Gẹnẹsis 31:23 - Edo Bible (E Baibol Ẹdo) Version 1996

²³ Rẹn keghi viọ emwa rẹn mwẹ obọ, ọ na ye ikpẹ ẹdẹ ihinrọn khu e Jekọb, ọ keghi ya vba ẹre vbe Giliad ne ẹvbo oke.

Gẹnẹsis 31:23 ပူးပေါင်းရင်းမြစ်များ

Gẹnẹsis 13:8

Ẹre Ebram na khama Lọt wẹẹ, “Etẹn ma khin, ọ ma kei ne emwa mwẹ kevbe emwa ruẹn gba gha gui.

Gẹnẹsis 24:27

Rẹn keghi kha wẹẹ, “Urhomwẹ nọ ne Nọyaẹnmwa, Osanobua Ebraham arowa mwẹ ne ọ wa rhie ekhọe yọ ne ọ mu eyan ne ọ yan ma arowa mwẹ sẹ. E Nọyaẹnmwa wa ma mwẹ odẹ gha die owa ọtẹn arowa mwẹ zẹẹ.”

Gẹnẹsis 31:22

Ọ ghi rre ikpẹdẹ eha, a keghi do khama e Leban wẹẹ Jekọb lẹ rrie.

Gẹnẹsis 31:24

Vbe asọn nii, Osanobua keghi bu e Leban gha dee vbe imina, ọ khama rẹn wẹẹ, “Ghẹ ru emwi rhọkpa ne ọ gha kpokpo e Jekọb orhiọn.”

Ẹksọdọs 2:11

Ọ ghi kpẹe fua kherhe vbe Mosis ghi wan nẹ, ọ keghi ladian ne ọ ya tue avbe emwa rẹn, ighẹ ivbi e Hibru, ọ ke do miẹn vbe a ya ẹtin ya iran miẹn ẹsọn. Ọ na miẹn vbe ovbi Igipt ọkpa gbe ovbi e Hibru, ọkpa vbe uwu avbe emwa irẹn rua.

Ẹksọdọs 2:13

Ẹdẹ ne ọ lele ẹe, ọ na vbe gha khian, ọ na miẹn ivbi e Hibru eva ni gu egbe iran gbinna, ọ keghi tama ne ọ ho ẹmwẹ vbọ wẹẹ, “Vbọzẹ ne u na gbe ovbi e Hibru ne ihua yi?”