Gẹnẹsis 30:39 - Edo Bible (E Baibol Ẹdo) Version 1996

³⁹ Avbe ẹwe ghi biẹlẹ vbe ehe ne avbe abọ erhan na ye, iran keghi biẹlẹ emọ ni gbẹnnẹ ekẹnnẹkẹnnẹ, ni hannọ igho kevbe ni mwẹ ama ughughan vbe egbe.

Gẹnẹsis 30:39 ပူးပေါင်းရင်းမြစ်များ

Gẹnẹsis 30:38

Ọ keghi viọ abọ erhan ye odaro uvun ne avbe ohuan na wọn amẹ. Emwi ne o yae viọ ẹre ye evba ọrọre wẹ evba iran na mu vbe iran a do wọn amẹ.

Gẹnẹsis 30:40

E Jekọb keghi hannọ avbe ohuan ni ye ihọkpa, ọ na viọ iran aro da emwirri e Leban nekhui kevbe ni gbẹnnẹ. Erriọ ọre ọ ya hẹko koko oghẹn ohuan ọghọe. Ọ ma vbe hẹ ọre ba ọghe Leban.

Gẹnẹsis 31:38

Nẹkpugie ọre I kegha guẹ, ke ohuan kevbe ẹwe ruẹ, ne ọ dobọ ubiẹmwẹ yi, ẹ i rrọọ. I ma vbe gbe ogho re vbe oghẹn ohuan ruẹn.

Gẹnẹsis 31:40

Ẹghẹ nibun, ovẹn gha gbe mwẹ nẹ vbe avan, oni ghi gbe mwẹ vbe asọn. I i miẹn ovbe.

Gẹnẹsis 31:42

Akpawẹ ẹ i re ne Osanobua avbe erhamwẹ, Osanobua Ebraham, Osanobua ne Aizik gae, na ya ba mwẹ, u gha we mwẹ fiabọ gha rrie nẹ. Sokpan Osanobua bẹghe ọlọghọmwa ne I ye kevbe ẹsọn ne I he miẹn, ọ re a na miẹn wẹẹ vbe nasọn ọ keghi bu ohiẹn.”

Gẹnẹsis 31:8

Ẹghẹ ne Leban a rhirhi ya kha wẹẹ, ‘Ẹwe ahannọ ọre ọ gha re ne a ya ha ruẹ osa.’ Oghẹn nii hia ghi gha biẹlẹ ọghe ahannọ. Ọ gha vbe kha wẹẹ, ‘Ne ọ gbẹnnẹ vbe ẹwe ọre ọ gha re osa ne a ha ruẹ re,’ oghẹn ni hia ghi biẹlẹ ne ọ gbẹnnẹ.