Gẹnẹsis 31:36 - Edo Bible (E Baibol Ẹdo) Version 1996

³⁶ Ẹghẹ nii, ohu na kparhu e Jekọb aro, ọ na ye ohu gu e Leban guan, “De a i ghẹru ne I ru? De uhi ne I rra re ne u rhie owẹ yan gha ru ọbafi mwẹ dee?

Gẹnẹsis 31:36 ပူးပေါင်းရင်းမြစ်များ

Gẹnẹsis 30:2

Ohu e Rekiẹl keghi mu e Jekọb, ọ na wẹẹ, “Mẹ ira sẹtin mudia ye ihe Osanobua. Rẹn ọre ọ ma guẹ biẹ.”

Gẹnẹsis 31:35

E Rekiẹl keghi tama erhae wẹẹ, “Lahọ ghẹ gun mwẹ gui wẹẹ I ma kpaegbe nuẹn, rhunmwuda te I mu obọ mwẹ.” E Leban keghi gualọe sokpan ọ ma miẹn avbe ukhurhẹ ọre.

Gẹnẹsis 31:37

Vbene u ghi na zanzan emwi ne I mwẹ nẹ nian, de emwi obọ ruẹ ne u ghi miẹn vbọ? Viọ ehia ladian vbe emwa na ne emwa ruẹn kevbe emwa mwẹ sẹtin bẹghe ẹre, ne iran miẹn ehe na bu ase ne ne ọ rria ase.

Gẹnẹsis 34:7

vbe uwu ẹghẹ ne ivbiẹre na ke uwu oha rre zẹẹ. Ugbẹn vbe iran họn ẹmwẹ na, udu iran si vbọ, ohu ke mu iran ẹsẹse wẹ Siẹkẹm ru emwi ohan vberriọ, ọ na fi unu gie ivbi Izrẹl hia vbekpa ne ọ na ya ẹtin gu ovbi e Jekọb ru emwi.

Gẹnẹsis 49:7

I hẹn nọ ne ohu ne ọ mu iran rhunmwuda ọ wegbe gbe, ke vbene okuosu iran, rhunmwuda ọ kan gbe. I gha zagha iran la otọ e Jekọb hia I gha duẹ iran an ye uwu ivbi Izrẹl.

II Ọba 13:19

Ọna keghi ya ohu mu Elaisia, ọ keghi tama ọba wẹẹ, “Igba isẹn ra ehan ọre ọ te kei ne u kinmwi ẹẹn, erriọ obọ ruẹ gha na wa ke ukhunmwu ne ivbi e Siria fo fẹẹrẹ, sokpan, vbene ọ ghi ye na nian, igba eha kẹkan ọre obọ ruẹ ra ke ukhunmwu ne iran.”

II Ọba 5:11

Sokpan, e Naaman keghi guọnmwẹ egbe kpao, ọ wẹẹ, “Mẹ te ro wẹ ọ gha ladian, ọ ghi na erhunmwu ghe Osanobua ẹre, ọ ghi ye obọ kan mwẹ ehe ne ọ ye vbe egbe mwẹ, ọ ghi sinmwi mwẹ.

Itan 28:1

Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

Nọmbas 16:15

Ohu keghi mu e Mosis, ọ na tama e Nọyaẹnmwa wẹẹ, “Ghẹ rhan obọ miẹn izẹ ọhẹ rhọkpa ne iran na viọ rre. Ne I ru ẹre emwi rhọkpa irrọ vbe uwu iran, I ma vbe mu vbe uwu avbe ekẹtẹkẹtẹ iran.”

Nọmbas 20:3

Iran na gha gui wẹẹ, “Akpawẹ te ima wa wulo lele ivbi Izrẹl ne ihomwa vbe odaro Owa Ukpọn Ile ọghe Nọyaẹnmwa ọre ọ gha te wa maa sẹẹ.

Iyẹn ne ọ Maan Ọghe Mak 3:5

Ohu keghi mu Jesu vbe ọ wa ghe iran lẹga sokpan ọ keghi vbe dae ẹsẹse ne iran rhunmwuda iran ba odẹ ku, iran keghi vbe ze vbe ẹkoko udu rhunmwuda ọnii rẹn tama ọmwa ne obọ ọre sikuẹn ni wẹ, “Niẹn obọ ua.” Rẹn keghi nien rẹn, ọ na do gha maa.

Ẹfisọs 4:26

Deghẹ ohu muẹn, ghẹ gie ohu ne ọ muẹn ya a ru orukhọ, ghẹ vbe mu ohu la ẹdẹ hoho.

I Samuẹl 20:32

E Jonatan keghi wanniẹn wẹẹ, “Vbọzẹ ne ọ gha na wu yi? De emwi ne ọ ru?”