Gẹnẹsis 31:42 - Edo Bible (E Baibol Ẹdo) Version 1996

⁴² Akpawẹ ẹ i re ne Osanobua avbe erhamwẹ, Osanobua Ebraham, Osanobua ne Aizik gae, na ya ba mwẹ, u gha we mwẹ fiabọ gha rrie nẹ. Sokpan Osanobua bẹghe ọlọghọmwa ne I ye kevbe ẹsọn ne I he miẹn, ọ re a na miẹn wẹẹ vbe nasọn ọ keghi bu ohiẹn.”

Gẹnẹsis 31:42 ပူးပေါင်းရင်းမြစ်များ

Gẹnẹsis 11:5

E Nọyaẹnmwa keghi tuorre do ghe nene ẹvbo kevbe ogogoro ne emwa nii bọe,

Gẹnẹsis 16:11

Ọmọ okpia u ra biẹ na, u gha he ẹnrẹn Ismẹl rhunmwuda Nọyaẹnmwa họn eve ọlọghọmwa ruẹn.

Gẹnẹsis 16:13

E Hega keghi nọ egbe ẹre ọta wẹẹ, “Te imẹ gele bẹghe Nọyaẹnmwa I na ye gha rre agbọn ne I ya na iyẹn ra?” Ẹre ọ na ghi tie eni Nọyaẹnmwa ne ọ gu ẹe guan vbenian, “Osanobua ne ọ bẹghe.”

Gẹnẹsis 27:33

Aizik keghi suẹn gha guọ, egbe ẹre hia kegha mu rueghe zẹzẹzẹ, ọ keghi nọ wẹẹ, “De ọmwa ne ọ gbe emiowo mu gunmwẹ yi? Te I da rriọe fo vbe uwẹ la owa, I rhie afiangbe ọghe okiekie mwẹ nẹẹn nẹ, ọghọe khian gha nọ ẹdẹdẹmwẹdẹ.”

Gẹnẹsis 29:32

E Lia keghi hanmwa, ọ na biẹ ọmọ okpia ọ keghi kha wẹẹ, “E Nọyaẹnmwa rẹn ọlọghọmwa ne I mwẹ, te ọdọ mwẹ ghẹ ghi ho ẹmwẹ mwẹ nian”; ọ keghi he ẹre Riubẹn.

Gẹnẹsis 31:12

Rẹn keghi kha wẹẹ, ‘Ghe, avbe ovbukhọ ni mu hia kegha re ni gbẹnnẹ, ni hannigho kevbe ni mwẹ egbe ughughan. Mẹ ọ ruẹe vberriọ rhunmwuda I miẹn emwi ne Leban ruẹ re.

Gẹnẹsis 31:24

Vbe asọn nii, Osanobua keghi bu e Leban gha dee vbe imina, ọ khama rẹn wẹẹ, “Ghẹ ru emwi rhọkpa ne ọ gha kpokpo e Jekọb orhiọn.”

Gẹnẹsis 31:29

I wa mwẹ ẹtin ne I ya ruẹ emwi nian sokpan, vbe nasọn, Osanobua erhaa keghi tama mwẹ wẹẹ, ‘Ghẹ ru emwi rhọkpa ne ọ gha mu e Jekọb orhiọn rueghe hiehie.’

Gẹnẹsis 31:5

Ọ keghi tama iran wẹẹ, “I do miẹn wẹẹ ẹ i re aro ne erha uwa te ka ya ghe mwẹ de usin, ọ re ọ ghi ya ghe mwẹ na. Sokpan Osanobua avbe erhamwẹ ọre ọ mudia mẹ.

Gẹnẹsis 31:53

Osanobua Ebraham kevbe Osanobua e Nahọ gha bu ohiẹn imẹ vbe ruẹ.” E Jekọb keghi ya eni Osanobua ne erha ee ighẹ Aizik ga, yan eyan wẹẹ rẹn gha rhie uhi nii mwẹ.

Gẹnẹsis 32:9

Ẹre Jekọb na na erhunmwu wẹẹ, “Osanobua Ebraham ne erhamwẹ odede kevbe ọghe Aizik ne erhamwẹ, u ghi danmwehọ mwẹ, wẹ ọ re ọ tama mwẹ Nọyaẹnmwa wẹẹ, ‘Ne I werriegbe gha rrie ẹvbo mwẹ ne I vbe bu avbe etẹn mwẹ, wẹẹ u gha ruẹe ne emwi hia gha ma mẹ.’

Gẹnẹsis 35:3

Ma ra kpao vbe emwa gha rrie Bẹtẹl, ehe ne I gha na gba aka ne Osanobua ne ọ yọmwẹ obọ vbe ẹghẹ ọlọghọmwa mwẹ, kevbe ne ọ vbe yaba mwẹ vbe eheikehe ni I he la.”

Gẹnẹsis 46:1

E Jekọb keghi koko emwi ne ọ mwẹ hia, ọ na gha rrie Biẹsiẹba, ọ na ya zọ ese gha Osanobua ọghe Aizik ne erhae.

I Krọnikol 12:17

E Devid keghi bu iran gha khian, ọ tama iran wẹẹ, “A dẹghe te uwa rre zẹ vbe ọse ne uwa do yọmwẹ obọ, I miẹn uwa yi, wa deba ima! Sokpan, dẹghe te uwa mwẹ ọnrẹn vbe ekhọe ne uwa do rhie mwẹ yan eghian mwẹ obọ, egbe ne a rhe ya miẹn wẹ I ma ru uwa emwirhọkpa, Osanobua avbe erha mwẹ odede gha rẹn, ọ ghi rria uwa ikhi.”

Psalm 31:7

I gha sẹ ọyẹnmwẹ, I ghi vbe gha ghọghọ rhunmwuda ahoẹmwọmwa ruẹn ne ẹi beghe. U miẹn oya ne I re, u rẹn ọlọghọmwa mwẹ.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Aizaia 8:13

Yerre wẹ mẹ ne Nọyaẹnmwa ne Udazi, ọmwa nọhuanrẹn ọ re imẹ khin, mẹ okpa kẹkan ọ re uwẹ gha a mu ohan rẹn.

Daniẹl 2:23

I rho ruẹ, I ya ọghọ nuẹn Osanobua enikaro mwẹ u rhie ẹwaẹn kevbe ẹtin mẹ nẹ u họn erhunmwu mwẹ nẹ u na vbe tama ima, emwi ne a gha tama ọba.”

Diuteronomi 15:13

U gha vbe faẹn fua, ghẹ gie ẹe fiabọ gha rrie.

Ebe ne Jud gbẹẹn 1:9

Maikẹl ne olotu avbe odibo Osa ne a rẹn egbe, ma ru emwi vberriọ. Ẹghẹ ne ẹzọ na sunu ne irẹn vbe Setan, vbe iran muan ẹmwẹ ye ọmwa ne ọ gha mu ikun e Mosis, ohan ma gie Maikẹl ya ihẹn yan Setan ya bu ohiẹn gbẹe, sokpan ọ keghi kha wẹ, “Nọyaẹnmwa ọre ikọ uẹ.”