Gẹnẹsis 30:43 - Edo Bible (E Baibol Ẹdo) Version 1996

⁴³ Banbanna, Jekọb ke wa do khian ọmwa ne ọ fe, ọ kegha mwẹ oghẹn ohuan nibun, avbe eviẹn, ekẹtẹkẹtẹ ke ẹsin.

Gẹnẹsis 30:43 ပူးပေါင်းရင်းမြစ်များ

Gẹnẹsis 12:16

Ọba keghi rhunmwuda ẹre gha ya obọ esi mu Ebram, ọ keghi viọ oghẹn ohuan kevbe ọghe ẹwe naẹn kevbe avbe ẹmila kevbe ẹsin kevbe eviẹn kevbe ekẹtẹkẹtẹ.

Gẹnẹsis 13:2

Ebram kegha re ọmwa ne ọ fe ne ọ mwẹ ohuan, ẹwe kevbe ẹmila deba igoru kevbe esiliva.

Gẹnẹsis 24:35

E Nọyaẹnmwa fiangbe arowa mwẹ ẹsẹse, ọ keghi yae khian okpọmwa. Ọ viọ oghẹn ohuan kevbe ọghe ẹwe nẹẹn, ẹmila, esiliva, igoru, eviẹn ikpia kevbe ikhuo, ekẹtẹkẹtẹ kevbe ẹsin.

Gẹnẹsis 28:15

Yẹrẹro, I gha rrọọ yaba ruẹ, I ghi gha degue ruẹ vbe ehe ne u rhirhi a gha rrie, I ghi vbe dọlegbe rhie ruẹ gha die otọ na. Mẹ ira suẹ rae I te do ru avbe emwi ne I tama ruẹn na.”

Gẹnẹsis 30:30

Ekherhe ne u te mwẹ vbe I te rre keghi do khian ọrhẹnrhẹn, e Nọyaẹnmwa keghi rhunmwuda mwẹ fiangbuẹ vbe ehe ne I rhirhi a yo. Eban nian, ọ sẹe ne I gha ru Ọghe ne egbe mwẹ.”

Gẹnẹsis 30:42

Sokpan ẹ i viọ abọ erhan nii ye ehe ne emwirri ne ẹ i ma ni rrọọ ye. A keghi do miẹn wẹ, emwirri ne ẹ i ma ni rrọọ kegha re ọghe Leban, ne egbe gba na ni rrọọ kegha re ọghe Jekọb.

Gẹnẹsis 31:1

E Jekọb ghi họn wẹ ivbi e Leban ta ee khian wẹẹ, “Jekọb viọ emwi erha ima fo. Emwi erhamwa ọre ọ ya họn ẹfe ne ọ mwẹ hia.”

Gẹnẹsis 31:42

Akpawẹ ẹ i re ne Osanobua avbe erhamwẹ, Osanobua Ebraham, Osanobua ne Aizik gae, na ya ba mwẹ, u gha we mwẹ fiabọ gha rrie nẹ. Sokpan Osanobua bẹghe ọlọghọmwa ne I ye kevbe ẹsọn ne I he miẹn, ọ re a na miẹn wẹẹ vbe nasọn ọ keghi bu ohiẹn.”

Gẹnẹsis 32:10

Mẹ ma sẹ ne a gha mwẹ itohan kevbe ẹmwẹ ọmwa yẹ ọmwa ne uwẹ mwẹ ghe mwẹ ghe, mẹ ne ọguọmwadia ruẹ. Vbe I fian Jọdan rra, mẹ mwẹ ọkpa kẹkan nọ, banbanna nian, mẹ vbe otu eva na ghi nọ.

Gẹnẹsis 32:5

I mwẹ ẹmila, ekẹtẹkẹtẹ, ohuan, ẹwe, kevbe eviẹn. Te I gie uhunmwu guẹ enọwanrẹn ne I ya gualọ aro ne ọ maa vbe obọ ruẹ.”

Gẹnẹsis 33:11

Lahọ, miẹn mwẹ emwi ne i ya guẹ na, Osanobua wa tohan mwẹ, ọ na viọ emwi ne I ho hia mẹ.” E Jekọb keghi kakabọ ye arhẹrhẹ gbagbae ye ọre egbe, ọ te do rhanbọ miẹn iran.

Gẹnẹsis 36:7

Emwi ne ọ yae kpao ọrọre wẹ, otọ ne irẹn vbe Jekọb ye, ma ghi sẹ iran lo, ẹmila ne iran mwẹ keghi bun gbe, ihe ọkpa ma ghi gua iran.

Asan-Ibo 2:7

I dẹlẹ eviẹn nibun, a keghi vbe biẹlẹ eviẹn nibun vbe owa mwẹ, I keghi vbe gha mwẹ emwirri nibun sẹẹ ọmwaikọmwa ne ọ ka gha rrọ khẹ mwẹ vbe Jerusalẹm.

Ezikiẹl 39:10

Iran i ghi la oha ya gha ho erhan, ra ne iran ya gha tọnnọ erhan gbotọ vbe ẹgbo rhunmwuda iran gha miẹn emwi igbinna ne a lẹ hẹkua ya gha koko erhẹn. Iran gha hẹrhu iran, iran ghi fu iran emwi viọ ighe avbe emwa ni ka hẹ rhu iran vbe fu iran emwi viọ.” E Nọyaẹnmwa ne Udazi tae nẹ.

Iyẹn ne ọ Maan Ọghe Luk 12:45

Sokpan a deghẹ ọguọmwadia nii ghi kha wẹẹ, ‘Te arowa mwẹ ghi kpẹe,’ ọ na suẹn gha gbele eguọmwadia nekpa, ke ikpia kevbe ikhuo, ọ na gha re, ọ na gha da, a da gbe egbe.