Gẹnẹsis 31:35 - Edo Bible (E Baibol Ẹdo) Version 1996

³⁵ E Rekiẹl keghi tama erhae wẹẹ, “Lahọ ghẹ gun mwẹ gui wẹẹ I ma kpaegbe nuẹn, rhunmwuda te I mu obọ mwẹ.” E Leban keghi gualọe sokpan ọ ma miẹn avbe ukhurhẹ ọre.

Gẹnẹsis 31:35 ပူးပေါင်းရင်းမြစ်များ

Gẹnẹsis 31:19

E Leban kpao gha rrie ehe ne ọ na gbẹn avbe ohuan rẹn eto, vbe iyeke ẹre, e Rekiẹl keghi do avbe ukhurhẹ ọghe erha ẹe hẹ.

Gẹnẹsis 31:34

E Rekiẹl viọ avbe nene ukhurhẹ, ọ keghi viọ iran lẹre ye ẹkpo ne ọ rre emwi ne a ya hin ekẹtẹkẹtẹ, ọ na tota yan iran. E Leban keghi gualọ owa nii hia sokpan ọ ma miẹn iran.

Gẹnẹsis 31:36

Ẹghẹ nii, ohu na kparhu e Jekọb aro, ọ na ye ohu gu e Leban guan, “De a i ghẹru ne I ru? De uhi ne I rra re ne u rhie owẹ yan gha ru ọbafi mwẹ dee?

I Ọba 2:19

Ẹre Batsiẹba na bu ọba ne ọ ya gu ẹe guan ne Adonaija. Ọba keghi gua kpao ne ọ tue iye ẹe, ọ kevbe vbokho uhunmwu rriotọ ne ẹẹn. Ọ keghi tota ye ẹkete ẹre ọ na wẹ ne iran mu ẹkete ọvbehe rre ne ọ tota yọ diake irẹn vbe obọ erha ọmwa.

Ẹksọdọs 20:12

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

Levitikọs 15:19

Okhuo gha mu obọ mwẹ, ọ ghi khian ne awua gue la ikpẹdẹ ihinrọn. Ọmwa ne ọ rhirhi ya obọ kan rẹn, awua guẹe rhinrin yasẹ ota.

Levitikọs 19:3

Dọmwadẹ ọghọe ghi gha ya ọghọ ne erha ẹe kevbe iye ẹe, wa ghi vbe gha ru avbe ugamwẹ Ẹdẹ Ikẹtin zẹ vbene I khare. Mẹ ọre Nọyaẹnmwa Osanobua uwa.

Levitikọs 19:32

“Wa gha daa ne avbe ọmaẹn, gha ya ọghọ ne iran, rhunmwuda ighẹ wa mu ohan mwẹ. Mẹ ọ re Nọyaẹnmwa.

Ẹfisọs 6:1

Wa ne emọ, iwinna uwa nọ, zẹ vbe ivbi iyayi Kristi, ne uwa gha họn ẹmwẹ ne evbibiẹ uwa, rhunmwuda, ọna ọre emwi ne ọ kere ne uwa ru.

I Pita 2:18

Wa ne eguọmwadia, wa gha gbe uhunmwu ke otọ ne iran ne arowa uwa, wa ghi wa gha ya ọghọ ne iran, ẹ i re iran ni fu ni mu ẹmwẹ ọmwa ro ọkpa, sokpan kevbe iran ni khọ ba ẹre.

I Pita 3:6

Erriọ Sera gha ye, te ọ gha họn ẹmwẹ ne ọdọ ẹre, ọ re ọ na gha tie ẹre “Enaẹmwẹ.” Wanwanna nian, ivbi ẹre ne ikhuo ọre uwa khin, a deghẹ wẹ yin ẹse, ighẹ wa ma vbe mu ohan emwi rhọkpa.