Gẹnẹsis 31:29 - Edo Bible (E Baibol Ẹdo) Version 1996

²⁹ I wa mwẹ ẹtin ne I ya ruẹ emwi nian sokpan, vbe nasọn, Osanobua erhaa keghi tama mwẹ wẹẹ, ‘Ghẹ ru emwi rhọkpa ne ọ gha mu e Jekọb orhiọn rueghe hiehie.’

Gẹnẹsis 31:29 ပူးပေါင်းရင်းမြစ်များ

Gẹnẹsis 24:50

E Leban kevbe Bẹtuẹl keghi wanniẹn wẹẹ, “Ugbẹn vbe a miẹn wẹẹ obọ e Nọyaẹnmwa ọre emwi na la rre, ẹ i re ima ọ gha ta emwi ne a gha ru.

Gẹnẹsis 28:13

Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

Gẹnẹsis 31:24

Vbe asọn nii, Osanobua keghi bu e Leban gha dee vbe imina, ọ khama rẹn wẹẹ, “Ghẹ ru emwi rhọkpa ne ọ gha kpokpo e Jekọb orhiọn.”

Gẹnẹsis 31:42

Akpawẹ ẹ i re ne Osanobua avbe erhamwẹ, Osanobua Ebraham, Osanobua ne Aizik gae, na ya ba mwẹ, u gha we mwẹ fiabọ gha rrie nẹ. Sokpan Osanobua bẹghe ọlọghọmwa ne I ye kevbe ẹsọn ne I he miẹn, ọ re a na miẹn wẹẹ vbe nasọn ọ keghi bu ohiẹn.”

Gẹnẹsis 31:5

Ọ keghi tama iran wẹẹ, “I do miẹn wẹẹ ẹ i re aro ne erha uwa te ka ya ghe mwẹ de usin, ọ re ọ ghi ya ghe mwẹ na. Sokpan Osanobua avbe erhamwẹ ọre ọ mudia mẹ.

Gẹnẹsis 31:53

Osanobua Ebraham kevbe Osanobua e Nahọ gha bu ohiẹn imẹ vbe ruẹ.” E Jekọb keghi ya eni Osanobua ne erha ee ighẹ Aizik ga, yan eyan wẹẹ rẹn gha rhie uhi nii mwẹ.

Gẹnẹsis 31:7

Sevba, ọ rhu mwẹ re, ọ na fi igho ne ọ hae mẹ yo fi ẹe rre igba igbe. Sokpan Osanobua ma gie obọ ẹre gba mwẹ.

II Samuẹl 13:22

Absalọm ma vbe rhan unu ta ẹmwẹ ọkpa ma Amnọn. Ohu ẹre kegha mu Absalọm rhunmwuda, ọ ya ẹtin vbe iwegbe gu e Tama ne ovbiye ẹe ru emwi ọdọ vbe amwẹ.

II Ọba 19:10

Ne ọ ya tama rẹn wẹẹ, “Osanobua ne u mu ẹtin yan tama ruẹn nẹ wẹ obọ mwẹ i ra gba ruẹ, ghẹ gie ẹmwẹ na rẹrẹ uẹ o o.

Psalm 52:1

Okpọmwa, vbọzẹ ne u na ya emwi dan rhuọ yi? Aho ẹmwẹ ọmwa Osanobua; etẹbitẹ nọ.

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Daniẹl 6:20

Ọ ghi sẹ evba nii, ọ keghi ye udu ne ọ ha ọka da tu wẹẹ, “E Daniẹl ọguọmwadia Osanobua ne ọ rrọọ. Osanobua nii ne u ya ekhọe hia gha sẹtin miẹn ruẹn fan vbe obọ avbe oduma ra?”

Daniẹl 6:26

I yii ẹre iyi wẹ la ehe ne otọ arriọba mwẹ sẹe, ehe ne ọ rhanmwẹ, o kere ne emwa hia gha mu ohan ne a vbe gha ya ọghọ ne Osanobua e Daniẹl. “Osanobua ne ọ rrọọ nọ, te ọ khian gha khaemwisẹ ẹdẹdẹmwẹdẹ. A i sẹtin fuẹn arriọba ẹre ẹdẹdẹmwẹdẹ, ẹtin ẹnrẹn i vbe sẹ ufomwẹ ẹdẹdẹmwẹdẹ.

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.

Iwinna 9:5

Rẹn keghi nọọn wẹ, “Gha nọ yi Nọyaẹnmwa?” Urhu nii keghi wanniẹn wẹẹ, “Mẹ ne Jesu ne u zọ ẹre owẹ nọ.