Gẹnẹsis 31:53 - Edo Bible (E Baibol Ẹdo) Version 1996

⁵³ Osanobua Ebraham kevbe Osanobua e Nahọ gha bu ohiẹn imẹ vbe ruẹ.” E Jekọb keghi ya eni Osanobua ne erha ee ighẹ Aizik ga, yan eyan wẹẹ rẹn gha rhie uhi nii mwẹ.

Gẹnẹsis 31:53 ပူးပေါင်းရင်းမြစ်များ

Gẹnẹsis 11:31

Tẹra keghi rhie ovbi ẹre ighẹ Ebram, eyẹ ọre ighẹ Lọt ne ọ gha re ovbi e Haran, kevbe Serai ne amwẹ ovbi ẹre, amwẹ Ebram, ọ keghi viọ iran baegbe kpao vbe ẹvbo Ọọ ne ọ rre Babilonia rre, ne ọ gha rrie otọ Kenan. Iran khian sẹ Haran, ehe ne iran na mudia yin ẹnrẹn.

Gẹnẹsis 14:22

Sokpan Ebram keghi wanniẹn wẹẹ, “Ekhọekekhọe ọre i wa ya vẹn ihẹn vbe odaro Nọyaẹnmwa Osanobua Nọyosẹ, ọmwa ne ọ yii ẹrinmwi kevbe agbọn.

Gẹnẹsis 16:5

Serai keghi tama Ebram wẹẹ, “Wẹ ọ siẹe ne Hega na zan mwẹ na. Mẹ ọre ọ tobọ mwẹ rhie ọviẹn mwẹ nuẹn, ke ne ọ ghi ya miẹn we rẹn hanmwa gha dee, te ọ ghi zan mwẹ. E Nọyaẹnmwa ọre ọ ghi bu ase ne nọ rri ase vbe uwe ima!”

Gẹnẹsis 17:7

“I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

Gẹnẹsis 28:13

Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

Gẹnẹsis 31:42

Akpawẹ ẹ i re ne Osanobua avbe erhamwẹ, Osanobua Ebraham, Osanobua ne Aizik gae, na ya ba mwẹ, u gha we mwẹ fiabọ gha rrie nẹ. Sokpan Osanobua bẹghe ọlọghọmwa ne I ye kevbe ẹsọn ne I he miẹn, ọ re a na miẹn wẹẹ vbe nasọn ọ keghi bu ohiẹn.”

Gẹnẹsis 31:52

Okuta na kevbe avbe okuta ne a si gbo, ne a ya zẹ ayere nọ. Mẹ i ra gberra okuta na do guẹ gbinna, wẹ i ra vbe gberra ẹre ighẹ okuta ayere na do gun mwẹ gbinna.

Gẹnẹsis 47:31

E Jekọb keghi kha wẹẹ, “Yan ma mwẹ wẹ u gha ruẹe.” E Josẹf keghi yan eyan nii, ere Jekọb na kpọnmwẹ vbe uhunmwu ukpo ẹre vbe evba.

Ẹksọdọs 3:6

Ọ keghi tama rẹn, “Mẹ ọrọre Osanobua erha a, Osanobua ọghe Ebraham, Osanobua ọghe Aizik, kevbe Osanobua ọghe Jekọb.” E Mosis keghi mu emwi rhu aro rhunmwuda ohan ma gi ẹe ẹre ghe Osanobua.

Ẹksọdọs 5:21

Iran keghi tama e Mosis kevbe Errọn wẹẹ, “Te Osanobua gha bẹghe emwi ne uwa ru, ne ọ rria uwa ikhi ne uwa na gie ọba kevbe emwa iwinna do gha mu ohu ima, te uwa gie iran miẹn ehe la la ima egbe na, ne iran gha gbele ima an.”

Diuteronomi 6:13

E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Jọsua 24:2

E Jọsua keghi tama emwa nii hia wẹẹ, “Ẹmwẹ ne e Nọyaẹnmwa ne Osanobua Izrẹl ra ta ọ re ọna khin. Vbe ẹghẹ ne ọ kpẹre ne ọ gberra, avbe erha uwa odede kegha rre obọ nọkpa ọghe Ẹzẹ Yufretes, iran kegha gho avbe ẹbọ ọvbehe. Ọkpa vbe nene avbe erha uwa odede kegha re Tẹra ne ọ re erha Ebraham kevbe Nahọ.

Giọgis 11:27

Ẹn o, I ma mwẹ emwi ne I ruẹ re. Emwi dan u ya ẹe ru ne u na mu okuo gun mwẹ. E Nọyaẹnmwa ọ re ọ ra bu ohiẹn. Ọ gha bu ohiẹn ivbi Izrẹl kevbe ivbi Amọn ẹre na.”

I Samuẹl 20:23

Zẹ vbe eyan ne ima yan ma egbe, e Nọyaẹnmwa gha ru ẹe ne ima sẹtin muẹn sẹ rhinrin ẹdẹ.”

I Samuẹl 24:12

E Nọyaẹnmwa ọ re ọ ghi bu ohiẹn ne ọ diyi vbe imẹ vbe ruẹ. Te ọ gha rria ruẹ ikhi ye emwi ne u ru mwẹ re na, rhunmwuda, mẹ i ra ya obọ mwẹ kan ruẹn hiehiere.