Gẹnẹsis 30:32 - Edo Bible (E Baibol Ẹdo) Version 1996

³² Ẹdẹ nẹrẹ na, I gha la oghẹn ohuan ruẹn gaa. I ghi hannọ ivbi ohuan nekhui, ni gbẹnnẹ ekẹnnẹkẹnnẹ kevbe ni hannọ igho vbe ivbi ẹwe ruẹ ya ye efẹn ọkpa. Igho ne I ho ne u hae mẹ fo nẹ.

Gẹnẹsis 30:32 ပူးပေါင်းရင်းမြစ်များ

Gẹnẹsis 30:31

E Leban nọ rẹn wẹẹ, “Vbia gha ha ruẹ re?” E Jekọb wanniẹn wẹẹ, “I i gualọ igho rhọkpa. I gha ye gha su ohuan ruẹn a deghẹ u ru vbene I kha re.

Gẹnẹsis 30:33

Ẹdẹ nakhuẹ, ẹ i ra lọghọ nuẹn rẹn deghẹ I gbe emwi rhu. Ugha rre do ghe emwi ne a hae mẹ ghe, a deghẹ I mwẹ ẹwe ne ọ ma gbẹnnẹ ekẹnnẹkẹnnẹ ra ne ọ ma hannọ igho ra ohuan ne ẹ i khuikhui vbe ọghomwẹ, u ghi rẹn wẹ, te a duẹe mu.”

Gẹnẹsis 30:35

Sokpan ẹdẹnẹdẹrriọ, E Leban keghi viọ avbe ovbukhọ ni hannọ igho ra ni gbẹnnẹ ekẹnnẹkẹnnẹ kevbe ẹwe amwẹ hia ni gbẹnnẹ ekẹnnẹkẹnnẹ, ni hannọ igho, kevbe ni mwẹ ehe nọfua vbe egbe, ọ kevbe viọ avbe ohuan nekhui hin rre, ọ na viọ enii ne ovbi ẹre gha su.

Gẹnẹsis 31:10

“Vbe ẹghẹ ne emwirri ya mu, I keghi mina miẹn ọẹn wẹẹ avbe ovbukhọ ni mu iran kegha re ni gbẹnnẹ, ni hannigho kevbe ni mwẹ egbe ughughan.

Gẹnẹsis 31:8

Ẹghẹ ne Leban a rhirhi ya kha wẹẹ, ‘Ẹwe ahannọ ọre ọ gha re ne a ya ha ruẹ osa.’ Oghẹn nii hia ghi gha biẹlẹ ọghe ahannọ. Ọ gha vbe kha wẹẹ, ‘Ne ọ gbẹnnẹ vbe ẹwe ọre ọ gha re osa ne a ha ruẹ re,’ oghẹn ni hia ghi biẹlẹ ne ọ gbẹnnẹ.