẹn keghi kha wẹẹ, “Urhomwẹ nọ ne Nọyaẹnmwa, Osanobua Ebraham arowa mwẹ ne ọ wa rhie ekhọe yọ ne ọ mu eyan ne ọ yan ma arowa mwẹ sẹ. E Nọyaẹnmwa wa ma mwẹ odẹ gha die owa ọtẹn arowa mwẹ zẹẹ.”
Ẹko Jekọb kegha khọ Isọ rhunmwuda ne erha ẹe na rhie afiangbe ẹnrẹn nẹẹn, ọ na rorẹe wẹẹ, “Ẹghẹ ne a gha ya khiẹ uwu erha mwẹ sotọ fo nẹ, ọ gha gbe rra nẹ I ghi gbe Jekọb rua.”
E Devid ne Ọba kegha rrie uwu Owa Ukpon e Nọyaẹnmwa nii, ọ keghi tota, ọ na na erhunmwu wẹẹ, “E Nọyaẹnmwa ne Udazi, mẹ kevbe ẹgbẹe mwẹ, ne ọ sẹe ne ọ kere ne a ru emwi ne u he ka ru mẹ hia na, sẹẹ hia,
okuo gha bu emwa ruẹn rre, a gha vbe guọghọ avbe ẹvbo ruẹ ne a gbe odin ga hia. Te ọ ra yevbe ẹdẹ ne Sialmaa ne Ọba dunmwu ore Betabẹl vbe okuo, ne a na vbe dunmwu emọ kevbe iye iran an.
Iran keghi dọlegbe tu tie Nọyaẹnmwa ne ọ yi iran obọ wẹẹ, ‘Ma rukhọ nẹ, rhunmwuda, ma fi iyeke gbe uwẹ, ma keghi ya gha ga e Baal kevbe Astat. Miẹn ima fan hin obọ eghian ima rre, ma gha ga aa!’