Gẹnẹsis 30:17 - Edo Bible (E Baibol Ẹdo) Version 1996

¹⁷ Osanobua keghi họn erhunmwu Lia, ọ kegha hanmwa, ọ na biẹ ọmọ okpia ukpogisẹn ne Jekọb.

Gẹnẹsis 30:17 ပူးပေါင်းရင်းမြစ်များ

Gẹnẹsis 30:16

E Jekọb ghi ke oha rre vbe ota nii e Lia ke khian bu ẹre yo, ọ wẹẹ, “Te u lovbiẹ ke mwẹ asọn na rhunmwuda, ebe ukhunmwu ẹwẹre ovbi mwẹ ọre I ya ha osa yuẹ.” Ọ keghi gele guẹe vbiẹ asọn nii.

Gẹnẹsis 30:18

E Lia keghi kha wẹẹ, “Osanobua sanmwẹ ẹse nẹ, rhunmwuda, I rhie ọviẹn mwẹ ne ọdọ mwẹ.” Ọ keghi he ovbi ẹre Isaaka.

Gẹnẹsis 30:22

Ẹghẹ nii Osanobua keghi ye Rekiẹl rre, ọ keghi họn erhunmwu ẹnrẹn, ọ keghi giẹe biẹlẹ emọ.

Gẹnẹsis 30:6

E Rekiẹl keghi kha wẹẹ, “Osanobua bu ohiẹn nẹ, ọ họn erhunmwu mwẹ, ọ na rhie ọmọ okpia mẹ”; ọ keghi he ẹre Dan.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Iyẹn ne ọ Maan Ọghe Luk 1:13

Sokpan odibosa nii tama rẹn wẹẹ, “Ghẹ gie ohan mu ẹn Zẹkaraia, Osanobua họn erhunmwu ruẹn nẹ, Elizabẹt ne amwẹ ọẹn gha biẹ ọmọ okpia nuẹn. U ghi he ẹre Jọn.

I Samuẹl 1:20

Erriọ a miẹn ọẹn wẹ, ọ keghi hanmwa, ọ na biẹ ọmọ okpia. Ọ keghi he ẹre Samuẹl. Ọ wẹẹ, “Obọ e Nọyaẹnmwa ọre I na nọ rẹn.”