Gẹnẹsis 30:20 - Edo Bible (E Baibol Ẹdo) Version 1996

^20-21 Ọ keghi kha wẹẹ, “Osanobua ru mwẹ ẹse ne ọ gbe otiti, eban nian ọdọ mwẹ gha rhan obọ miẹn mwẹ rhunmwuda emọ ehan ọre I he biẹlẹ ne ọdọ mwẹ”; ọ keghi he ẹre Zebulọn. Vbe okiekie ọ keghi biẹ ọmọ okhuo ọkpa ne ọ he ẹre Dina.

Gẹnẹsis 30:20 ပူးပေါင်းရင်းမြစ်များ

Gẹnẹsis 29:34

Ọ keghi vbe dọlegbe hanmwa, ọ kevbe biẹ ọmọ okpia ọvbehe. Rẹn keghi kha wẹẹ, “Banbanna nian, te ọdọ mwẹ ghẹ ghi ya obọ mu mwẹ ẹse rhunmwuda, emọ ikpia eha ọre I he biẹlẹ nẹẹn,” ọ keghi he ẹre Livai.

Gẹnẹsis 30:15

E Lia keghi wanniẹn wẹẹ, “Ọdọ ne u miẹn mwẹ re ma he ye suẹ, ebe ukhunmwu ẹwẹre ovbi mwẹ ọre u ghi vbe ra viọ.” Rekiẹl keghi kha wẹẹ, “U gha viọ ebe ukhunmwu ẹwẹre ovbuẹ mẹ, u sẹtin ya lovbiẹ ke Jekọb asọn nẹ rẹ.”

Gẹnẹsis 30:19

E Lia kevbe dọlegbe hanmwa, ọ na vbe biẹ ọmọ okpia ogiehan ne Jekọb.

Gẹnẹsis 34:12

Wa tama mwẹ emwi ne I gha rhie ne uwa, wa vbe fian inu igho ne ọ khọn uwa mẹ ne I gha mu ye egbe ẹre, I gha rhie emwi ne uwa a rhirhi gha ho ne uwa sokpan ne uwa gunmwẹ rhie ẹre rọnmwẹ.”

Gẹnẹsis 35:23

Ọghe Lia ni rrọọ kegha re Riubẹn (ne ọre ovbi Jekọb nọdiọn), Simiọn, Livai, Juda, Isaka kevbe Zẹbulọn.

Gẹnẹsis 46:14

Ivbi e Zẹbulọn kegha re Sẹrẹd, Ilọn kevbe Jalil.

Gẹnẹsis 49:13

Ọkpẹn okun ọre Zẹbulọn ra yin. Avbe emwiokọ gha yakọ vbe eghute ẹre otọe ẹre gha niẹn sẹ Saidọn, Isaka ma maa sẹẹ ekẹtẹkẹtẹ

Psalm 68:27

E Bẹnjamin ne ẹwae ne ọ kanmwa sẹ ke odaro vbe iyekọnii, avbe ọkaolotu e Juda kevbe otu iran, avbe ọkaolotu e Zẹbulọn kevbe Naftali keghi lele ẹe.

Ẹksọdọs 22:17

Sokpan erhae gha wẹ ne ọ ghẹ rọnmwẹ ọẹn, ọ ghi hae igho ne a ya rhie ọvbokhan uvbi nẹẹn.

Matiu 4:13

Ọ ma yakọ vbe Nazarẹt, ọ keghi rhiegberra ya die Kapaniọn ya, ọkpẹn odighi e Galili ọre ẹvbo ni ye vbe isoko Zẹbulọn kevbe Naftali.

Diuteronomi 27:13

Avbe ẹwae na ghi vbe mudia ye Oke Ebal vbe a a gha tie ihẹn: Riubẹn, Gad, Asia, Zebulọn, Dan kevbe Naftali.

Giọgis 4:10

E Barak keghi tie ẹwae Zẹbulọn kevbe Naftali gha die Kedẹs, arhin arriaisẹn igbe keghi lele ẹe, Dẹbora keghi lele ẹe gha khian.

Giọgis 5:14

iran ke Ifreim gha di uwu iya. Vbe iyeke ẹwae Bẹnjamin kevbe emwa rẹn. Makẹ ọ re iran ni ghae okuo ni rrọọ kegha dee avbe olotu ke Zẹbulọn gha dee,

I Samuẹl 18:25

E Sọl keghi tama iran wẹ ne iran ya tama Devid wẹẹ, “Emwi ne ọba ho vbe obọ ruẹ ma gberra ukpikolo ọghe ivbi e Filistin iyisẹn ni wulo nẹ, ne ọ ya ọnii rria avbe eghian rẹn ikhi.” (Erriọ ọre Sọl te mwamwaẹn we obọ ivbi e Filistin gha ya vba e Devid).