Gẹnẹsis 3:6 - Edo Bible (E Baibol Ẹdo) Version 1996

⁶ Okhuo nii keghi miẹn vbene erhan nii ma egbe hẹ, kevbe ne ọmọ rẹn vbe rhie aro re hẹ, kevbe wẹ emwi esi gha nọ adeghẹ ọmwa waan. Ẹre ọ na rhie vbe ọmọ erhan nii, ọ na rri ọe. Ọ keghi rhie ne ọdọ ẹre vbọ, rẹn keghi vbe rri ọe.

Gẹnẹsis 3:6 ပူးပေါင်းရင်းမြစ်များ

Gẹnẹsis 3:12

Okpia nii ke wanniẹn wẹẹ, “Okhuo ne u ma rhie ke mwẹ, ọre ọ rhie ọmọ erhan nii mẹ, mẹ keghi rriọe.”

Gẹnẹsis 3:17

Rẹn keghi tama okpia nii wẹẹ, “Wẹ ke danmwehọ ọvbokhan-an, u na rri ọmọ erhan ne I wẹ ne u ghẹ re. Rhunmwuda emwi ne u ru na, otọ gha khian ne a fi ẹre unu. Ẹsọn u gha ya ẹdagbọn ruẹn hia miẹn, ne ọ miẹn ehe na mọ ọmọ ne ọ gha suẹ re.

Gẹnẹsis 39:7

Ọ ma ghi he kpẹe, amwẹ arowa Josẹf kegha ye aro ta ọta vbe egbe ẹre. Okhuo nii keghi tama rẹn wẹẹ, “Do gunmwẹ lovbiẹ.”

Gẹnẹsis 6:2

Eso vbe avbe iran ni rre ẹrinmwi, keghi miẹn wẹ avbe ikhuo na wa mose ẹsẹse, ẹre iran na viọ ni yẹ iran vbọ rọnmwẹ.

II Samuẹl 11:2

Ẹdẹ ọkpa, vbe ẹdẹ ghi ye egbe rrie odẹ ẹdogbota nẹ, e Devid keghi kpaegbe vbe ovbe avan ne ọ vbiẹre, ọ keghi hin egedege ẹguae. Ọ kegha hẹko khian lẹga vbe odukhunmwu nii, evba ọ re ọ na ya bẹghe okhuo ne ọ khuẹ. Okhuo na keghi wa mose ẹsẹse.

I Ọba 13:19

Ẹre akhasẹ ne ọ ke Juda rre nii na lele akhasẹ ne ediọnmwa nii gha rrie, ọ na ya gu ẹe rrie evbare.

Job 31:1

“Te I wa mobọ yan rẹn, ne I ghẹ ghe ọmọ okhuo ne a ro mwẹ viẹn yọ.

Ezikiẹl 24:16

“Ovbi ọmwa. I ra fi emwi uhukpa kẹkan ya rhie ọmwa ne u ho ẹmwẹ ọnrẹn sẹẹ kpao. Ghẹ vbe talọ yọ ra ne u gha viẹ ra ne amẹ eve la a aro rre.

Ezikiẹl 24:21

Ne I ta ẹmwẹ na ma uwa ne ivbi Izrẹl wẹ Ẹtin Ọgua Osa ọ re uwa ya ghagha, ọ yẹ uwa ne a ghee, kevbe ne a yo, sokpan, e Nọyaẹnmwa ra ru ẹre awua. Avbe igbama ni rre ẹgbẹe uwa ne a ghi sẹrae ye Jerusalẹm, okuo gha gbele ehia.

Ezikiẹl 24:25

E Nọyaẹnmwa keghi kha wẹẹ, “Banbanna nian, ovbi ọmwa, I gha miẹn iran Ọgua Osa ne ọ wegbe nii ne iran te ya ghagha kevbe ne ọ te sẹ iran ọyẹnmwẹ, ne ọ te yẹ iran ne a ghee, kevbe ne a yo. I gha vbe miẹn iran ivbi iran nikpia kevbe nikhuo.

Hozia 6:7

“Sokpan ọwarọkpa vbe iran ghi la otọ Adam nẹ, iran keghi wa rra iyi ne ima gba yi ne egbe.

Matiu 5:28

Sokpan mẹ tama uwa nian, ọmwaikọmwa gha ghe okhuo sẹrriọ ighe te aro ẹre ghi viẹn yọ, ọ gu okhuo ni ru oghẹ nẹ usin vbe ekhọe ẹre.

I Timoti 2:14

Sevba, ẹ i vbe re Adam ọre a mu rẹrẹ, sokpan okhuo ne ọ rrọọ ọre a mu rẹrẹ, ọ na vbe rra iyi Osanobua.

Jọsua 7:21

Vbe uwu emwi ne ima khọn mu, I keghi miẹn agbada ẹwu e Babilọn ọkpa ne ọ kakabọ mose ne ọ gha sẹ uwan esiliva isẹn, kevbe ẹgba igoru ọkpa ne ọ gha gberra uwan ọkpa. Iran keghi wa viẹn yọ mwẹ aro, ọ re I na viọ iran, wa gha miẹn iran vbe ehe ne I na tọnnọ iran ye uwu otọ vbe owa ukpọn mwẹ, esiliva ne ọ rrọ ọ re ọ ke otọ.”

I Jọn 2:16

Emwi hia ni re ọghe agbọn na, emwi ne ọ yẹ egbe orukhọ na, emwi ne emwa ne agbọn bẹghe ne ọ vbe ya ghan, ọkpa ne ọ ke ehe ne Evbavba ye rre, ẹ i rrọọ, agbọn na ọre ehia ke rre.

Giọgis 14:17

Okhuo nii na wa ya ikpẹdẹ ihinrọn ọghe imuemwi nii wa gha viẹ, sokpan, ọ ghi sẹ ikpẹdẹ ne ogihinrọn, ọ keghi san ibo nii ma rẹn rhunmwuda, te ọ ghi te ra ya etalọ gbe ẹe rua ba ẹmwẹ na. Ọ re rẹn na ya tama avbe ọsiọre.