Gẹnẹsis 31:10 - Edo Bible (E Baibol Ẹdo) Version 1996

¹⁰ “Vbe ẹghẹ ne emwirri ya mu, I keghi mina miẹn ọẹn wẹẹ avbe ovbukhọ ni mu iran kegha re ni gbẹnnẹ, ni hannigho kevbe ni mwẹ egbe ughughan.

Gẹnẹsis 31:10 ပူးပေါင်းရင်းမြစ်များ

Gẹnẹsis 20:6

Osanobua keghi wanniẹn vbe nene imina wẹẹ, “Ẹn, I rẹnrẹn wẹ ẹko ata u ya ru emwi na, rhunmwuda ọnii ọre I ma na guẹ rukhọ ghe mwẹ, vbene I ma na guẹ yobọ kan rẹn.

Gẹnẹsis 28:12

Ọ keghi mina wẹ, rẹn miẹn ikpawẹ ọkpa ne ọ ke otọ ya sẹ iso, avbe odibo Osanobua kegha hin ẹnrẹn, iran na vbe gha tuorre.

Gẹnẹsis 30:39

Avbe ẹwe ghi biẹlẹ vbe ehe ne avbe abọ erhan na ye, iran keghi biẹlẹ emọ ni gbẹnnẹ ekẹnnẹkẹnnẹ, ni hannọ igho kevbe ni mwẹ ama ughughan vbe egbe.

Gẹnẹsis 31:11

Odibo Osanobua keghi tama mwẹ vbe imina wẹẹ, ‘Jekọb’ I keghi wanniẹn wẹẹ, ‘Ghe mwẹ’.

Gẹnẹsis 31:12

Rẹn keghi kha wẹẹ, ‘Ghe, avbe ovbukhọ ni mu hia kegha re ni gbẹnnẹ, ni hannigho kevbe ni mwẹ egbe ughughan. Mẹ ọ ruẹe vberriọ rhunmwuda I miẹn emwi ne Leban ruẹ re.

Gẹnẹsis 31:24

Vbe asọn nii, Osanobua keghi bu e Leban gha dee vbe imina, ọ khama rẹn wẹẹ, “Ghẹ ru emwi rhọkpa ne ọ gha kpokpo e Jekọb orhiọn.”

Gẹnẹsis 31:9

Osanobua miẹn erha uwa oghẹn emwirri, ọ keghi hẹ mẹ.”

Gẹnẹsis 37:5

Ẹghẹ ọkpa, e Josẹf keghi mina, ọ na tae ma etiọnrẹn. Iran keghi dọlegbe kakabọ gha mu ohu ẹre.

I Ọba 3:5

Vbe asọn nii, e Nọyaẹnmwa keghi rhie egbe ma rẹn vbe imina, ọ nọ rẹn wẹẹ, “De emwi ne u ho ne I ru nuẹn?”

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.

Diuteronomi 13:1

“Akhasẹ ọkpa ra ọmwa ne ọ rhan otọ imina ọkpa sẹtin do khama ruẹn ighẹ rẹn gha rhie ama ra ọyunnuan ọkpa ma ruẹn.