Gẹnẹsis 31:38 - Edo Bible (E Baibol Ẹdo) Version 1996

³⁸ Nẹkpugie ọre I kegha guẹ, ke ohuan kevbe ẹwe ruẹ, ne ọ dobọ ubiẹmwẹ yi, ẹ i rrọọ. I ma vbe gbe ogho re vbe oghẹn ohuan ruẹn.

Gẹnẹsis 31:38 ပူးပေါင်းရင်းမြစ်များ

Gẹnẹsis 30:27

E Leban keghi tama rẹn wẹẹ, “Gun mwẹ tama ruẹn, I ghe emwi yọ, I keghi miẹn wẹ rhunmwuda ruẹ ọre Nọyaẹnmwa na fiangbe mwẹ.

Gẹnẹsis 30:29

E Jekọb keghi wanniẹn wẹẹ, “U rẹn vbene I winna nuẹn hẹ kevbe vbene ohuan ruẹn do muan yọ hẹ vbe obọ mwẹ.

Gẹnẹsis 30:30

Ekherhe ne u te mwẹ vbe I te rre keghi do khian ọrhẹnrhẹn, e Nọyaẹnmwa keghi rhunmwuda mwẹ fiangbuẹ vbe ehe ne I rhirhi a yo. Eban nian, ọ sẹe ne I gha ru Ọghe ne egbe mwẹ.”

Gẹnẹsis 31:10

“Vbe ẹghẹ ne emwirri ya mu, I keghi mina miẹn ọẹn wẹẹ avbe ovbukhọ ni mu iran kegha re ni gbẹnnẹ, ni hannigho kevbe ni mwẹ egbe ughughan.

Gẹnẹsis 31:37

Vbene u ghi na zanzan emwi ne I mwẹ nẹ nian, de emwi obọ ruẹ ne u ghi miẹn vbọ? Viọ ehia ladian vbe emwa na ne emwa ruẹn kevbe emwa mwẹ sẹtin bẹghe ẹre, ne iran miẹn ehe na bu ase ne ne ọ rria ase.

Gẹnẹsis 31:39

Aranmwẹ akọn gha gbe ohuan ruẹn re, I ma vbe mu ikun ẹnrẹn guẹ ne I ya rhie ma wẹẹ ẹ i re ẹmwẹ mwẹ, I ghi tobọ mwẹ miẹn yegbe. Emwi ne a do hẹ vbe avan ra vbe asọn, u na wẹẹ ne I mu ehia hae.

Ẹksọdọs 23:26

Egbe i ra gu okhuo ro vbe ẹvbo uwa, a i ra vbe miẹn agan vbọ. I gha rhie ẹdagbọn ne ọ taẹn ne uwa.

Diuteronomi 28:4

“E Nọyaẹnmwa gha fiangbe uwa ẹsẹse vbe egbe emọ ni bun, vbe egbe emwiokọ, vbe egbe ẹmila kevbe egbe ohuan.