Gẹnẹsis 31:26 - Edo Bible (E Baibol Ẹdo) Version 1996

²⁶ E Leban keghi khama e Jekọb wẹẹ, “Vbua na rẹrẹ mwẹ hẹ yi ne u na silo ivbimwẹ gha rrie vbe ne a silo ikhuo ne a munọ ẹn vbe okuo rrie?

Gẹnẹsis 31:26 ပူးပေါင်းရင်းမြစ်များ

Gẹnẹsis 12:18

Ẹghẹ nii, ọba keghi gie ne a tie Ebram, ọ nọ rẹn wẹẹ, “U miẹn emwi ne u si yọ mwẹ egbe, vbọzẹ ne u ma na tama mwẹ wẹ amwọn nọ?

Gẹnẹsis 2:24

Ọna ọre ọ zẹe ne okpia gha na sẹ erha ẹe kevbe iye ẹe rae, ọ ghi rhikhan mu amwẹ ọnrẹn, iran ghi gha re ọkpa.

Gẹnẹsis 26:10

Abimẹlẹk keghi kha wẹẹ, “Vbe ọna khun emwi ne u ru ima re na? A deghẹ a miẹn emwa mwẹ eso ni gu ọvbokhan ru emwi, uwẹ ọ re ọ gha do ye ima rri abe.”

Gẹnẹsis 29:25

Ẹdẹ ghi gbe nẹ e Jekọb keghi do rẹn wẹ e Lia nọ. Rẹn keghi bu e Leban gha khian, ọ tama rẹn wẹẹ, “Vbua na ru mwẹ vberriọ hẹ yi? E Rekiẹl ọre I ga yi. Vbua na fi mwẹ hẹ.”

Gẹnẹsis 3:13

E Nọyaẹnmwa Osanobua keghi nọ okhuo nii wẹẹ, “Vbọzẹ ne u na ru emwi na yi?” Rẹn ke wanniẹn wẹẹ, “Ẹyẹn ọre ọ rẹrẹ mwẹ rriọe.”

Gẹnẹsis 31:16

Ẹfe hia ne Osanobua miẹn erha ima re, ọghe ima nọ, ọghe ivbima nọ. Ru emwi ne Osanobua a rhirhi tama ruẹn.”

Gẹnẹsis 31:25

E Leban keghi bu agọ ọghọe ye oke Giliad.

Gẹnẹsis 31:27

Vbua na rẹrẹ mwẹ hẹẹ, ne u na vin fua vbe ne a ma na tama mwẹ? Akpawẹ te u tama mwẹ, te I gha ya oghọghọ vbe ihuan suẹ sẹ odẹ ba ukusẹ kevbe akpata.

Gẹnẹsis 31:36

Ẹghẹ nii, ohu na kparhu e Jekọb aro, ọ na ye ohu gu e Leban guan, “De a i ghẹru ne I ru? De uhi ne I rra re ne u rhie owẹ yan gha ru ọbafi mwẹ dee?

Gẹnẹsis 34:29

Iran keghi viọ ẹfe ni rrọọ hia. Iran na munọ ikhuo kevbe ibiẹka, iran na viọ emwi hia ni rre iran owa gha rrie.

Gẹnẹsis 4:10

E Nọyaẹnmwa ke kha wẹẹ, “Vbọzẹ ne u na ru emwi ne ọ muohan na yi? Esagiẹn ọtuẹn wa tu ma mwẹ ke uwe otọ gha dee zẹ vbe urhu ne ọ ho ne a rria ikhi.

Iyẹn ne ọ Maan Ọghe Jọn 18:35

Pailet wanniẹn wẹẹ, “Te uwẹ wẹ Ju mẹ khin ra, avbe emwa ruẹn kevbe avbe igie ohẹn ọre ọ mu ẹn gun mwẹ, vbe u a ru?”

Jọsua 7:19

Ẹre Jọsua na tama Ekani wẹẹ, “Ovbi mwẹ, ta ẹmwata vbe emwa na, vbe odaro e Nọyaẹnmwa Osanobua Izrẹl ne u miẹn kue. Banbanna nian, tama mwẹ emwi ne u ru. Ghẹ vbe wẹ ne u rhie ẹre lẹre mẹ.”

I Samuẹl 14:43

E Sọl keghi nọ e Jonatan wẹẹ, “Vbe u a ru yi?” E Jonatan keghi wanniẹn wẹẹ, “I rri owọn kherhe. Ghe mwẹ vbe emwa na, I mu egbe ne I gha ya wu.”

I Samuẹl 17:29

E Devid keghi kha wẹẹ, “Vbe i a ghi ru nian? Ne imẹ ghẹ vbe zẹdẹ nọ ọta hiehie?”

I Samuẹl 30:2

Iran keghi wa munọ ikhuo ni rrọọ hia oghunmwu. Iran ma gbe ọmwa rhọkpa, sokpan iran keghi viọ ehia kpao gha rrie.