7 E Bilha ne ọviẹn Rekiẹl dọlegbe hanmwa, ọ na biẹ ọmọ okpia ne ogieva ne Jekọb.
E Rekiẹl keghi kha wẹẹ, “Osanobua bu ohiẹn nẹ, ọ họn erhunmwu mwẹ, ọ na rhie ọmọ okpia mẹ”; ọ keghi he ẹre Dan.
E Rekiẹl ke kha wẹẹ, “I gu ọtẹn mwẹ gbinna igbinna nọ wegbe sokpan, obọ mwẹ keghi ke ukhunmwu”; ọ keghi rhunmwuda ọnii he ẹre Naftali.
Ivbi e Naftali kegha re Jazil, Guni, Jezẹ kevbe Silẹm.
Iran ihinrọn na ọrọre ivbi e Jekọb ne Bilha ne ọviẹn ne Leban rhie ne ovbi ẹre ighẹ Rekiẹl biẹlẹ nẹẹn.