Gẹnẹsis 3:20 - Edo Bible (E Baibol Ẹdo) Version 1996

²⁰ Adam keghi he amwẹ ọnrẹn Ivi, rhunmwuda rẹn ọre iye emwa hia.

Gẹnẹsis 3:20 ပူးပေါင်းရင်းမြစ်များ

Gẹnẹsis 16:11

Ọmọ okpia u ra biẹ na, u gha he ẹnrẹn Ismẹl rhunmwuda Nọyaẹnmwa họn eve ọlọghọmwa ruẹn.

Gẹnẹsis 2:20

Ọre okpia nii na do he avbe aranmwẹ nii hia eni, kevbe ahianmwẹ sokpan a ma miẹn ọkpa vbe uwe iran ne ọ sẹtin gha re ogieva ẹre ne ọ maẹn.

Gẹnẹsis 2:23

Ẹre okpia ni na kha wẹẹ, “A ghi he vbe miẹn ne ima gba re ọkpa, ugboloko ne a rhie vbe ugboloko mwẹ kevbe efun ne a rhie vbe efun mwẹ ‘Okhuo’ ọre a gha tie ẹre rhunmwuda egbe okpia ọre ọ ke rre.”

Gẹnẹsis 3:21

E Nọyaẹnmwa Osanobua keghi ya ohian se ukpọn ne Adam ke amwẹ ọnrẹn, ọ ke viọ rhuan iran.

Gẹnẹsis 35:18

Te ọ ghi ra kpan udu, ugbẹn vbe ọ ghi ra wa kpan udu, ọ keghi he ovbi ẹre ọmọ okpia nii Benoni sokpan erha ẹe keghi he ẹre Bẹnjamin.

Gẹnẹsis 5:29

ọ na kha wẹẹ, “Ọmọ na gha do fan mwa vbe obọ ẹsọn vbe otọe nii ne Nọyaẹnmwa ye amunu na.” Ọ keghi he ẹre Noa,

Ẹksọdọs 2:10

Ugbẹn vbe ọmọ nii ghi wan sẹ nẹ, ọ keghi muẹn gie ovbi ọba ne okhuo, ọ na ya ẹe ye ọmọ. Rẹn keghi kha wẹẹ, “Uwu amẹ I na muẹn ladian na hẹ ẹre Mosis.”

Matiu 1:21

Rẹn gha vbe biẹ ọmọ okpia ọkpa. Wẹ ghi he ẹre Jesu, rhunmwuda rẹn ọre ọ gha fannọ emwa rẹn hin obọ orukhọ iran rre.”

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Iwinna 17:26

Ke uwu ọmwa ọkpa rre, ọre ọ na yi emwi otọ ughughan ne iran gha rre otọ agbọn hia. ke odaro emwi hia, rẹn ọre ọ tobọ ẹre mwa ẹghẹ ne iran gha ya gha rrọ, ọ keghi ye uwu yi ehe ne iran gha ye vbọ.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

I Timoti 2:13

Rhunmwuda, Adam ọre a ka gha yi, vbe iyeke ọnii, Ivi.

I Samuẹl 1:20

Erriọ a miẹn ọẹn wẹ, ọ keghi hanmwa, ọ na biẹ ọmọ okpia. Ọ keghi he ẹre Samuẹl. Ọ wẹẹ, “Obọ e Nọyaẹnmwa ọre I na nọ rẹn.”