Gẹnẹsis 3:23 - Edo Bible (E Baibol Ẹdo) Version 1996

²³ Rhunmwuda ọnii, e Nọyaẹnmwa Osanobua ke khu ẹe hin uwe ogba Idẹni rre, ọ na wẹ ne ọ ya gha kọ emwiokọ ye otọ ne a ke rhie ẹre rre.

Gẹnẹsis 3:23 ပူးပေါင်းရင်းမြစ်များ

Gẹnẹsis 2:5

erhan rhọkpa ma gha rre otọe, emwi rhọkpa ma he vbe zọọ, rhunmwuda, rẹn ma he gie amẹ he rhọ, ọmwa rhọkpa i vbe rrọọ ne ọ gha kọ emwi ye otọe.

Gẹnẹsis 2:7

Ọre Nọyaẹnmwa Osanobua na rhie ekẹn vbe otọe, ọ keghi yae ma okpia, ọ keghi hiọnrọn uhiọnrọnmwẹ arrọọ ye ọre uvun ihue, okpia nii keghi khian ne ọ ghi rrọọ.

Gẹnẹsis 2:8

Nọyaẹnmwa Osanobua ke do mu ogba ọkpa ye Idẹni, vbe odẹ ahọ ọ ke rhie okpia ne irẹn maẹn nii ye evba.

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Gẹnẹsis 3:22

Ẹre Nọyaẹnmwa Osanobua na kha wẹẹ, “Banbanna nian, te okpia na ghi ye vbe ọkpa vbe uwe ima rhunmwuda, te ọ ghi rẹn emwi ne ọ maa ke nẹ i maa. A i kue nẹẹn ne ọ ya re vbe erhan arrọọ, ne ọ do gha rrọọ ẹdẹdẹmwẹdẹ.”

Gẹnẹsis 3:24

Vbe odẹ ahọ ọghe ogba nii, rẹn keghi viọ emwi ne a yi ni ma he wu eso yọ, ke iran ke umozo ne erhẹn ne ọ baa ne ọ vbe gbe lẹga egbe hia. Wẹẹ ne iran ghẹ gie ọmwarhọkpa sikẹ erhan arrọọ nii.

Gẹnẹsis 4:12

U gha mu ugbo, u na kọ emwi yọ, otọe, ẹi gha ma ẹnrẹn. Ehevbehevbe ke enọkpolugho ọre u gha khian vbe agbọn.”

Gẹnẹsis 4:2

Vbe iyeke ọnii, ọ keghi biẹ ọmọ okpia ọvbehe ọna ọre Ebẹl. Ebẹl ke do gha re Ọsuohuan, sokpan Keni kegha re ọwẹe.

Gẹnẹsis 9:20

E Noa keghi re ọgbugbo, rẹn ọre ọmwa ne ọ ka gha kọ ogba azara.

Asan-Ibo 5:9

Ọba tobọ ẹre emwiorhọ ọ re ọ hẹnhẹn egbe yan.