Gẹnẹsis 31:15 - Edo Bible (E Baibol Ẹdo) Version 1996

¹⁵ Ẹre aro ne a ya ghe orhunmwuyẹn ọre ọ ya ghe ima? Te ọ khiẹnnẹ ima. Eban nian, ọ vbe lo igho ne ọ miẹn vbe uhunmwu ima nẹ.

Gẹnẹsis 31:15 ပူးပေါင်းရင်းမြစ်များ

Gẹnẹsis 29:23

Sokpan, asọn ghi rre, ne ọ gha na te rhie Rekiẹl gha khian, ọ keghi rhie Lia gie Jekọb, e Jekọb keghi guẹe ru emwi. (

Gẹnẹsis 30:26

Viọ avbe ọvbokhan mwẹ mẹ ne I ga yi vbe obọ ruẹ, kevbe ivbimwẹ, ne I kpao. U rẹn vbe ne I ga ẹsẹse hẹ.”

Gẹnẹsis 31:14

E Rekiẹl kevbe Lia keghi wanniẹn tama e Jekọb wẹẹ, “Ma I mwẹ ukhu ne ima ra re vbe obọ erha mwa.

Gẹnẹsis 31:16

Ẹfe hia ne Osanobua miẹn erha ima re, ọghe ima nọ, ọghe ivbima nọ. Ru emwi ne Osanobua a rhirhi tama ruẹn.”

Gẹnẹsis 31:41

Erriọ ọre a wa duọ ee la ukpo ugie ne I gbe vbe obọ ruẹ. I ye ukpo iwenẹ ga ye ivbuẹ nikhuo eveva, ke ukpo ehan ye oghẹn ohuan ruẹn, levba sevba, te u ye fi igho ne a hae mẹ werriẹ igba igbe.

Nehimaia 5:8

I tama iran wẹẹ, “Te ima hia vbene ẹtin mwa sẹe, ne a ya gha dẹlẹ iran werriegbe ighẹ avbe Ju ni khiẹnnẹ egbe iran eviẹn ne avbe orhunmwuyẹn, wanwanna nian, te uwa ghi sua avbe etẹn uwa ne iran gha khiẹnnẹ egbe iran ne uwa ne Ju ne ihua iran.” Avbe ọkaolotu nii keghi hunwan kpọi, iran ma miẹn ẹmwẹ ta.