Gẹnẹsis 31:27 - Edo Bible (E Baibol Ẹdo) Version 1996

²⁷ Vbua na rẹrẹ mwẹ hẹẹ, ne u na vin fua vbe ne a ma na tama mwẹ? Akpawẹ te u tama mwẹ, te I gha ya oghọghọ vbe ihuan suẹ sẹ odẹ ba ukusẹ kevbe akpata.

Gẹnẹsis 31:27 ပူးပေါင်းရင်းမြစ်များ

Gẹnẹsis 31:26

E Leban keghi khama e Jekọb wẹẹ, “Vbua na rẹrẹ mwẹ hẹ yi ne u na silo ivbimwẹ gha rrie vbe ne a silo ikhuo ne a munọ ẹn vbe okuo rrie?

Gẹnẹsis 31:31

Jekọb keghi wanniẹn wẹẹ, “Ohan Ọ re ọ mu mwẹ wẹẹ u gha miẹn mwẹ ivbuẹ nikhuo.

Gẹnẹsis 4:21

A kegha tie eni ọtiọnrẹn Jubal ne ọre erha odede ọghe avbe iran ne ikpezikẹn hia ni kpe akpata ke ẹrere.

Ẹksọdọs 15:20

E Miriam ne akhasẹ ne okhuo, ọtẹn Errọn ne okhuo keghi rhie ukusẹ, avbe ikhuo na vẹ lele ẹe gha kpe isẹ khian, iran kevbe gha kuu.

Aizaia 5:12

Wa ghi viọ akpata, ẹrogbo kevbe okpe kevbe ayọn ye ehe ne uwa na gbe ẹbu rri evbare, sokpan wa ma rẹn otọe emwi ne Nọyaẹnmwa ru,

Giọgis 6:27

E Gidiọn keghi viọ igbe vbe uwu avbe eguọmwadia irẹn, ọ na ya ru zẹ vbene e Nọyaẹnmwa tama rẹn. Ohan ẹgbẹe irẹn ke ẹe kevbe emwa ni rre ẹvbo ma gie ẹe ru ẹe vbe avan, ọ keghi ya ru ẹe vbe asọn.