Gẹnẹsis 31:19 - Edo Bible (E Baibol Ẹdo) Version 1996

¹⁹ E Leban kpao gha rrie ehe ne ọ na gbẹn avbe ohuan rẹn eto, vbe iyeke ẹre, e Rekiẹl keghi do avbe ukhurhẹ ọghe erha ẹe hẹ.

Gẹnẹsis 31:19 ပူးပေါင်းရင်းမြစ်များ

Gẹnẹsis 24:38

Sokpan u ghi gha rrie odẹ ọghe emwa erha mwẹ, avbe etẹn mwẹ ne u ya rhie okhuo ne ovbi mwẹ.’

Gẹnẹsis 31:20

E Jekọb keghi fi Leban ne ọmwa Aremia vbene ọ ma na tama rẹn wẹẹ rẹn ra kpao.

Gẹnẹsis 31:30

I rẹnrẹn wẹẹ ẹmwẹ owa ọ re ọ fian re ọ re u na kpao sokpan vbua ghi na vbe do ẹbọ mwẹ viọ hẹ?”

Gẹnẹsis 31:32

Sokpan u gha miẹn ẹbọ ruẹ vbe obọ ọmwaikọmwa vbe emwa, a ghi gbe ọmwa ni uan. Emwa ima ni rre emwa ọrọre osẹe, gualọ emwi ni re ọwuẹ ne u rhie emwi ruẹn gha khian.” E Jekọb ma rẹn wẹẹ e Rekiẹl ọ re ọ do ẹbọ e Leban hẹẹ.

Gẹnẹsis 31:34

E Rekiẹl viọ avbe nene ukhurhẹ, ọ keghi viọ iran lẹre ye ẹkpo ne ọ rre emwi ne a ya hin ekẹtẹkẹtẹ, ọ na tota yan iran. E Leban keghi gualọ owa nii hia sokpan ọ ma miẹn iran.

Gẹnẹsis 31:35

E Rekiẹl keghi tama erhae wẹẹ, “Lahọ ghẹ gun mwẹ gui wẹẹ I ma kpaegbe nuẹn, rhunmwuda te I mu obọ mwẹ.” E Leban keghi gualọe sokpan ọ ma miẹn avbe ukhurhẹ ọre.

Gẹnẹsis 35:2

Ẹre Jekọb na do khama ẹgbẹe ọre kevbe emwa ni guẹe rre evba wẹẹ, “Wa viọ ẹbọ ẹrrẹe ne uwa mwẹ kua, wa khuẹ egbe uwa huan ne uwa viọ ukpọn nihuanrẹn ye egbe.

Gẹnẹsis 38:13

Emwa eso keghi tama Tama wẹẹ, “Erha ọdafọn rrie ọghe Timna ne ọ ya gbẹn ohuan rẹn eto.”

II Samuẹl 13:23

A ghi tie ẹre ukpo eha ghi nọ, Absalọm kegha gbe eto ohuan rẹn vbe Baal Hazọ vbe ọkpẹn Ifreim, ọ keghi tie ivbi ọba hia gha di evba.

II Ọba 23:24

Ne a miẹn ehe na mu uhi e Nọyaẹnmwa ni rre ebe ne Hilkaia ne Ogie Ohẹn miẹn vbe Ọgua Osa sẹ, e Josaia keghi viọ iran hin e Jerusalẹm kevbe otọe e Juda rre ighẹ avbe iran ni miẹn ẹrinmwi, iran ni bọ, kevbe ẹbọ edọmwadẹ owa, amazẹ kevbe emwi ne iran ni ga ẹbọ ghi gho hia.

Ezikiẹl 21:21

Ọba e Babilọn mudia vbe ehe ne ọ gie odẹ ma ọmwa vbe ehe ne odẹ nọ va ada nii ye. Ne ọ miẹn ehe na rẹn odẹ ne ọ gha la ghe vbọ, ọ fieghe ifẹnmwẹ, ọ nọ avbe amazẹ ọre, ọ gbe aro kotọ ghe vbene ihẹnmwẹ aranmwẹ ne ọ ya zọ ese ye hẹ.

Hozia 3:4

Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Jọsua 24:2

E Jọsua keghi tama emwa nii hia wẹẹ, “Ẹmwẹ ne e Nọyaẹnmwa ne Osanobua Izrẹl ra ta ọ re ọna khin. Vbe ẹghẹ ne ọ kpẹre ne ọ gberra, avbe erha uwa odede kegha rre obọ nọkpa ọghe Ẹzẹ Yufretes, iran kegha gho avbe ẹbọ ọvbehe. Ọkpa vbe nene avbe erha uwa odede kegha re Tẹra ne ọ re erha Ebraham kevbe Nahọ.

Giọgis 18:31

Amazẹ ọghe Maika kegha rre evba vbe ẹghẹ hia ne Owa Ukpọn ọghe Osanobua vbe ya gha rre e Silo.

I Samuẹl 15:23

Ne a sọtẹ ọre vbe rhia vba azẹn, kevbe ne gha tọn egbe mu, te ọ vbe ye vbe orukhọ ẹbọ ne a gho. Rhunmwuda ighẹ wẹ ma rhie ẹmwẹ e nọyaẹnmwa, rẹn vbe rhie ruẹ hin ọba rre.”

I Samuẹl 19:13

Ọ keghi mu ukhurhẹ iran vbe owa nii, ọ na mu ẹẹn ye ukpo. Ọ na mu ukohunmwu ne a ya eto ẹwe ru ye odẹ uhunmwu ẹnrẹn, ọ na ya ukpọn gue ẹre.

I Samuẹl 25:2

Okpia ọkpa kegha rrọ vbe ẹwae Keleb, a keghi tie eni ẹnrẹn Nabal. Ovbi ẹvbo ne a tie ẹre Moan nọ, sokpan, ẹvbo ne a tie ẹre Kamẹl ọ re ọ na gha winna ọ keghi re ọmwa ne ọ fe ẹsẹse, ọ kegha mwẹ ohuan arriaisẹn eha (3,000) kevbe ẹwe arriaisẹn (1,000). A kegha tie ọvbokhan rẹn Abigẹl, okhuo na keghi wa mose, ẹwaẹn vbe gba ne ẹẹn, sokpan ọdafẹn ọnrẹn kegha re ọmwa oya ne egbe balọ. E Nabal keghi gia eto ohuan ẹnrẹn vbe kamẹl,