Gẹnẹsis 30:27 - Edo Bible (E Baibol Ẹdo) Version 1996

²⁷ E Leban keghi tama rẹn wẹẹ, “Gun mwẹ tama ruẹn, I ghe emwi yọ, I keghi miẹn wẹ rhunmwuda ruẹ ọre Nọyaẹnmwa na fiangbe mwẹ.

Gẹnẹsis 30:27 ပူးပေါင်းရင်းမြစ်များ

Gẹnẹsis 12:3

“I gha fiangbe iran ni fiangbuẹ Sokpan I ghi tie ihẹn ne ne ọ tie ihẹn nuẹn Vbe ekpa ruẹ, ọre I gha na fiangbe uhunmwu otọ agbọn hia.”

Gẹnẹsis 18:3

“Wa Dọmọ ọ, ugamwẹ uwa ọre I rre ba, lahọ wa ghẹ rhiegberra owa mwẹ vbe na i na yakọ hiehiere. Ọguọmwadia ruẹ ọre I khin.

Gẹnẹsis 26:24

Vbe Asọn nii e Nọyaẹnmwa keghi rhiegbe ma rẹn, ọ wẹẹ, “Mẹ ọrọre Osanobua Ebraham ne erha a. Ghẹ gie ohan muẹn, I rrọọ yaba ruẹ I gha fiangbuẹ, I gha vbe viọ ivbi uniẹn nibun nuẹn rhunmwuda Ebraham ne ọguọmwadia mwẹ.”

Gẹnẹsis 30:30

Ekherhe ne u te mwẹ vbe I te rre keghi do khian ọrhẹnrhẹn, e Nọyaẹnmwa keghi rhunmwuda mwẹ fiangbuẹ vbe ehe ne I rhirhi a yo. Eban nian, ọ sẹe ne I gha ru Ọghe ne egbe mwẹ.”

Gẹnẹsis 33:15

Isọ keghi kha wẹẹ, “I ghi sẹ emwa mwẹ eso rae nuẹn khekherriọ.” Sokpan e Jekọb wanniẹn wẹẹ, “U ru ẹse gbe, sokpan, ghẹ gbokhuo, aro ne ọ maa ruẹn ọkpa ọre I gualọ.”

Gẹnẹsis 34:11

Ẹre Siẹkẹm na tama erha Dina kevbe etiọnrẹn wẹẹ, “Wa ghi ru ẹse na mẹ, emwi ne uwa a rhirhi nọ mwẹ re, I gha rhie ne uwa.

Gẹnẹsis 44:5

Vbọzẹ ne uwa na do ukpu esiliva mwẹ rhie? Ukpu na ọ re arowa mwẹ ya wọn amẹ, ọ re ọ vbe ya bọ. Emwi ne uwa ru i ma hiehiere.’ ”

Gẹnẹsis 47:25

Iran keghi wanniẹn wẹẹ, “U miẹn ima fan nẹ, u ru ima ẹse nẹ enọwanrẹn, ma gha gele gha re eviẹn ọba.”

II Samuẹl 6:11

Ọ keghi gbe uki eha vbe evba, e Nọyaẹnmwa keghi fiangbe Obẹd Idọm ke ẹe kevbe ẹgbẹe ọre.

I Ọba 11:19

E Hadad keghi ru emwi ne ọ ya ọba khian ọsiọre, ọre ọba na rhie ọtẹn amwẹ ọnrẹn ne okhuo, ọtẹn Tapenes ne Oloi, ne Hadad rhie rọnmwẹ.

Nehimaia 1:11

Rhunmwuda ọnii họn erhunmwu mwẹ kevbe ọghe eguọmwadia ruẹ nekpa ni yọghọ ne uẹn. Rhie ọdunna mẹ ẹrẹna, nẹ u gie ọgbaisi tohan mwẹ.” Vbe ẹghẹ nii, mẹ ọrọre ne ọ sa ayọn ne ọgbaisi.

Nehimaia 2:5

I na tama ọgbaisi wẹẹ, “A deghẹ I miẹn aro ne ọ maa vbe obọ ruẹ, Umogun, u na vbe wẹ u gha rhie emwi ne I nọrẹn mẹ, gun mwẹ gha rrie Juda, ẹvbo nii ne a ree avbe erha mwẹ odede yi, ne I ya dọlọ ẹvbo nii bọ.”

Psalm 1:3

Iran yevbe erhan ni zọ vbe ọkpẹn ẹzẹ, ni vbe mọ ye ẹghẹ, ne ebe ẹre i vbe kaka.

Ẹksọdọs 3:21

“I gha ya ivbi Igipt gha da a ne emwa mwẹ sẹrriọ wẹ ẹghẹ ne uwa gha na kpao, wa i ra fiabọ kpao.

Aizaia 6:13

Gia kha wẹ arhiọnkpa kẹkan miẹn uhunmwu vbe uwu arhin igbe vbe otọe nii, te a ra ye vbe fuẹn irẹn uan, ọ ghi yevbe ut ukhunmwu erhan okan ne a tọn gbe otọ nẹ.” (Ut ukhunmwu ni mudia ye omuhẹn ọgbọn ne emwa Osanobua.)

Aizaia 61:9

Iran gha hin usi vbe uwu avbe uhunmwu ẹvbo emwa ni rhirhi miẹn iran gha rẹn wẹ emwa ne imẹ fiangbe ọ re iran khin.”

Aizaia 65:8

E Nọyaẹnmwa khare wẹẹ, “A i miẹn ọmwa ne ọ viọ alimo azara ne ọ maa kua, sokpan, te iran ya ẹe ru ayọn. Erriọ vbe nọ, mẹ i ra fuẹn emwa mwẹ hia a, I gha miẹn iran ni ga mwẹ vbọ fan.

Daniẹl 1:9

Osanobua keghi ru ẹe ne Aspenaz gha mwẹ itohan ghe Daniẹl.

Nọmbas 11:11

ọ keghi tama e Nọyaẹnmwa wẹẹ, “Vbu a na ru mwẹ khọ vbenian hẹ yi? De emwi ne ohu mwẹ mu ẹẹn yi? Vbọzẹ ne u na ka iran na yọ mwẹ obọ?

Nọmbas 11:15

A deghẹ erriọ u khian gha ru mwẹ, lahọ tohan mwẹ ne u gbe mwẹ uan ne I ghẹ ghi họn ẹmwẹ obọ dan ruẹn vbe egbe mwẹ ọvbehe.”

Iwinna 7:10

Ọ keghi rhie ẹre la uwu ọlọghọmwa hia gberra vbe a i mwẹ ẹbe. E Josẹf ghi sẹ ehe ne Fero ne ọba Igipt ye, Osanobua keghi rhie uyinmwẹ ọmẹhẹ kevbe ọghe ẹwaẹn nẹẹn. E Fero keghi ya Josẹf ru nọ khaemwisẹ yan ẹvbo ẹre ke ẹguae ẹre.

Ebe Rut 2:13

E Rut keghi wanniẹn wẹẹ, “Enọwanrẹn, u kakabọ tohan mwẹ. Vbene u vbe gun mwẹ guan khuẹrhẹ, wa vbe rhie igiẹdu mẹ, mẹ ne ọguọmwadia ruẹ, a gha rhe miẹn wẹ I ma vba ọkpa vbe uwu avbe eguọmwadia ruẹ.”

I Samuẹl 16:22

Ẹre Sọl ghi na gie ne a khama e Jese wẹẹ, “Ẹmwẹ e Devid wa yẹ mwẹ. Gie ẹe tota ke mwẹ ne ọ gha winna mẹ.”