Gẹnẹsis 3:8 - Edo Bible (E Baibol Ẹdo) Version 1996

⁸ Vbe ota nii, iran keghi họn vbe Nọyaẹnmwa Osanobua khian vbe uwe ogba, iran keghi mu erhan gue egbe ya lẹre ne ẹn.

Gẹnẹsis 3:8 ပူးပေါင်းရင်းမြစ်များ

Gẹnẹsis 18:33

Ugbẹn vbe ọ ghi gu Ebraham guan fo nẹ, e Nọyaẹnmwa keghi kpao, ọre Ebraham na gha rrie owa.

Gẹnẹsis 3:10

Okpia nii keghi wanniẹn wẹẹ, “I họn ẹmwẹ ruẹn vbe uwe ogba, ohan kegha mu mwẹ, I keghi lẹre nuẹn rhunmwuda ighẹ irhunmwirhun ọre I ye.”

Job 22:14

Te uwẹ ro wẹ ikpakpa iso ne ọ mwẹ imi degue ẹre odẹ ra? Vbe ehe ne ọ na khian vbe uwu ne ọ rre ẹkpo agbọn vbe ẹrinmwi.

Job 31:33

“Emwa ọvbehe ho ne iran gha gbe gue orukhọ iran, sokpan ima he gbegue ọghomwẹ ẹdẹ?

Job 38:1

Ẹre Nọyaẹnmwa na ke uwu O okpẹhoho zẹ ẹmwẹ wanniẹn e Job,

Itan 15:3

E Nọyaẹnmwa bẹghe emwi ni sunu vbe ehe hia, rẹn gha ghe ima, deghẹ emwi esi ma ru ra emwi dan.

Jerimaia 23:24

Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?

Hozia 10:8

Aro ẹbọ ne ọ rre oke Avọn, ehe ne avbe ivbi Izrẹl na ya gha gho ẹbọ, a gha fuẹn ọnrẹn uan. Igban kevbe irunmwu gha zọ vbe Ogiukpo iran. Emwa nii gha go tama avbe oke nekhua wẹẹ, “Viọ ima lẹre!” Kevbe avbe oke negiẹrẹ wẹẹ, “Guẹ ima muotọ!”

Levitikọs 26:12

“Mẹ gha re Osanobua uwa, wa ghi vbe gha re emwa mwẹ.

Jona 1:3

Sokpan, e Jona keghi mu uhunmwu da ehe ọvbehe ne ọ miẹn ehe na lẹ hin ehe ne Nọyaẹnmwa ye rre. Rẹn keghi gha rrie Jopa, ọ keghi miẹn okọ ne ọ ke evba rrie Spen. Rẹn keghi ha osa, ọ na la okọ ne ọ lele emwa ni gua ẹe gha rrie Spen, ehe ne ọ gha na wa kpa hin ehe ne Nọyaẹnmwa ye rre.

Ebe ne Pọl gbẹẹn gie emwa Rom 2:15

Uyinmwẹ iran rhie maa ighẹ a gbẹnnẹ egbe emwi ne Uhi ni ho ye ekhọe iran. Ekhọe iran vbe rhie maa wẹ ẹmwata ọna khin vbe ne a na miẹn wẹ, ekhọe iran zẹdia bu asẹ ne iran, ugbẹnso, ọ ghi vbe gha gu iran gui.

Diuteronomi 23:14

Wa gie agọ ọghe uwa gha re ne awua i ye rhunmwuda e Nọyaẹnmwa Osanobua uwa deba uwa rre agọ, ne ọ gha degue uwa kevbe ne ọ rhie akhọnmiotọ ne uwa vbe uhunmwu eghian uwa. Wa ghẹ ru emwi ohọhọ ne ọ gha ya e Nọyaẹnmwa fi iyeke gbe uwa.

Diuteronomi 4:33

A he miẹn emwa ni ye gha rre agbọn vbe iran họn vbe Osanobua guan gie iran ke uwu erhẹn rre ra zẹ vbe ne uwa ye?

Diuteronomi 5:25

Sokpan vbe ima a ghi ra na vbe dọlegbe rhie uhunmwu da uwu hẹ nian? Erhẹn ugborrirri nii gha fuẹn ima an. Te ima wulo a deghẹ ma dọlegbe họn vbe e Nọyaẹnmwa ne Osanobua gu ima guan.

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.

Arhie Maan 6:15

Ẹkpo nii ọre iran ne avbe ọba agbọn, iran ni khaemwisẹ kevbe iran nekhua vbe ivbiyokuo, iran ne ekhaẹmwẹ, iran ni fe, kevbe emwa ọvbehe hia kevbe avbe eviẹn, kevbe iran ni yan egbe iran, iran hia kegha lẹ lao uwu uvun okuta ya gha lẹ re, kevbe ototọ avbe okuta nekhua.