Gẹnẹsis 32:10 - Edo Bible (E Baibol Ẹdo) Version 1996

¹⁰ Mẹ ma sẹ ne a gha mwẹ itohan kevbe ẹmwẹ ọmwa yẹ ọmwa ne uwẹ mwẹ ghe mwẹ ghe, mẹ ne ọguọmwadia ruẹ. Vbe I fian Jọdan rra, mẹ mwẹ ọkpa kẹkan nọ, banbanna nian, mẹ vbe otu eva na ghi nọ.

Gẹnẹsis 32:10 ပူးပေါင်းရင်းမြစ်များ

Gẹnẹsis 18:27

Ebraham kevbe dọlegbe guan wẹẹ, “Lahọ, ghẹ gui ye udinmwẹ ne I ye ya guẹ guan na Nọyaẹnmwa. Ọmwa kẹkan ọre I khin, I i mwẹ asẹ ne I gha ya ta ẹmwẹ rhọkpa.

Gẹnẹsis 24:12

Rẹn ka na erhunmwu wẹẹ, “Nọyaẹnmwa, Osanobua ọghe Ebraham ne arowa mwẹ, rhie arudinodẹ mẹ ẹre na ne u mu eyan ne u yan ma arowa mwẹ sẹ.

Gẹnẹsis 24:27

Rẹn keghi kha wẹẹ, “Urhomwẹ nọ ne Nọyaẹnmwa, Osanobua Ebraham arowa mwẹ ne ọ wa rhie ekhọe yọ ne ọ mu eyan ne ọ yan ma arowa mwẹ sẹ. E Nọyaẹnmwa wa ma mwẹ odẹ gha die owa ọtẹn arowa mwẹ zẹẹ.”

Gẹnẹsis 28:13

Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

Gẹnẹsis 28:15

Yẹrẹro, I gha rrọọ yaba ruẹ, I ghi gha degue ruẹ vbe ehe ne u rhirhi a gha rrie, I ghi vbe dọlegbe rhie ruẹ gha die otọ na. Mẹ ira suẹ rae I te do ru avbe emwi ne I tama ruẹn na.”

Gẹnẹsis 30:43

Banbanna, Jekọb ke wa do khian ọmwa ne ọ fe, ọ kegha mwẹ oghẹn ohuan nibun, avbe eviẹn, ekẹtẹkẹtẹ ke ẹsin.

Gẹnẹsis 31:3

Ẹre Nọyaẹnmwa na tama rẹn wẹẹ, “Werriegbe gha rrie ẹvbo erhaa kevbe avbe etuẹn, I gha ya ba ruẹ.”

Gẹnẹsis 32:5

I mwẹ ẹmila, ekẹtẹkẹtẹ, ohuan, ẹwe, kevbe eviẹn. Te I gie uhunmwu guẹ enọwanrẹn ne I ya gualọ aro ne ọ maa vbe obọ ruẹ.”

Gẹnẹsis 32:7

Ohan keghi mu e Jekọb ẹsẹse, iro na han rẹn. Ọ keghi wa emwa ni guẹe, ohuan, kevbe ẹwe kevbe ekẹtẹkẹtẹ ye ihe eva.

II Samuẹl 17:24

Ẹghẹ ne Absalọm kevbe emwa rẹn ghi na fian ẹzẹ Jọdan rra, e Devid sẹ ẹvbo ne a tie ẹre Mahanem nẹ.

II Samuẹl 7:18

E Devid ne Ọba kegha rrie uwu Owa Ukpon e Nọyaẹnmwa nii, ọ keghi tota, ọ na na erhunmwu wẹẹ, “E Nọyaẹnmwa ne Udazi, mẹ kevbe ẹgbẹe mwẹ, ne ọ sẹe ne ọ kere ne a ru emwi ne u he ka ru mẹ hia na, sẹẹ hia,

Job 17:9

Iran ni khare wẹ adazẹ iran khin, wa dọlegbe rhie ye ekhọe wẹ iran rri asẹ.

Job 8:7

Avbe emwi ne ọ wi ruẹ hia, ma zẹdẹ sẹ ne a gha ya giẹ, emwi ne Osanobua gha viọ ne uẹn ẹghẹ nii.

Psalm 16:2

Mẹ tama Nọyaẹnmwa wẹẹ, “wẹ ọrọre Nọyaẹnmwa, ehe ne u ye, ọre ọma ne I mwẹ hia ke rre.”

Psalm 18:35

Nọyaẹnmwa, wẹ ọ re ọ degue mwẹ u na vbe miẹn mwẹ fan vbe u ya gbe aro ghe mwẹ ya mwẹ khian nọkhua. Ẹtin ruẹn ya mwẹ gha rrọọ vbe ai mwẹ ẹbe.

Psalm 61:7

Gi ẹe gha khaemwisẹ vbe Siria ruẹ ẹdẹdẹmwẹdẹ. Osanobua ya iho ruẹ ne ẹ i beghe, kevbe aguobọmwa ruẹn degue ẹre.

Psalm 8:5

Sevba, wẹ yi ẹe ne a miẹn wẹ, wẹ ọkpa kẹkan ọre ọ sẹẹ ọre; wẹ keghi ye uyi kevbe ọghọ rhuẹ ọre ẹde.

Psalm 84:7

Vbene iran ya nana sikẹ odaro, erriọ orhiọn ya la iran iwu. Iran gha miẹn Osanobua, ne ọ yan avbe osa hia, vbe uhunmwu e Zaiọn.

Psalm 85:10

Ahoẹmwọmwa kevbe aguobọ egbe gha miegbe, ẹmwata kevbe ọfumwegbe gha mu egbe dede.

Itan 4:18

Odẹ ne ọmwa esi la khian, te ọ yevbe ovẹn nẹ o da yan rre, uwanmwẹ ọnrẹn ghi gha mu otọe yọ rhinrin ọ te do sẹ ẹghẹ ogiavan.

Aizaia 6:5

Mẹ keghi kha wẹẹ, “I wiri! Ọghomwẹ fo nẹ, rhunmwuda ẹmwẹ ne ọ rhirhi ke akhuarhamwunu mwẹ ladian, orukhọ nọ, uwu ẹbu emwa ne ẹmwẹ ne iran guan hia wa vbe re orukhọ ọ re I ye. Sevba, mẹ keghi ye aro mwẹ bẹghe Ọba, e Nọyaẹnmwa ne Oghodua.”

Aizaia 63:7

I gha na iyẹn ahoẹmwọmwa e Nọyaẹnmwa ne ẹ i fira. I rho ẹre ye iwinnaa ne ọ winna ne ima Ọ fiangbe ivbi Izrẹl ẹsẹse. Rhunmwuda itohan kevbe ahoẹmwọmwa ne ẹ i beghe.

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Iyẹn ne ọ Maan Ọghe Luk 17:10

Erriọ ọre ọghe uwa ye. Wa ghẹ ghi ru emwi ne a wẹ ne uwa ru hia nẹ, wa ghi kha wẹẹ, ‘Ọguọmwadia ma khin, iwinna ne ọ kan ima ọre ima winnaẹn!’ ”

Iyẹn ne ọ Maan Ọghe Luk 5:8

Ugbẹn vbe Saimọn Pita ghi miẹn emwi ne ọ sunu, ọ fan fi igue vbe odaro Jesu, ọ wẹẹ, “Kpao vbe ehe ne imẹ ye rre Nọyaẹnmwa rhunmwuda ọmwa orukhọ mẹ khin!”

II Kọrinti 12:11

Te I ghi ru emwi vbe akpa, sokpan wa ọre ọ si ẹe yọmwẹ egbe. Wa ọre ọ te kei ne ọ gha so igie ye ẹmwẹ ne egbe mwẹ. Rhunmwuda, gie a kha I gele zẹdẹ mwẹ esa ne I ye, emwi ne avbe “Ogiete” ukọ uwa ni ya sẹmwẹ ẹ i rrọ.

Diuteronomi 8:18

Wa yerre wẹ e Nọyaẹnmwa Osanobua rua, ọ re ọ rhie ẹtin ne uwa do ya fe. Ọ ru ọna rhunmwuda, ọ ho ne ọ mu ile ne ọ gu avbe erha uwa odede ta sẹ. Te irẹn wa rhie ile ni mwẹ do sẹ ẹdẹnẹrẹ na.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”