Gẹnẹsis 31:11 - Edo Bible (E Baibol Ẹdo) Version 1996

¹¹ Odibo Osanobua keghi tama mwẹ vbe imina wẹẹ, ‘Jekọb’ I keghi wanniẹn wẹẹ, ‘Ghe mwẹ’.

Gẹnẹsis 31:11 ပူးပေါင်းရင်းမြစ်များ

Gẹnẹsis 18:1

E Nọyaẹnmwa keghi rhiegbe ma Ebraham vbe ọkpẹn avbe erhan iruemwi ọghe Mamrẹ, Ebraham keghi tota ye onurho owa ukpọn rẹn vbe ogiavan ogioghogho,

Gẹnẹsis 18:17

E Nọyaẹnmwa keghi tae vbe ekhọe ẹre wẹẹ, “I i sẹtin rhie emwi ne I ra ru lẹre ne Ebraham.

Gẹnẹsis 22:1

Ọ ghi kpẹe fua kherhe, Osanobua keghi danmwẹ Ebraham ghe; ọ tama rẹn wẹẹ, “Ebraham!” Ebraham keghi wanniẹn wẹẹ, “Ghe mwẹ, I danmwehọ!”

Gẹnẹsis 22:11

Sokpan, odibo Nọyaẹnmwa keghi datie ẹre ke ẹrinmwi rre, “Ebraham, Ebraham!” Rẹn keghi wanniẹn wẹẹ, “Ee, ghe mwẹ mwa.”

Gẹnẹsis 22:15

Odibo Nọyaẹnmwa nii keghi tie Ebraham ukpogieva ke ẹrinmwi rre,

Gẹnẹsis 31:10

“Vbe ẹghẹ ne emwirri ya mu, I keghi mina miẹn ọẹn wẹẹ avbe ovbukhọ ni mu iran kegha re ni gbẹnnẹ, ni hannigho kevbe ni mwẹ egbe ughughan.

Gẹnẹsis 31:13

Mẹ ọrọre Osanobua ne ọ rhiegbe ma ruẹn vbe Bẹtẹl ehe ne u na tue ofigbọn yan okuta ya zẹ ayere, ne u na vbe yan. Banbanna nian, mu egbe ne u gha rrie ẹvbo ruẹ ehe ne a na biọ.’ ”

Gẹnẹsis 31:24

Vbe asọn nii, Osanobua keghi bu e Leban gha dee vbe imina, ọ khama rẹn wẹẹ, “Ghẹ ru emwi rhọkpa ne ọ gha kpokpo e Jekọb orhiọn.”

Gẹnẹsis 31:5

Ọ keghi tama iran wẹẹ, “I do miẹn wẹẹ ẹ i re aro ne erha uwa te ka ya ghe mwẹ de usin, ọ re ọ ghi ya ghe mwẹ na. Sokpan Osanobua avbe erhamwẹ ọre ọ mudia mẹ.

Gẹnẹsis 37:5

Ẹghẹ ọkpa, e Josẹf keghi mina, ọ na tae ma etiọnrẹn. Iran keghi dọlegbe kakabọ gha mu ohu ẹre.

Gẹnẹsis 46:2

Osanobua keghi tama rẹn vbe umian vbe asọn wẹẹ, “Jekọb, Jekọb!” Rẹn wanniẹn wẹẹ, “Ghe mwẹ, I rre emwa!” Ọ tama rẹn wẹẹ,

Ẹksọdọs 3:4

E Nọyaẹnmwa ghi miẹn ighẹ e Mosis hẹko sikẹ ọre, Osanobua keghi datie ẹre ke uwu erhẹn nii rre, ọ wẹẹ, “Mosis! Mosis!” Rẹn na wanniẹn wẹẹ, “Ghe mwẹ vbe emwa na.”

Aizaia 58:9

Wa gha na erhunmwu, I ghi họn. Wa gha tie mwẹ, I ghi khuẹnniẹn. “De ghẹ wa dobọ ne uwa na wọ emwa uhunmwu yi, deba uyinmwẹ ne ọ ghi khọ ọghe otilua, kevbe ẹmwẹ dan hia.

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.

Matiu 27:19

Pailet ghi tota ye ugha ne ọ na bu ohiẹn, amwẹ ọnrẹn gie uhunmwu giẹ wẹẹ, “Ghẹ mwẹ obọ vbe egbe ọmwa ne ọ ma rukhọ nii, rhunmwuda, I rrioya emwi ni bun vbe imina vbe ekpa ẹre ne asọn.”

I Samuẹl 3:16

Elai keghi tie ẹre wẹẹ, “Samuẹl ne ovbi mwẹ,” Rẹn keghi wanniẹn wẹẹ, “Ghe mwẹ enọwanrẹn.”

I Samuẹl 3:4

E Nọyaẹnmwa keghi tie Samuẹl, rẹn keghi khuẹnniẹn wẹẹ: “Ghe mwẹ evbavba!”

I Samuẹl 3:6

E Nọyaẹnmwa keghi vbe dọlegbe tie Samuẹl, ọmọ nii kevbe kpaegbe, ọ keghi bu Elai gha khian ya tama rẹn wẹ “Ẹ i re te u tie mwẹ, ghe mwẹ.” Sokpan Elai wanniẹn wẹẹ, “I ma tie ruẹ, ovbi mwẹ gha khian ya lovbiẹ.” (E Samuẹl ma he rẹn e Nọyaẹnmwa rhunmwuda e Nọyaẹnmwa ma he ka guẹe guan ẹdẹ.)

I Samuẹl 3:8

E Nọyaẹnmwa keghi dọlegbe tie Samuẹl ukpogieha, rẹn guakpao, ọ bu Elai, ọ tama tẹn wẹẹ, “Ẹ i re te u tie mwẹ, ghe mwẹ.” Ẹghẹ nii ọ re Elai na do rẹn wẹ, e Nọyaẹnmwa ọ re ọ tie ọmọ na.