Gẹnẹsis 3:19 - Edo Bible (E Baibol Ẹdo) Version 1996

¹⁹ Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

Gẹnẹsis 3:19 ပူးပေါင်းရင်းမြစ်များ

Gẹnẹsis 18:27

Ebraham kevbe dọlegbe guan wẹẹ, “Lahọ, ghẹ gui ye udinmwẹ ne I ye ya guẹ guan na Nọyaẹnmwa. Ọmwa kẹkan ọre I khin, I i mwẹ asẹ ne I gha ya ta ẹmwẹ rhọkpa.

Gẹnẹsis 2:7

Ọre Nọyaẹnmwa Osanobua na rhie ekẹn vbe otọe, ọ keghi yae ma okpia, ọ keghi hiọnrọn uhiọnrọnmwẹ arrọọ ye ọre uvun ihue, okpia nii keghi khian ne ọ ghi rrọọ.

Gẹnẹsis 23:4

“Orhunmwuyẹn ọre I khin mwa na, wa khiẹn ewe uwa eso mẹ, ne I miẹn ehe re ọvbokhan mwẹ yi.”

Gẹnẹsis 3:18

Ogigban ke irunmwu ọre ọ gha zọ ladian nuẹn, u ghi vbe gha rri erhan noha.

Gẹnẹsis 5:5

Ọ keghi wu vbe ọmọ ukpo igbe yan iyehan yan arriaenẹ (930).

Job 1:21

Ọ keghi kha wẹẹ, “Irhunmwirhun ọ re iye mwẹ biẹ mwẹ re, irhunmwirhun ọ re I vbe ya rrie. E Nọyaẹnmwa ọ re ọ viọ emwi ne ọmwa, e Nọyaẹnmwa ọ re ọ vbe miẹn ọmwa ẹre. Urhomwẹ nọ ne eni ẹnrẹn.”

Job 10:9

Yerre wẹ obuẹ ọ re u ya ma mwẹ, te u ghi ra vbe dunmwu mwẹ khian ebubẹ ra?

Job 19:26

Uhin vbe iyeke vbe emianmwẹ a ghi rri ikpakpa egbe mwẹ na an nẹ,

Job 21:26

Sokpan obọkpa nọ, te ehia wulo, a ghi tọnnọ iran ye otọ, ọkhọe ghi ma rhu iran.

Job 34:15

te emwa ni rrọ hia gha wulo. Iran ghi dọlegbe khian ekẹn.

Job 4:19

Wẹ yayi ighẹ ọ gha mu ẹtin yan emwi ne a ye obuẹ ma? Emwi ne a ye ebubẹ ru, ne ọ giẹ a lọkọ ua zẹ vbe arriukpa?

Psalm 103:14

Ọ rẹn emwi ne a ya yi mwa ọ yerre wẹ, ekẹn ma khin.

Psalm 104:23

Ẹghẹ nii, emwa ghi ladian ne iran ya winna iwinna iran, iran ghi gha winna rhinrin ọ te sẹ ota.

Psalm 104:29

Wẹ gha fi iyeke gbe, ohan ghi gha mu iran, u gha miẹn iran uhiọnrọnmwẹ, iran ghi wulo, iran ghi dọlegbe ghe ekẹn ne iran ke rre.

Psalm 127:2

Ẹi mwẹ asa ne ọ ye ne a gha miẹn ẹsọn vberriọ ba ẹmwẹ evbare unu, ne a gha kpao vbe owiẹ vbirrivbirri, vbe ne a i na vbe rherhe lovbiẹ. Rhunmwuda, e Nọyaẹnmwa ọ re ọ kpemehe ne iran ne ọ ho ẹmwẹ ọnrẹn, vbe iran he ye vbiẹ.

Psalm 22:15

Ẹho mwẹ kae zẹvbe ikpekhae, aranmwẹ mwẹ, keghi sikan mu ighehe mwẹ. U sẹmwẹ rae zẹvbe orinmwi ye uwu ebubẹ.

Psalm 22:29

Emwa ni tọn egbe mu hia gha ya uhunmwu rhanmwẹ otọ ne ẹẹn. Emwa ne ọ sẹtin wu hia gha ya uhunmwu rhanmwẹ otọ ne ẹẹn.

Psalm 90:3

Wẹ tama ọmwa, ne ọ werriegbe ghe emwi ne ọ ka khin u dọlegbe ya ẹe khian ekẹn.

Itan 21:16

Uwu diakhẹ ọmwaikọmwa ne ọ bibi odẹ lahin ẹwaẹn esi rre.

Asan-Ibo 1:13

I keghi wa yan tae, I keghi vbe mu aro yọ wẹ, I gha gualotọ emwi hia ne a ru vbe agbọn na. Agbọn usẹ ọ re Osanobua mwamwa ne ima.

Asan-Ibo 1:3

Ọmwa ghi ya ẹdẹ agbọn rẹn hia winna, ọ ghi gha miẹn ẹsọn, sokpan, de ere ne ọ ghi miẹn vbọ?

Asan-Ibo 12:7

Ikinnegbe mwa ghi dọlegbe ghe ekẹn ne otọe, orhiọn ghi dọlegbe bu Osa ne ọ rhie ẹre ne ọmwa.

Asan-Ibo 3:20

Ihọkpa ọ re iran eveva rrie, onii ọ re ekẹn. Evba ọ re iran eveva ke rre, emwi ọkpa iran eveva ra vbe lao.

Asan-Ibo 5:15

Vbe ne ima ya lao agbọn na ọ re avbe ya kọe ladian, te a fiabọ rre, vbene a gha rhe yan miẹn ẹsọn sẹ, emwiọkpa ne a rhie kpao i rrọ.

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

I Kọrinti 15:47

Ekhae ne otọe ọre a ya yi Adam ne okaro, ẹrinmwi ọre Adam ne ogieva ke rre.

Ẹfisọs 4:28

Ọmwa ne ọ te ka rha yi, wẹ ne ọ dobọ oyi ne a rha yi, ne ọ suẹn gha winna, ne ọ miẹn ehe na gha khuan okhuan ne ai gbe ikhan yi ọghe obọ ẹre, kevbe ne ọ sẹtin vbe gha ye ne ẹ i mwẹ obọ.

I Tẹsalonaika 2:9

Ẹ i mwẹ ne uwa ghẹ yerre etẹn mwẹ, vbene ima winna miẹn ẹsọn hẹẹ. Asọn kevbe avan, ọre ima ya gha winna ne ima ghẹ miẹn ehe na gha re emwi idobọ ne uwa, vbe ẹghẹ ne ima na kpe orhu nene Iyẹn Ne ọ maa ma uwa.

II Tẹsalonaika 3:10

Ẹghẹ ne ima na gha rre ehe ne uwa ye, ma ta ẹe ma uwa wẹ, “Ọmwa ne ọ ma ho ne ọ winna, a ghẹ gi ẹe rri evbare.”

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.